Raattai Media

Raattai Media | Season 43 | Episode 01 – Introduction

செயற்கை நுண்ணறிவு (AI) இன்று எங்கும் வியாபித்திருக்கிறது.

நாள்தோறும் சிலர் வேலையிழப்பதற்கும், பலர் தங்கள் வேலைகளை விரைவாகச் செய்து முடிப்பதற்கும், சிலருக்கு ஒரு பொழுதுபோக்காக இருப்பதற்கும், இன்னும் சிலருக்கு எதிர்காலத்தில் வேலை என்பதே என்னவாக இருக்கும் என்ற கேள்வியை எழுப்புவதற்கும் காரணமாகியிருக்கிறது நம்மை வியக்கவைக்கும் இந்தத் தொழில்நுட்ப வளர்ச்சி.

இதன் தாக்கங்கள் நல்லதும் கெட்டதுமாகப் பல தளங்களில் வெளிப்படுகின்றன.

செயற்கை நுண்ணறிவை நாம் தொழில்நுட்ப ரீதியாக முழுமையாகப் புரிந்துகொள்வதற்கு முன்பே அது அடுத்த கட்டத்திற்கு நகர்ந்துவிடுகிறது. அதன் வளர்ச்சியின் வேகத்தோடு நமது புரிதலால் எப்போதும் ஈடுகொடுக்க முடிவதில்லை.

ஆனால், இந்தத் தொழில்நுட்பம் சமூகத்தில் ஏற்படுத்திக்கொண்டிருக்கும் மாற்றங்களைப் புரிந்துகொள்வதற்கும், அவற்றின் எதிர்கால விளைவுகளைச் சிந்திப்பதற்கும் உலகெங்கிலும் ஏராளமான சான்றுகள் நம் கண்முன்னே இருக்கின்றன.

வேலைவாய்ப்பு, பொருளாதாரம், மனித உறவுகள், கல்வி, அதிகாரம், சமத்துவம் என நமது அன்றாட வாழ்க்கையின் பல்வேறு தளங்களில் செயற்கை நுண்ணறிவு ஏற்படுத்தும் மாற்றங்களையும், அவை எழுப்பும் சமூகக் கேள்விகளையும் இந்த சீசன் முழுவதும் பேசவிருக்கிறோம்.

கேளுங்கள். பகிருங்கள். இவை குறித்து உரையாடுங்கள்.

ராட்டை மீடியா | சீசன் 43 | எபிசோட் 01

ராம் & பாஸ்கி

காந்தியம் என்பது ஒரு நிறுவப்பட்ட சித்தாந்தம் அல்ல. இது ஒரு அறம்சார்ந்த வழிமுறை, அந்த வழிமுறையை அறம் சார்ந்து சமூக நலம் நோக்கி பயணிக்கும் எவரும் பின்பற்றலாம். இந்த சீசன் கடைசி எபிசோடில் நாம் காந்திய வழியை பற்றி அலசுகிறோம்.

சுவதேசி என்பது ஒரு நுகர்வுப் பொருளோ அல்லது ஒரு குறிப்பிட்ட நுகர்வு பொருள் வகையறையோ அல்ல; அது ஒரு முழுமையான சூழல் அமைப்பு (ecosystem) ஆகும். இதைத் தனித்து பார்க்க முடியாது; அறங்காவலர் முறை (Trusteeship), சர்வோதயம் (Sarvodaya) மற்றும் சுயராஜ்யம் (Swaraj) போன்ற பிற கருத்துருவாக்கங்களுடன் இணைந்து செயல்படும்போதே, சுவதேசி வலிமையை பெறுகிறது. இன்றைய உலகமய கார்ப்பரேட் அராஜக ஆதிக்க சூழலில், உள்ளூர் பொருளாதாரம், அதனை சார்ந்துள்ள மக்களின் வாழ்வு அனைத்தும் தக்கவைக்க., சுவதேசி மற்றும் அதனை சார்ந்த சூழ அமைப்பு நமக்கு அவசியமாகிறது.

