Esta noite a Asociación Cultural Betún comezará a festa co seu encontro mensual de música improvisada, a Jam Session. Será a partir das 21h. Pola súa parte, o sábado a cita será dobre. Pola tarde, de 17 a 20h celebrarase un obradoiro de Theremin. Contará cunha breve introdución a este instrumento único seguido de demostracións e explicacións de funcionamento. Ten un custe de entre 8 e 10€. Xa na noite do sábado, a partires das 22h chega o concerto de Modulador de Ondas, one-man-band que toca a guitarra e o theremin.