Radio Romano

Adjes! Shaj shunen e historia pa traditionalno krechunosko habe ando Svedo

Vi shunena ke e manush kerdjon maj humanitarni kana pashol o krechuno

Aj shunena sar sas o prosesso kana o Adam Szoppe kerelas e paramicha Vuzarijajka anda Rinkeby

Arachi sas o paluno advent, kodo znachi ke feri jek kurko ashilas kaj o krechuno, shunena jek artiklo pa advent.

Aj kaj pashol o krechuno si e manushen stresso te araken vrama te keren sa so trubuj.

O Kirill Kozhano si jekh experto pe romani chib thaj vov zanel diferentne romane dialektura ande Rusia.

Shunen adjes. O Norvego das 13 milioni koroni the lasarelpe le romengi situacia. Jekh deligacia avilas ando Svedo the dikhen sar khate kerelpe butji phe o Romano Kulturako Centro thaj po Romano Informaciako thaj Kunskapscentro ando Malmö.

Thela 2014-bersh ansurisajle vaj line pe cirka 47 000 pari ando Shvedo, thaj sa kadi vrama opral e 24 000 paru mukhle pe. Ferik sajek maj normalnoj te mukhen pe terne manush sar maj phure sikhavel statistika anda Statistiska Centralbyrån. Jek trendo kaj mezij ke kerdzilas so maj normalno vi mashkar le rom thaj mashkar romane terne pari.

Majdur pe sa kado temato kherdam telefono romende maj phurende te pushas ame sar sas varekana chi sa kade mukhnas pe terne pari, thaj sostar pharudzilas? Si kado maj acceptovano adjes?

Adjes ando programo. E romani riksorganisatia vaj themeski organizacia Unga Romer shindzilas. Le lokalni fereningura anda organizacia kaj sas ando Göteborg, Oskarshamn, Norrköping, Dalarna thaj ando Borås thele phandadej ke naj pachape.

Le sherutne vaj le ordförandena ande lokalni fereningura phenen ke o fundamentatoro la organizaciako Emir Selimi garadas love thaj ke chi inkherdas e buchi ande organizacia demokraticnie.

Shunen so majdur phenel pe kadi kritika o Emir Selimi. Thaj vi o hango katar o khidipe kaj line tele ando november.

Adjes ando programo. Aba te duj kurke raportulisaras tumenge ke o Stockholms stad vaj foro si advri kidino katar o Kulturdepartementet ke thela jek duje bershengi perioda te avel jek komuna pe progressa. Ame vorbisardam kaj o Gregor Dufunia Kwiek kaj si ando foreningo Romano Paso te shunas lesko gindo.

Inkras amen pe sa kado temato O Jurista Harry Kwiek penel ke les chi chaljol ke feri e forenigura shaj alon, angla leste trubuj vi e kaverengo glaso ashundo te avel.

Krujal ande luma si diferantne rom, aj e kultura romani aj e tradicji romane si diferantne ande intrego luma. Jek anda khadal tradiciji si ke e bori si te tol le sokroske punre, kadi tradicia si kaj but rom anda balkan. Kadi tradicia shaj pherel bute romenge sar variso chudato aj thi atcarel sako rom kadi tradicia.