Padma Shree Dr. Natesan Punniyamurthy is a pioneering scientist, veterinary clinical pharmacologist, and foremost authority in Ethno-Veterinary Medicine (EVM) deriving from the centuries old Traditional Siddha knowledge stream in Southern India. His tireless commitment over four decades to integrating traditional knowledge systems with modern veterinary practices has directly benefited thousands of farmers and veterinarians while shaping national policies on antimicrobial resistance (AMR).

He holds a PhD in Veterinary Pharmacology & Toxicology from Madras Veterinary College, TANUVAS (Gold Medal for Best Thesis), and a Diploma in Siddha Medicine—demonstrating his commitment to blending traditional and modern healing systems.

Over 20 of his local herbal prescriptions have been clinically proven to be effective in more than 2 million cattle today and made available in 12 Indian languages by the National Dairy Development Board (NDDB). Government of India has recognized his immense contribution to this sector by awarding him Padma Shree, the fourth highest civilian honour in 2026.

Green Economy & Sustainable Livelihood Foundation (GESLF) has collaborated with Dr. Punniyamurthy to create the concept of One Health Stewards (OHS), a village community based movement that is rooted in the holistic integral vision of ensuring wellness of human, animal and environmental health. Currently the concept is being piloted with in over 40 villages across South India.

S42 E03 — தொழில்நுட்பமும் காந்தியும்

தொழில்நுட்பம் மனிதர்களின் கண்ணியத்தையும் சுயமரியாதையையும் உயர்த்த வேண்டும். அவர்களைச் சுரண்டாமல், அவர்களின் பொருளாதார நிலையையும் தங்கள் வாழ்க்கையைத் தாங்களே தீர்மானிக்கும் ஆற்றலையும் வலுப்படுத்த வேண்டும். இதுவே தொழில்நுட்பம் குறித்த காந்தியின் பார்வையில் மையமாக இருந்தது.

இன்று ஏஐயும் அல்காரிதங்களும் நமது வேலை, நுகர்வு, அரசியல் தேர்வுகள் வரை செல்வாக்கு செலுத்துகின்றன. இந்தச் சூழலில், நம் வாழ்க்கையின் மீதான கட்டுப்பாடு யாரிடம் இருக்கிறது? காந்தியின் பார்வை இந்தக் கேள்வியை அணுக நமக்கு எப்படி உதவுகிறது?

தொழில்நுட்பம், அதிகாரம், பொருளாதாரம் ஆகியவற்றின் உறவைப் பற்றி ராம் & பாஸ்கியுடன் ஓர் உரையாடல். கேளுங்கள்; உங்கள் கருத்துகளைப் பகிருங்கள்.

நூறு ஆண்டுகளுக்கு முன்பே பூமி, மனிதத் தேவைகள், நுகர்வு ஆகியவற்றின் உறவை ஆழமாகச் சிந்தித்தவர் காந்தி.

நமக்கு எவ்வளவு தேவை? அந்தத் தேவை எங்கே பேராசையாக மாறுகிறது?

பூமியிடமிருந்து நாம் எவ்வளவு எடுத்துக்கொள்ளலாம்? அதற்கான பொறுப்பு என்ன?

இந்தக் கேள்விகளைத் தனது அன்றாட வாழ்க்கையிலும் பொருளாதாரப் பார்வையிலும் தொடர்ந்து அணுகினார்.

போரும் விடுதலைப் போராட்டமும் சூழ்ந்த காலத்தில் இத்தகைய பார்வையுடன் செயல்பட்டது கவனத்திற்குரியது.

இன்று பருவநிலை மாற்றத்தை எதிர்கொள்ள அவரது சிந்தனைகள் நமக்கு எவ்வாறு துணை நிற்கின்றன?

நமது நுகர்வு, உற்பத்தி, வாழ்க்கைமுறை ஆகியவற்றில் அவற்றை எப்படிப் பயன்படுத்தலாம்?

அவர் மேற்கொண்ட முயற்சிகளும் விட்டுச் சென்ற அனுபவங்களும் நமக்கு என்ன கற்றுத்தருகின்றன?

