Radio Occitania

"Cap davant, amb gran vam !" Aquò’s la devisa de la chorma dels Caminaires, collectiu de musicians bastit a partir d’una promocion de musicians un pauc especiala, enquadrats per l'Agéncia Sirventès. Aqueles gafets d’una mena novèla son de musicians venguts de totes orizonts que se son iniciats a las subtilitats dels cants e musicas tradicionalas. Pel lor primièr concèrt lo 20 d'octobre a Caors, los Caminaires se n’anaràn passejar del costat d’Òlt, Arièja e Erau. Mai de precisions amb lo cap d’orquèstre Xavier Vidal.

Soutenez-nous sur Patreon et HelloAsso !

Vertat que las temperaturas actualas daissan pas pensar qu’es la davalada… mas i a un calendièr a respectar ! Quitament se avèm passat las darrièras setmanas en camiseta, ven ara lo temps de Martror. Dempuèi sa fondacion fa quasi 20 ans, la companhiá del Teatre de las Originas s’es donada per vocacion de restaurar las fèstas ritualas de sason dont la Sant Blasi, la Sant Joan e doncas, Martror. Lo 31 d’octobre entre 14h e 18h, la companhiá menarà una granda fèsta dins lo còr de vila de Besièrs, dins lo sector comprés entre lo teatre municipal e lo platèu dels poètas. Lo ser, pas lo temps de se pausar, que las comedianas faràn una CBIO o conferéncia burlesca d’interès occitan a  21h a Vias que s’i tractarà justament de la nòstra fèsta dels mòrts. Mai de precisions amb las doas comedianas Maria Gaspa e Isabela François.

Soutenez-nous sur Patreon et HelloAsso !

Lombre (Fòto David Viarouge). Aquel natiu de Rodés es tanben un enfant del rap qu’explòra de faiçon totalament diferenta. Coma son chafre o indica, esita pas a desvelar sa part d’escuresina contra-balançat per son camin cap a la Lutz. Lo frasejar seguís los còdis del rap actual mas çò que conta se vòl resolgudament introspectiu al contrari dels artistas que se contentan de dire çò que d’autres an ja dit abans eles, e mièlhs. Ne resulta un primièr album « Ailleurs » d’un son diversificat e d’una granda prigondor. Rencontre amb un artista perfeccionista.

Soutenez-nous sur Patreon et HelloAsso !

Per aquela chorma de tolosans, l’exploracion de l’inconscient es una quèsta de cada jorn, especialament pel cantaire e autor « Deux » vengut de Perpinhan. Cada títol de Visceral (fòto Inès Karma) se compausa segon las umors del moment e subretot cultiva un costat « inclassable » dels agradius. Mesclant las esteticas electrò, rap e fusion, capitan a metre de mots sus d’emocions o d’estats d’esperits que ne podèm patir o ne se podèm regaudir amb justessa e maturitat. Après lo rap conscient, partissèm doncas a la descobèrta del rap de l’inconscient.

Soutenez-nous sur Patreon et HelloAsso !

Aquela brava chorma s’es constituida en classa, quand s’i crosèron pels lors estudis de BTS audiovisual al licèu tolosan de las Arenas. Dempuèi los quatre sòcis del grop Mandarine se daissan pas e bastisson un repertòri original a partir del rap en empeutant de son pop, jazz, afro o encara latino-american. En fait, es al cap del lor tresen EP sortit ongan que començan vertadièrament a dire a l’audiéncia qual son e çò que vòlon. N’avèm discutit amb Martin e Docteur Chill que nos an descrit lor pas de costat cap als còdis estetics classics del rap.

Soutenez-nous sur Patreon et HelloAsso !

Léa Sébastien chercheuse au CNRS

Jean Morère administrateur de Terre de Liens

Félix Martin_Moral Collectif la Transtoulousaine

Domenge Saigon du Partit Occitan

Soutenez-nous sur Patreon et HelloAsso !

L’any 2022 l’escriptor de la ciutat de València Ivan Carbonell Iglesias va guanyar el Premi Blai Bellver de Narrativa que atorga l’Ajuntament de Xàtiva amb l’obra Si un dia oblide recordar, una novel·la que ha editat el 2023 Bromera en la seua col·lecció L’Eclèctica.

Soutenez-nous sur Patreon et HelloAsso !

Fins al 29 d’octobre, se debana lo Festenal Occitania sul territòri metropolitan tolosan. Tot un fais de manifestacions culturalas de natura divèrsa vos espèran. Lo programa es disponible sul site festivaloccitania.com. Per se mainar de la granda varietat de las proposicions, Roman Brunel, sòci del burèu de l’IEO 31, nos a parlat de la serada electro-trad que se debanarà lo 14 d’octobre a 21h al bar tolosan del Dada dont los gerents se fan un plaser d’aculhir d’artistas o de grops de las musicas experimentalas.

Soutenez-nous sur Patreon et HelloAsso !

Quinas responsas pòdon portar los ecologistas e los autonomistas a las problematicas del mitan rural ? Auràn tres jorns entre lo 6 e lo 8 d’octobre a Dia (Droma) per o saber. S’i debanaràn las primièras universitats de las ruralitats ecologistas ont los sòcis de Regions e Pòbles Solidaris e lo Partit Occitan prendràn una part activa, coma co-organizators. Domenga Salgon, sòci de la direccion del PÒc e del Conselh Federal de R&PS nos a donadas qualques precisions sul programa.   

Soutenez-nous sur Patreon et HelloAsso !

Un artista parietal occitan… qu’es aquò ? Es la definicion que poiriam donar a l’artista roergàs Joan-Carles Codèrc que comença d’aver un bon nombre d’òbras al catalòg (efemèras o pas) generalament pintradas sus una paret. Installa una mòstra titolada « Seguida grisolenca » a l’Ostal d’Occitania del 5 al 30 d’octobre. L’artista nos dona qualques precisions sus çò que conta aquela seguida d’òbras expausadas dins la vila ròsa.

Soutenez-nous sur Patreon et HelloAsso !