Gabriela Legaspi Fernández pasa polo micro de Radio Manoplas no duodécimo falangullo da terceira tempada.

Naceu no Perú e aos dous anos e medio chegou a Galiza en adopción. Na actualidade dinamiza Manaia Moza, sección xuvenil da asociación Manaia "formada por mozos e mozas adoptadas e/ou acollidas entre 14 e 30 anos. O seu obxectivo é crear un punto de encontro sen participación das súas familias no que se sintan seguras". Buscan crear un espazo de seguro, ao marxe dos familiares, no que poñer en común as súas vivencias como persoas acollidas e/ou adoptadas. Para isto organizan faladoiros (racismo) e obradoiros (poesía, encadernación...) que serven de escusa para socializar as súas experiencias.

Gabriela fala de vagar sobre a súa vivencia, anos de reflexión e compartir fixeron que estas cuestións as explique con serenidade e naturalidade. A sociedade non o pon fácil: o silencio sobre estes temas, o racismo que sofren as racializadas, o pechado concepto de familia... fan moi necesario a creación de espazos como Manaia Moza, xa que axudan a visualizar realidades e crean referentes.

Celebramos o valor e a tarefa que desenvolven persoas como Gabriela que sen dúbida melloran as nosas comunidades. Pechamos coa recomendación musical da entrevista, nesta ocasión a canción de Sés “Non son fada".

Botádenos unha man espallando este proxecto que podedes escoitar en: IVOOX, SPOTIFY, ARCHIVE e PODGALEGO.

+info: http://alicerces.arkipelagos.net

Haydée Agras Moral pasa polos micros de Radio Manoplas no décimo falangullo da terceira tempada.

Veciña de Coia en concreto do barrio do Rocío, moi preto da súa casa, no “campo rojo”, pasou horas xogando ao fútbol. Nos 90 as nenas non eran benvidas neste deporte, mais como Haydée dicía vivía nun “capítulo de Oliver e Benji constante” e de tanto teimar rematou como xogadora profesional onde gañou varios títulos.

Tras pechar a súa etapa de xogadora, tarefa que compaxinou cos estudos universitarios, comeza a traballar como analista de datos nunha empresa rusa (InStat). O mundo laboral a levou por diferentes países: Tailandia, Qatar, Kuwait, Malasia e agora Reino Unido.

Na actualidade traballa no equipo técnico do Brentford, equipo que xoga na Premier League. Nese club Haydée traballa como analista táctica tratando de dar contexto e aproveitar a inxente cantidade de datos que manexan no fútbol profesional.

Un pracer de conversa a mantida cunha persoa que desprende humanidade, serenidade e gran coñecemento da tarefa que desenvolve. Para rematar Haydée propón "Oie Gayego" de Verto para despedir a entrevista.

+info: http://alicerces.arkipelagos.net

Raquel Doval Carregal pasa polos micros de Radio Manoplas na novena entrevista da terceira tempada.

Medrou no centro de Vigo, mais desde hai dez anos residen no barrio de Teis. Estudou Traballo Social e xa desde os inicios apostou por facer desta profesión unha ferramenta de transformación social mobilizando recursos para mellorar a vida das vulneradas. Raquel alerta sobre a situación laboral do terceiro sector, igual que o resto do mercado está marcado pola precariedade e por problemas na xestión dalgunhas entidades.

Leva case dúas décadas traballando na Rede de Mulleres Veciñais Contra Os Malos Tratos onde acompaña a mulleres co fin de evitar que volvan a sufrir as violencias provocadas polo patriarcado. Alerta sobre os problemas que padecen as mulleres en institucións que en teoría están para as protexer, como por exemplo os xulgados.

De pequena formou un grupo ecoloxista na escola, activismo que continua na actualidade participando en movementos na defensa do territorio como "Foi polo vento e veu polo ar". Nesas loitas, na súa vida incorpora tamén a importancia de protexer todas as vidas, por iso dedica parte do seu tempo ao coidado de animais nunha protectora.

Como peche da conversa Raquel recomenda despedirnos con Pauliña, en concreto cun canción titulada "Non é ficción".

+info: http://alicerces.arkipelagos.net

Iria Vázquez Silva achégase aos micros de Radio Manoplas na oitava entrevista da terceira tempada.

Veciña da Travesía de Vigo onde medrou xogando nos descampados no seo dunha familia numerosa. Logo de repasar a súa infancia que Iria lembra con agarimo entramos na etapa universitaria marcada polos estudos de Socioloxía.

