Tornike Chutlashvili Georgian Legion

" პატრიოტთა ალიანსი“-ს თბილისის სიის პირველი ნომერი გოჩა თევდორაძე აცხადებს, რომ ამ არჩევნების ერთ-ერთი უმთავრესი მიზანი არის, "ქართულმა ოცნებამ" ვერ დაძლიოს 43%-იანი ნიშნული და დაინიშნოს ვადამდელი საპარლამენტო არჩევნები, "პოლიტიკური ველიდან გავისტუმროთ "ქართული ოცნებაც" და "ნაციონალური მოძრაობაც"".

GSAC-ის თანადამფუძნებელი, საერთაშორისო ურთიერთობათა სპეციალისტი, გიორგი რუხაძე თვლის, რომ "„ნაციონალური მოძრაობა“ თუ ახლა მოაწერს ხელს „მიშელის შეთანხმებას“, იქნება კარგი. ეს ხელ-ფეხს გაუხსნის ეს აქტორებს, რომ უფრო მეტი წნეხი იქონიონ „ქართულ ოცნებაზე“. და ზოგადადაც, მოხდება ლუსტრაცია".

კავკასიის უნივერსიტეტის სახელმწიფო მართვის სკოლის დეკანი ეკა აკობია "ქართული ოცნების" 28 ივლისის გადაწყვეტილების შემდგომ რეალობას აანალიზებს - "ქართული პოლიტიკა შევიდა ისეთ წყლებში, სადაც პარტიული დღის წესრიგი აღარ არის საკმარისი. ზეპარტიულად უნდა მოხდეს საკითხების განხილვა და ელექტორატთან მუშაობა".

ფრაქცია „შარლ მიშელის რეფორმების ჯგუფი“-ს წევრი, პარტია "გირჩი - მეტი თავისუფლების" თავმჯდომარე, ზურაბ ჯაფარიძე რადიო თავისუფლების "დილის საუბრებში" აცხადებს, რომ არჩევნების ბოიკოტირება არასწორი იქნება და საჭიროა ოპოზიციამ იზრუნოს მომავალი არჩევნების რეფერენდუმად ქცევაში მოსახლეობის დარწმუნებაზე.

"სტრატეგია აღმაშენებლის" გენერალური მდივანი, პარლამენტის წევრი, პაატა მანჯგალაძე რადიო თავისუფლების "დილის საუბრებში" აცხადებს - "ახლა უნდა ამუშავდეს იძულების საერთაშორისო მექანიზმები პირდაპირ ხელისუფლებაზე, და არა ხალხზე ან ქვეყანაზე, რომლებიც "ქართულ ოცნებას" დააბრუნებს მოლაპარაკების პროცესში".

"ლელო საქართველოსთვის" პოლიტსაბჭოს წევრი, საბა ბუაძე აცხადებს, რომ "ქართული ოცნების" ლიდერებმა "ყველა „ტრიუკი“ გამოიყენეს, როგორც მათ დამფუძნებელს უყვარს, იმისათვის, რომ რამენაირად ვალდებულებებს თავი აარიდონ".

"ერთიანი ნაციონალური მოძრაობისა" და პარლამენტის წევრი, ნონა მამულაშვილი აცხადებს, რომ ის, რაც 28 ივლისს მმართველმა ძალამ გამოაცხადა 19 აპრილის შეთანხმებიდან გასვლაზე, არის პროცესის კულმინაცია, როცა ""ქართულმა ოცნებამ" ღიად ომი გამოუცხადა დასავლეთს, არა მხოლოდ საკუთარ ხალხს".