O programa Cerna de hoxe e de mañá estarán dedicados á presentación da campaña en defensa do territorio de ADEGA, "Ponte no medio. Móvete polo territorio". O acto tivo lugar o pasado 16 de abril no Auditorio de Galicia de Compostela. Estivo acompañado polas actuacións musicais de MaM e Wöyza.

A semana pasada escoitabamos no programa Cerna as voces dos mariñeiros, armadores e técnicos que se opoñen á instalación de gaiolas de cultivo de salmón na Ría de Muros e Noia polos impactos ambientais e socioeconómicos do proxecto. Porén, a Xunta ten unha perspectiva moi diferente sobre o proxecto. Neste programa escoitamos a versión oficial a través do Director Xeral de Innovación tecnolóxica da Consellaría do Mar, Xoan Maneiro.

Se queres coñecer as novas desta semana relacionadas co medio natural, este é o programa. Escoita o máis relevante do acontecido nos últimos días no eido ambiental en Galiza.

Una nova sección de flora e fauna en Radio CERNA, para coñecer a planta do tártago e a bolboreta lumieira. Seguro que xa os tes visto.

Un dos autores do informe de impacto das gaiolas de cultivo de salmón, solicitado polas confrarías da ría de Muros e Noia para rebater diante da Consellaría do Mar, explica en Radio Cerna cales son os prexuízos negativos demostrados neste tipo de cultivo acuícola.

A empresa norueguesa North West Food traslada o seu proxecto de cultivo intensivo de salmón en gaiolas á ría de Muros e Noia, onde está a xerar unha grande oposición por parte do sector do mar. Neste programas coñecemos as súas motivacións.

A vía de peregrinación máis antiga a Santiado, o Camiño Primitivo, vén de ser declarado candidato á Patrimonio da Humanidade. O Foro do Camiño Primitivo, formado por unha ventena de organizacións defensora do patrimonio e o medio ambiente, apoian esta candidatura e instan ás administración a que actúen de xeito efectivo na protección do Camiño.

A nivel internacional "Fukushima" e a contaminación nuclear continúa a xerar alarma, dada a extensión da radioactividade polo mar. E en Galiza, tamén o mar é lugar de conflito. As confrarías, ecoloxistas e armadores seguen mostrando a súa oposición á instalación de gaiolas de cultivo intensivo de salmón no interior da ría de Muros e Noia.

Nova sección sobre a flora e fauna de Galiza coa colaboración de Marga Miguens e Xosé Salvadores.

O filólogo Isaac Alonso Estraviz define o significado das palabras relacionadas co oficio tradicional do cerralleiro.