Nunhas xornadas que terán lugar este venres e sábado en Pontevedra e Poio, respectivamente, séntanse as bases para a creación dunha alianza a prol dun futuro vivo para o medio rural galego. En principio, a Alianza estaría formada por sindicatos agrarios, ecoloxistas e propietarios de montes en man común.

Nos últimos meses proliferan os ataques aos xacementos arqueolóxicos da Mariña Luguesa, que tanto ADEGA como Mariñapatrimonio xa teñen denunciado ante a Xunta. As talas de eucaliptos con maquinaria pesada é a principal causa destas agresións patrimoniais.

Escoita este programa para coñecer as novas de maior actualidade no eido ambiental galego.

Isaac Alonso Estraviz ofrécenos outra sesión de terminoloxía con palabras relativas ao oficio das redeiras. Non o perdades!

A proposta de ampliación da Rede Natura non obedece a criterios científicos. É o que alega a organización ecoloxista galega ADEGA, desde a cal se considera que os criterios empregados pola Xunta son os do "descarte", é dicir, declarar espazos protexidos aqueles que non son de interese para o capital especulativo (para eólicas, canteiras, piscifactorías, etc.)

A inseguridade xurídica non é exclusiva en materia urbanística en Galiza. A contaminación acústica queda sen regulación no ámbito galego e iso crea complicacións á hora de poder defendernos contra os ruídos. A profesora de dereito ambiental, Alba Nogueira, retrata como quedaría este panorama xurídico.

O concello de Pontevedra contará en poucas semanas co seu primeiro Espazo natural de interese local para o cal se está a aprobar un Plan de Conservación. A Xunqueira de Alba sería así o único ENIL galego con Plan de Conservación e, por tanto, con instrumento de xestión.

Varios estudos recompilados por un grupo de investigadores en endocrinoloxía revelan a relación que existe entre o uso de substancias contaminantes e os cambios no noso metabolismo. Neste espazo Cerna desenvolvemos esta teoría coa axuda do presidente da Sociedade Española de Endocrinoloxía, Javier Salvador.

O incendio no parque natural das Fragas do Eume fixo reactivar as reivindicación sociais fronte o lume e as políticas de xestión dos espazos protexidos da Xunta. Nace a Plataforma para a Defensa das Fragas do Eume.

Un biólogo, un botánico e un edafólogo, todos eles recoñecidos expertos galegos nas súas disciplinas, ofrecen o seu punto de vista ante a catástrofe ambiental das Fragas do Eume neste programa Cerna.