இவற்றைக் குறித்து ராம் & பாஸ்கியுடன் விரிவான உரையாடல் — தொடர்ந்து கேளுங்கள்.

காந்தியைக் கொல்ல முடியுமா? — ராட்டை மீடியா, சீசன் 42

காந்தி அரசியல் விடுதலையோடு, நாம் எப்படி வாழ வேண்டும் என்பதையும் பேசினார். உழைப்பு, உள்ளூர் பொருளாதாரம், தன்னாட்சி, அனைவரின் நல்வாழ்வு குறித்த அவரது பார்வை இன்று நமக்கு என்ன சொல்கிறது?

அறிமுகம் தொடங்கி ஐந்து எபிசோடுகளில், காந்தியின் வாழ்க்கையையும் செயல்பாடுகளையும், சர்வோதயம், சுதேசி, சுயராஜ்யம் ஆகிய சிந்தனைகளையும் இன்றைய சூழலோடு இணைத்துப் பேசப் போகிறோம்.

எப்போதும்போல ராம் & பாஸ்கியுடன் தொடர்ந்து கேளுங்கள்.

சில மனிதர்களுடனான சந்திப்புகள் நாம் உலகைப் பார்க்கும் விதத்தையே மாற்றிவிடுகின்றன. ராம் சந்தித்த மனிதர்களும் அவர்களுடனான உரையாடல்களும் அப்படியானவை. இந்தியாவையும் அதன் மக்கள் வாழ்வையும் புரிந்துகொள்ள அந்த உரையாடல்கள் அவருக்கு எப்படி உதவின என்பதை இந்தப் பகுதியில் பகிர்ந்துகொள்கிறார். அதனுடன், என் பயணங்களில் சந்தித்த மனிதர்கள், அவர்கள் பகிர்ந்த கதைகள், அவற்றுக்கும் வாழ்வின் உன்னதங்களுக்கும் உள்ள தொடர்பு குறித்தும் பேசுகிறோம்.

‘கத கேளு கத கேளு’ — மானுடம் காக்கும் மக்கள் கதைகள் | ராம் & பாஸ்கி.

உழைக்கும் நேரத்திலும், உழைத்துக் களைத்து ஓய்ந்திருக்கும் பொழுதிலும் பாட்டும் கதையும் நம்முடன் இருந்திருக்கின்றன. கூட்டாகச் செய்யும் வேலைகள், ஊர்த் திருவிழாக்கள், ஒன்றைப் பெற்ற மகிழ்ச்சி, இழப்பின் துயரம் என வாழ்வின் ஒவ்வொரு நிலையிலும் இயல், இசை, நாடகம் மக்களின் உணர்வுகளை வெளிப்படுத்தும் வழியாகவும், ஒருவரையொருவர் இணைக்கும் பிணைப்பாகவும் தொடர்கின்றன. மக்களின் வாழ்வோடு கலந்திருக்கும் கூத்தையும் இசையையும் பற்றிய உரையாடல், இந்த வாரம் ‘கத கேளு கத கேளு’ நிகழ்ச்சியில் ராம் & பாஸ்கியுடன்.

திருவிழா என்பது கொண்டாட்டம் மட்டுமல்ல; நம்பிக்கை, வணிகம், கலை, உணவு, உறவுகள் என அனைத்தும் ஒரே இடத்தில் உயிர்பெறுகின்றன. கூட்டத்தின் நடுவே பழைய நினைவுகளும் புதிய முகங்களும் ஒன்றோடொன்று கலக்கின்றன. காலத்தோடு திருவிழாக்களின் வடிவம் மாறினாலும், அவற்றை நோக்கி மக்கள் செல்வது இன்னும் தொடர்கிறது. நமது வாழ்வில் திருவிழாக்கள் உருவாக்கிய மகிழ்ச்சி, முரண்பாடு, பிணைப்பு ஆகியவற்றைப் பேசுகிறோம்.

கத கேளு கத கேளு , இந்த வாரம் ராம் & பாஸ்கியுடன் ‘திருவிழாக்கள்’.