សៀវ​ភៅ​ដែល​មាន​ចំណង​ជើង​ថា« ពូទីន​២០​ឆ្នាំ​ក្នុង​អំណាច»​ ត្រូវ​ដាក់​បង្ហាញ​នៅ​ក្នុង​ព្រឹត្តិការណ៍​ពិព័ណ៌​សៀវ​ភៅ​លើកទី​៨​នៅ​ឆ្នាំនេះ​។ ​សៀវ​ភៅ​កម្រាស់​ជាង​២៦០​ទំព័រ​នេះ​ និពន្ធ​ដោយ​លោក ​អេង ប៉ូលីត សូឡារី ដែល​បាន​រស់​និង​សិក្សា​នៅ​ប្រទេស​អតីត​សហភាព​សូវៀត​នេះ​អស់​រយៈ​ពេល​ជាង​១០​ឆ្នាំ​។​ អ្នកនិពន្ធ​រូប​នេះ ដែល​ជា​សាស្ត្រាចារ្យ​វិទ្យាសាស្ត្រ​នយោបាយ​ផង​ ​បាន​អះអាង​ថា ​«ការ​សម្រេច​ចិត្ត​របស់​រុស្ស៊ី ​ចង់​ឬ​មិន​ចង់​ ក៏​អាច​ជះ​ឥទ្ធិ​ពល​ដល់​ទី​ក្រុង​ភ្នំពេញ ដោយ​ផ្ទាល់​ឬ​ដោយ​​ប្រយោល​ផង​ដែរ​»។