Radio Romano

Adjes ando programo. Ando Malmö ando Folkets park si adjes inkerdo jek romano koncerto so bushol Romer I Centrum, ame po Radio Romano adjes vorbisardam kaj o Vida Widow so si jek anda organizatora pe kado festivalo te shunas so kote kherelpe.

E tati milajeski vrama shaj avel za but bute manushenge. Thaj trobuj te protectulisaras le cine shavoren, phenel o chefo ande Astrid Lindgrens shavorengi bolnjica. Ferik ke kodoleske kaj dragoj o tachipe thaj naj za but trobuj akanak te lel leski hasna, ke sigo nachola.

Pindjardo si xenophobia thaj antiziganismo pe rom thaj pasha kodo si zurales but dile ghindura - fördommar sar e gadje ghindon pa rom. But rom thaj but romane organizatci zumaven te malaven tele kadal xenophobiake dilivane ghindora so si pe rom.

Ande adjesotno programo shaj shunen

Pa memoratcia so si pa rom e zigenarnatten aj si inkerdi adjes ando raul wallenbergs torg ando stockholmo.

Maj dur shunena pa e nevi kevja det tysta arvet so si te avel presentovano pe kadi memoratcia aj kadi kevja si historji katar rom so nakle o dujko lumako maripe.

shunena e romes o todoro so pendas peski historia ande kadi kevja det tysta arvet so vof naklas tela maripe.

vi shunena so so zoran dimon penel so si pe jek memoratcia "dik aj na bistren"ando krakov ande polska aj ando aushwich adjes. Ande kado konferanso si rom aj manush kide anda intrego luma te na avel bisterdo so sas kherdo e romenge tela dujto lumako maripe.

e romani registra pala jek apelacia katar o Justiekanslern. E Anna Skarhed anda JK las prava pe jek nevo zuamjipe ando Svea Hovrätt. Shunen so o rom o Fred Taikon kaj sas representovano ande krisi acharel pa kado.

Ande Praga si jekh organizatcia khaj bushiol Ara Art, von keren buchi kusa LGBT pushimata vaj sar khaj phenel pe pe shvedicko shib HBTQ - frågor mashkar e rom. David Tiser si sherutno ande Organizatcia Ara Art thaj von keren buchi kusa e rom so si HBTQ.

Hans Caldaras ginadas andre le shavorengi kenvja "Pettson & Findus" pe romani chib kaj akana si te avel avri. Ame lesa kerdam intervjucia sostar leske si importatno te avel litteratura pe romani chib.

Shunen adjes sar parudzilas e murshani moda thaj e idealura thela palune 50 bersh? Thaj soski si e diferencia sar sas te te mezij jek mursh varekana thaj adjes? Shukar moderni gada, te trenulis thaj le lem sama pala tute, vaj keres chire princhani thaj hasnis foundation po muj?

E trubengi muzika crdelpe ando bijav thaj feste, e maj lache muzikantia ano Balkan si e roma. E romane trubacia itane apsolutne o naj bare zvezde. O artistia sar so si o Boban hem ljesko chavo o Marko Markovic, Ferus Mustafov, Ekrem Mamutovic hem o Makedonsko Kocani Orkestar itane samo disave bare zvezde akalje muzikake.

Radio Chachimos adjes. Ando Kosovo majdur khiden but romane familji palpale ando them katar europeiski thema. Le romen kaj permisiji vaj lila ande thema kaj trajin si von avri shudine palpale ando Kosovo.

Andi Rumunia mothodape andi media putarde kaj kerdape jekh but bi lacho akto prekal e roma. Ando gav Brevoiesti pashe o foro Arges mothodape kaj maj but se 50 persone ikerdepe sar robia-slavar, mashkar ljende sas maj but roma.

E Espaniaki fondacia FSG kerdas jekh raporto pa e diskriminacia pe roma ando them. Mothodape kaj maj but diskriminacia pe roma kerolpe andi media, thaj ande themeske strukture.

Majdur djal hamata ande Ungrisko themesko romano guvermento. O phurano presidento Farkas Flórián aba chi kherel buchi kothe, ferik ke majdur phenen manush ke zal e buchi sar vov kamel.