Popppunktur

Í sérstökum aukaþætti Popppunkts á Rás 2 árið 2015 voru gestir lið poppfræðinga götunnar, eða Nördum og lið atvinnumanna af Rás 2. Þar mættust stálin stinn í óvenju erfiðum Popppunkti.

Staðan í sérstökum sumar-Popppunkti á Rás 2 er nú þannig að eftir undanúrslitaleiki eru eftir tvö lið sem keppa til úrslita á laugardaginn eftir viku. Þetta eru liðin ÍSTÓN (Íslensku tónlistarverðlaunin, Eiður Arnarsson og María Rut Reynisdóttir) og BÍL (Bandalag íslenskra listamanna, Kolbrún Halldórsdóttir og Bragi Valdimar Skúlason). Ekki missa af æsispennandi úrslitaleik sem verður um Verslunarmannahelgina.

Nördaþáttur

Til að brjóta þetta upp var sérstakur „nördaþáttur“ á laugardaginn í klassískum Popppunktsanda. Þar kepptu „Nördar af Rás 2? (Andri Freyr og Hulda Geirs) við „Nörda af götunni“ (Frosti Jón Runólfsson og Anna Lea Friðriksdóttir). Þátturinn var aðeins lengri en aðrir þættir í þessari seríu og keppendur voru lengi af stað en svo varð þátturinn æsispennandi og stórskemmtilegur.

Bjarni töframaður átti skemmtilega innkomu

Bjarni töframaður sá um einn liðinn í keppninni en þar spilaði hann rangan texta við rangt lag og þurftu keppendur bæði að nefna lagið og textann.

Umsjónarmenn Popppunkts eru þeir Dr. Gunni og Felix Bergsson. Stjórn upptöku var í höndum Ragnars Gunnarssonar.

Í hinum undanúrslitaleiknum í Popppunkti sumarið 2015 á Rás 2 mættust fulltrúar Íslensku tónlistarverðlaunanna, ÍSTÓN og eigendur listarýmisins Mengis. Fyrir hönd Mengis mættu hjónin Bjarni Gaukur Sigurðsson og Elísabet Jónsdóttir en fulltrúar Ístón voru Eiður Arnarsson og María Rut Reynisdóttir.

Doktorinn stríddi keppendum með skemmtilegri vísbendingaspurningu í byrjun þar sem spurt var um hinn ótrúlega fjöllistahóp Oxzmá og þar fannst meðal annars upptaka með Bubba Morthens þar sem hann syngur með þeim félögum.

Gaukur og Elísabet þekktu Holland.

Liðin skiptust á að svara bjölluspurningum og Mengi tókst t.d. að svara spurningum um Sævar Cieselski og Holland en Ístón hafði þó alltaf frumkvæðið. Það var á brattann að sækja fyrir Mengi en þau gáfust þó aldrei upp og stóðu sig með mikilli prýði.

Umsjónarmenn Popppunkts eru þeir Dr. Gunni og Felix Bergsson. Stjórn upptöku var í höndum Ragnars Gunnarssonar.

Það mættust stálin stinn í Popppunkti á Rás 2 þegar tónleikastaðirnir úr miðborg Reykjavíkur Mengi og Cafe Rósenberg kepptust við að svara spurningum Dr. Gunna.

Fyrir hönd Rósenberg mættu þeir Þórður Pálmason og Arnar Sigurðsson og frá Mengi voru keppendur þau Bjarni Gaukur og Ragnheiður Þuríðardóttir.

Þriðji leikur Popppunkts á Rás 2 þetta sumarið var á milli Kvenna í tónlist eða Kítón á móti Íslensku tónlistarverðlaununum, Ístón.

Fyrir hönd Kítón mættu þær Hafdís Huld og Alma Rut en fulltrúar Ístón voru framkvæmdastjórarnir Eiður Arnarson og María Rut Reynisdóttir.

Það var mikið fjör þegar þær Þorgerður Katrín Gunnarsdóttir og Katrín Jakobsdóttir mættu Braga Valdimar Skúlasyni og Kolbrúnu Halldórsdóttur í öðrum leik Popppunkts í ár.

Liðin hétu auðvitað “Fyrrverandi menntamálaráðherrar? og “Bandalag íslenskra listamanna? en þar er Kolbrún forseti og Bragi Valdimar varamaður í stjórn.

Keppendur í fyrsta leiknum voru fulltrúar Record Records og námskeiðsins Stelpur rokka! Frá Record Records komu Haraldur Leví og Aðalsteinn Sumarliðason en fulltrúar Stelpur rokka! voru Hildur Vala Einarsdóttir og Birta Svavarsdóttir

Bræðslan vann sigur á Exton í hörkuleik á Páskadag og í kjölfarið tryggðu þeir sig inn í úrslit gegn Græna hattinum.

Þessi lið eiga ýmislegt sameiginlegt. Bæði eru fulltrúar fyrir popptónleikahald á landsbyggðinni, Græni hatturinn á Akureyri og Bræðslan á Borgarfirði Eystri. Einnig tengjast keppendur fjölskylduböndum því fulltrúar Græna, Haukur og Styrmir, eru feðgar og fulltrúar Bræðslunnar, Magni og Heiðar, eru bræður. Svo eru þeir líka allir bara verulega geðugir og skemmtilegir gaurar.

Dr. Gunni og Felix voru tilbúnir með mikinn og skemmtilegan spurningapakka og Einar Sigurðsson tæknimaður sá til þess að allir heyrðu allt sem þeir áttu að heyra.

Það voru góðir félagar sem mættust í seinni undanúrslitaleik Popppunkts á Páskum á Rás 2. Í fyrri leiknum tók Græni hatturinn Eistnaflug hreðjataki og kom sér í úrslitin. Í þeim seinni mættust Exton og Bræðslan.

Fulltrúar Bræðslunnar voru bræðurnir Guðmundur Magni og Áskell Heiðar og fulltrúar Exton þeir Garðar og Silli. Allt miklar mannvitsbrekkur þegar kemur að poppfræðum

Hitt sætið í úrslitum var í húfi og það var hart barist.

Bransaliðin sem komust í undanúrslit Popppunkts á Páskum á Rás 2 eru Græni hatturinn, Eistnaflug, Bræðslan og Exton. Fyrri leikurinn í undanúrslitum var á milli Eistnaflugs og Græna hattarins.

Fyrir þessi lið kepptu þeir feðgar Haukur og Stymir frá Græna hattinum og félagarnir Stefán og Atli Jarl sem standa að Eistnaflugi.

Þetta varð hörkurimma enda sæti í úrslitum í húfi.

Síðasti þáttur í 8 liða úrslitum Popppunkts á Páskum á Rás 2 er hér. Í síðasta leik unnu Exton HljóðX-Rín eftir æsispennandi bráðabana. Já það er hart barist þegar bransinn tekur á því!

Liðin sem mætast í dag eru fulltrúar Iceland Airwaves, Egill og Henný en hún er eina stelpan sem var send til keppni í ár og bræðurnir Magni og Áskell Heiðar en þeir standa að Bræðslunni í Borgarfirði. Það eru því tvær ólíkar tónlistarhátíðir sem takast á.

Baráttan stendur um eina lausa sætið inn í undanúrslitin.