Samahan niyo kami sa ating Episode 1, ngayong March 19, 2023. Para sa ating top news this week..

Sa ating PULSO ng Migrante, pakinggan natin ang mga saloobin ng mga umattend ng International Women’s Day march sa Toronto tungkol sa karapatan ng mga kababaihan.

Maraming salamat sa mga umattend ng International Women’s Day march sa Toronto , para sa kanilang pakikipagbahagi ng kanilang opinyon at karanasan with Radyo Migrante.

Ngayon naman para sa kulturang Pilipino, ako si Amihan, ang inyong host ngayong linggo! Nais niyo bang makadiskubre ng mga makabuluhang kanta at tula mula sa iba’t ibang musikero at makata? Ang segment na ito ay magsisilbing espasyo para sa iba't ibang pagtatanghal ng mga talento ng ating kababayang pilipino.

For today’s episode, ipinagpupugay po natin ang buhay ni Lualhati Bautista, isang manunulat at isang aktibista. Siya ay kilala sa kanyang mga lunsarang aklat na nakasentro sa pakikibaka ng mga kababaihan noong Martial Law katulad ng Dekada Sitenta [‘70] at Bata, Bata, Paano ka Ginawa? Noong January 1, 2020 naman, Lualhati’s collection of poems, Alitaptap sa Gabi ng Dilim was published. Lualhati Bautista died at the age of 77 last February 12, 2023. To commemorate her life, works, and service to the Filipino people and the Philippines, halina’t pakinggan natin ang kanyang sinulat na tula na pinamagatang

Kasal

Ikinakasal ko ang aking sarili sa aking mga kahawak-kamay,

Sa lahat ng aking katabi at kaakbay.

Sa aking mga lantad at lihim na pag-ibig.

Sa lahat ng katalik ng puso ko’t isip.

Sa mga dumadamay at nakikinig

Sa iyak ng puso at pagkaligalig ng aming lipunan at aming daigdig.

Ikinakasal ko ang aking sarili sa lahat ng tauhan

Na nagmula man sa sulok ng aking isip

Ay hinugot pa rin sa aking kaluluwa’t puso

Silang mga dumating at naglakbay

Sa mga pahina ng aking buhay

Ikinakasal ko rin ang aking sarili

Sa lahat ng tauhan na hindi nilikhalang ang sariling isip

Kundi hinugot sa mga bakas ng kanilang pagdating at pananatili

Sa mga pahina ng ating panahon.

Sa lahat ng kaisa ko sa paninindigan at pag-asa.

Sa lahat ng naglalaan ng mga kamay para sa kapakanan ng kapuwa

Kakilala man o hindi

May pangalan man o wala

Dahil ang kanilang buhay ay karugtong ng lahat ng buhay

Halinang ikasal ang ating mga anak

Sa kinabukasang matiyagang hinahawan

Ang buhay nila’t buhay natin

Sa kalayaan, ang ating isip sa magagandang pangarap

Ang ating mga puso sa pag-ibig

Dahil sa sandaling lumamig ang apoy ng pag-ibig

Ang tao’y mamamatay sa ginaw.

Nais niyo bang makadiskubre ng mga makabuluhang kanta at tula mula sa iba’t ibang musikero at makata? Ang segment na ito ay magsisilbing espayso para sa ibat’t ibang pagtatanghal ng mga talento ng ating kababayang pilipino.

Handog namin ngayong linggo ang tula ni Ermitanyong Hibang, isang kontributor sa KM64. Ang Kilometer 64 ay isang ugnayan ng mga makata at mga may nata-tanging hilig sa tula, na ang karamihan sa mga kasapi ay nasa Pilipinas ngunit may ilan din namang nasa ibang bansa. Nabuo ito noong March 14, 2003.

Itong tula ay tinatawag na “Jullebee Ranara, Diaspora”-- ito ay tungkol sa overseas Filipino worker na si Jullebee Ranara. Siya ay ginahasa, pinaslang at sinunog ng anak ng kanyang employer sa Kuwait. Ang kanyang labi ay natagpuan sa disyero ng Kuwait noong January 21 nitong taon. Lumabas sa autopsy report na siya ay buntis noong siya ay pinatay. Ang pumatay sa kanya ay 17-years old na si Turki Ayed Al-Azmi. Nahatulan ng 15 years sa kulungan dahil sa pagpaslang kay Jullebee Ranara. Pankingan po natin.

Nais niyo bang makadiskubre ng mga makabuluhang kanta at tula mula sa iba’t ibang musikero at makata? Ang segment na ito ay magsisilbing espayso para sa ibat’t ibang pagtatanghal ng mga talento ng ating kababayang pilipino.

Si Dittz Centeno De Jesus o Nanay Dittz, ay ina ni Gene Roz Jamil “Bazoo” de Jesus, isang Indigenous Peoples’ Rights Defender from the Cordillera Region na nawawala mula noong April 28, 2023. Si Nanay Dittz ay ang founder and president ng Filipino Women’s League sa Bologna, Italy at editor-in-chief ng Diaspora News and Stories - OFW Watch Italy. Isinulat ni Nanay Dittz ang tulang ito at pi-nost sa kanya Facebook page mahigit animapung araw mula nong sapilitang pagkawala ng anak nyang si Bazoo.

Animnapung Araw

Parang di ko na makayang bilangin

Ang mga araw at gabing dumarating

Maging sa panaginip lagi nang hiling

Duon man lang ikaw ay makapiling.

Nguni't sadyang tadhana ay iwas

Silang may hawak ayaw kang ilabas

Bulag sila sa pang-unawa sa batas

Disin sana ito"y mayroon nang wakas.

Kahit silip man lang kung saan ka naroon

Ipaalam sa amin at kami ay kakaon

Mahigpit na yakap ang isasalubong

Sana nga'y pakinggan,dasal namin sa Poon.

Wala na kaming magawang paraan

Mahanap ang lugar, ikaw ay matagpuan

Ang tanging pag-asa ay maghintay na lamang

Hanggang sa ikaw ay kanilang pawalan.

Anak, malayo kami sa 'yong kinaroonan

Nguni't ang.puso namin ikaw ang nilalaman

Sana balang araw maganda ang kahinatnan

Itong pagdurusang hindi alam hanggang kailan.....Anak...nasaan ka?