Estuda en A Coruña motivada polo seu interese no social que logo collería xeito a través da investigación e da intervención. Iria aprendeu tamén moito fóra das aulas: participou activamente nun sindicato de estudantes e no colectivo feminista "Meigas". Eran anos de moito movemento asembleario: en contra da guerra, da LOU, na loita de "Nunca Máis"...

Na actualidade, tras moitos anos de camiño, Iria é profesora de Socioloxía na Uvigo. Alén de dar aulas en diversas facultades investiga e estuda sobre feminismos, migracións, violencia machista.. sempre coa vocación de que a súa tarefa sexa útil para mellorar as nosas sociedades, as nosas vidas.

Rematamos a entrevista con música, nesta ocasión a entrevistada despídese con "A nossa história" de A Matraca Perversa.

+info: http://alicerces.arkipelagos.net

Cintia Micaela Fresenga Araújo pasa polos micros de Radio Manoplas na sexta entrevista da terceira tempada.

Chegou a Vigo con 14 anos desde Uruguai. Primeiro pai, logo ela xunto a nai e irmáns, deixaron o chiquito país latinoamericano na procura dun futuro mellor. Na Galiza padeceron a violencia das políticas migratorias e tamén condutas racistas no ámbito educativo.

Logo de rematar o instituto fixo primeiro o ciclo de Vitivinicultura en Ponteareas para logo continuar cos estudos de Integración Social, formacións que sempre

Pechamos a entrevista coa recomendación musical de Cintia, un tema de Jorge Drexler que leva por título “Movimiento”.

Botádenos unha man espallando este proxecto que podedes escoitar en: IVOOX, SPOTIFY, ARCHIVE e PODGALEGO.

+info: http://alicerces.arkipelagos.net

Mariló Fernández Besada abriunos as portas da súa casa para gravar unha nova entrevista.

Medrou en Coia até os seis anos para logo xogar en Alcabre. Tiña vontade estudar Medicina mais a vida a levou a ser enfermeira.

En 1984, anos nos que a heroína facía unha desfeita entre a mocidade,  Mariló xunto a outros compañeiros inician o traballo no centro  preventivo e asistencial de drogodependencias (CEDRO). Fixéronse  cómplices dos doentes exercendo un traballo moi activo e comprometido  pola erradicación dos graves problemas que golpeaban as persoas  atendidas. Xunto a Antón Bouzas dinamizou o grupo de autoapoio VIH/SIDA e  adiccións “O IMÁN”.

Un pracer poder conversar con Mariló, as súas verbas son memoria de  anos de loita e acción social comprometida coa xustiza social das  persoas máis maltratadas e empobrecidas. Para pecharmos esta entrevista  Mariló déixanos coa música de Sés, neste caso coa canción: "O medo dunha  nena".

Máis entrevistas e información en http://alicerces.arkipelagos.net/radio-manoplas

A segunda entrevistada da terceira tempada é Sara Faro Lubiáns.

Sara  é unha moza de Coia, barrio ao que chegaron os seus avós desde Arbo.  Estudou no Coia 2 onde participou activamente no "Comando Igualdade",  grupo humano no que alén de formarse teceu relacións ao redor dos  feminismos que transformaron a súa vida e con ela a da súa contorna máis  próxima. Na actualidade Sara estuda "Dirección Escénica e Dramaturxia"  en Navia aínda que este curso marchou até Porto grazas ao programa  Erasmus+.

De meniña comezou no grupo de pandereteiras "Lumieiras"  onde mamou a música tradicional ao tempo que facía amizades. En 2022  Sara iniciou xunto a María o proxecto musical Fillas de Cassandra. Malia  o escaso tempo fixeron unha chea de concertos, sacaron varios  videoclips, cantaron no Luar... e no primeiro trimestre de 2023 van  sacar o seu primeiro disco. O grupo está a ter moi boa acollida e nel  xúntanse en perfecta harmonía os feminismos cos sons da terra levados a  este século.

Un gustazo escoitar a Sara falar sobre música,  feminismos, aprendizaxes... Rematamos os 25 minutos de conversa coa  recomendación de Sara: "O meu amor" unha peza de Leilía.

Botádenos unha man espallando este proxecto que podedes escoitar en: IVOOX, SPOTIFY, ARCHIVE e PODGALEGO.

A entrevistada coa que iniciamos a terceira tempada é Ana Martínez González.

Pechamos a segunda tempada do falangullo con Ángeles Pardo Fontán.

A entrevistada no undécimo falangullo desta tempada é Rita Gallego.