O equipo de radio Pitufadas acaba de gravar unha preciosa entrevista a Miguel o profe de Judo do colexio. Este é o noso 1º programa radiofónico do curso. Esperamos que vos guste.

Neste segundo programa de colaboración con Radio Culleredo, o nosos alumnado de radio do colexio Ría do Burgo presenta un especial de Nadal. Nesta ocasión partipan Pablo, Ethan e Sabela de 6ºA e Aroa, Olivia, Antía e Xoana de 5ºB.

Neste curso inauguramos as colaboracións coa radio municipal do concello; Radio Culleredo. Nesta primeira visita levamos un programa especial sobre o PDI do colexio para este curso 2024/25 sobre os xogos olímpicos.

Alfredo é, sen dúbida, a persoa máis querida por toda a comunidade educativa ademais da que máis tempo leva no colexio. O nosos conserxe concedeunos esta divertida entrevista aos Escapitidudas e foi todo un pracer telo con nós de novo xa que levabamos un tempo sen velo polo colexio. Dedicámoslle este programa con todo o nos cariño para desexarlle unha pronta recuperación.

O equipo de radio Burguiña formado por Sira, Sara, Pablo, Ethan, Olivia e Xoana crearon este anuncio para promocionar a VI Cullerciencia que organiza o Club de Ciencia do CEIP Plurilingüe Ría do Burgo o 8 de xuño de 2024.

Desta volta exploramos un novo xénero radiofónico: a radionovela. Da man de Laura, Sofía, Lucas, Carlos e Miguel, e con algunha intervención sorpresa, imos vivir un episodio de terror dentro do colexio. Non vos podedes perder o Asasino tras o micrófono.

Os Tolos pola Radio tráennos un novo programa no que fan un repaso ás películas de agora e hai tempo que máis lles gustan. Xabi, Martín e Anxo cóntannos a sinopse de varias películas dun xeito moi dinámico para que pasedes un bo rato escoitándoos. Esperamos que vos guste!

Con motivo do 20 aniversario do grupo de música Dakidarría, tivemos a oportunidade de entrevistalos vía videoconferencia. O luns 18 de marzo falamos con Gabri, o seu cantante, quen respostou a todas as preguntas do nosos equipo formado por Sira e Olivia na parte técnica, Pablo, Xoana, Sara e Ethan nos micros. Agradecemos moito a Alberto, papá de Sira e técnico de son de Dakidarría que nos puxera en contacto con eles para poder realizar esta entrevista. Como non, grazas a Roberto Garea pola axuda na parte técnica.

O equipo de radio Burguiña preséntannos un noticiario de nadal moi entretido que nos fará gozar un bo cacho. Os seus autores son Sara, Sira Castro, Pablo Pizcueta, Ethan Rodríguez, Olivia Castro e Xoana Muñoz.

Escapitidudas é o noticiario de radio Ría do Burgo onde as dúbidas van fritir churros. Elaborado por Aroa, Juan, Mario, Kevin e Ámbar coa colaboración da profe Belén, farannos pasar un intre moi divertido.