كل واحد فينا عنده ذكريات محفورة جواه… منها اللي بيدفي القلب زي حضن قديم أو لحظة نجاح، ومنها اللي بيوجع زي فقد أو خيبة. لكن السؤال اللي بيطرح نفسه: هل التمسك بالذكريات دايمًا بيفيدنا؟ ولا ممكن يتحول لعبء يوقفنا مكانّا؟

في الحلقة دي من قعدة روقان، بناخدك في رحلة وعي بين حلاوة الذكريات اللي بتدي طاقة وراحة، وبين الجانب التاني اللي ممكن يجرّنا للوراء ويخلينا أسرى للماضي.

العتاب ساعات بيكون علامة محبة واهتمام… وساعات تانية بيكون بداية مسافة وبُعد.

في الحلقة دي من قعدة روقان، هنفتح سوا موضوع العتاب:

هل فعلاً بيقرب القلوب ولا ساعات بيكسرها؟

إمتى العتاب يبقى دليل على إن العلاقة لسه فيها أمل، وإمتى يتحول لعبء تقيل يخلي الناس تهرب بدل ما تتقرب؟

هنتكلم عن مشاعرنا في لحظة العتاب، عن الكلمات اللي بتتقال وبتسيب أثر، وعن إزاي نلاقي التوازن بين الصراحة والحب… من غير ما نخسر اللي بنحبه.

حلقة مليانة دفء، أسئلة، وتأملات… يمكن تلاقي فيها إجابة على اللي جوا قلبك.

وجع التوقعات"… عن اللحظة اللي بيقف فيها الإنسان على الحافة بين الحياة والموت، لما تتحول الأحلام لضغط، والتشجيع لعبء، وعن المعركة الصعبة لاستعادة الرغبة في العيش من جديد.

للاستماع لبودكاست حكاية قلب

https://podeo.co/podcasts/id/22629

فيه حاجات ما بنقولهاش…

مش لأننا مش عارفين، لكن لأننا تعبنا من التفسير.

تعبنا من التبرير. تعبنا من التكرار.

وسكتنا.

في الحلقة دي من قعدة روقان، هنفتح درج قديم جوا النفس:

🔹 ليه مشاعرنا القديمة ما بتموتش؟

🔹 يعني إيه تراكم نفسي وإزاي بيأثر علينا فجأة؟

🔹 إزاي السنين اللي فاتت ممكن تكون السبب في إنك مش طايق يومك

🔹 خطوات صغيرة علشان تفضي المساحة جواك وتتنفس تاني

لو بتحس إنك "مش عارف السبب، بس مخنوق"،

فـ الحلقة دي جاية مخصوص علشانك.

ليه أوقات بنتمسك بحد لدرجة تخلينا ننسى نفسنا؟

ليه بنكمل في علاقة بتأذينا بس مش قادرين نسيبها؟

هل ده حب؟ ولا احتياج؟ ولا خوف من الفقد؟

لو حسيت يوم إنك "مش قادر تمشي ومش قادر تكمل"، الحلقة دي ليك.

استمع، وافهم، وخد خطوة تجاه نفسك.

الخوف شعور طبيعي… لكن لما يتحول لحاجز بيشلّك وبيمنعك تعيش، ساعتها بيبقى خطر!

استلم هديتك من بودكاست قعدة روقان

https://forms.gle/dHKCNbXQvEDRbEru9

في هذه الحلقة الخاصة، نفتح كشف حساب للمشاعر اللي يمكن عمرنا ما عبّرنا عنها بصوت عالٍ. عن الأب اللي بيكون دايمًا في الظل، بيشيل وبيسند، واللي فضله علينا أكتر من أي كلمات. عن الحنية اللي مش دايمًا بتبان، لكنها عايشة جوانا. تعالوا نسمع ونفتكر ونعترف.. يمكن تكون دي الرسالة اللي مستني يسمعها.

الشخصية صاحبة عقلية الضحية وشايفة نفسها لازم تكون محور الكون

اختار الشخص الذى يراك كل شئ ويراك استثناء

كيف تتعامل مع الشخص الصامت فى الحب؟