Sommaren har vore fylt med varme, bading og møteveker, for Irene Krokeide Alnes. Ein sommar med mykje innhald er akkurat slik Krokeide Alnes likar det. Denne veka er ho på Hermon høyfjellshotell på Gla`sang veke. I eit ord til lyttarane delar ho om det å stole på Gud.

Høyr kvardagspraten med Irene Krokeide Alnes.

Kva gjer vi når alle stemmene slost om hjartet vårt? I vekas mediekommentar fortel Jarle Haugland om sin nye bok, Alle stemmene som slåss om hjertet ditt, og presenterer ein modell han håpar kan vere ein "fot i bakken" for oss i møte med skjermane. Draumen hans er at modellen kan hjelpe oss til eit rikare liv med Gud. Høyr heile mediekommentaren frå Tro & Medier med Jarle Haugland.

Takknemleg er ordet Johan Halsne samanfattar ti år på Sunnmøre med. Til hausten avsluttar han ti år som krinsleiar i Imf Sunnmøre, og frå 1. september startar han som krinsleiar i Imf Rogaland. Det er fleire ting Halsne er takknemleg for desse åra, og i eit intervju på Radio Sunnmøre delar han mykje om dette. Han er imponert over alt misjonsarbeidet på Sunnmøre og seier at det er ingen andre krinsar som kan samanlikne seg med krinsen Imf Sunnmøre og det omfattande arbeidet som drivast der.

Høyr heile intervjuet med Johan Halsne.

Ny leiar er på plass for NLM Ung. Andreas Furnes, frå Godøya, har lang erfaring innanfor barne -og ungdomsarbeid i misjonen, og har både visjonar og ynskjer for unge i dag. Vi har tatt ein prat med den nye leiaren på Radio Sunnmøre.

I vekas ord til ettertanke er det Oddveig Molnes som delar nokre ord og tankar om tida vi lev i. Ho hentar tekstar frå det gamle testamentet og tida vi lever i har inspirert henne til vekas ord til ettertanke. Molnes fortel at det er mange ting i dag som minner om at vi nærmar oss endetida. Det som er viktig for henne er å få fortalt endå fleire om Jesus og det Han har gjort for oss. Høyr heile intervjuet med Oddveig Molnes.