Read Flags - de Podcast

#2: die zweiti folg isch da und zwar zu THE WEDDING PEOPLE vo de alison espach. es buech wo s wort hochziit selber gross im titel het, aber schlussendlich zeigt, wie schön und wichtig fründschafte sind!

triggerwarning: im buech chund s thema suizid uf, wo mir erwähned aber ned gross druf ighönd - lueged zu euch <3.

mir tauched i üsi lieblingsmomänt us em buech i, lached no einisch über die lustigste szene und reded drüber, wie d'charaktere uf üs gwirkt hend. natürlich dörf au üsi bewertig vom buech ned fehle. wie immer bliibed mir aber ned ganz bim thema: mir rede drüber, wie üsi perfekti hochziit usgseh wür, weli sache für üs es absoluts no-go wär, und lüfted ganz nebedbi no es paar red flags rund um üsi schlafgwohnheite. viel spass bim lose!

#1: mir started mit YESTERYEAR vo de caro claire burke. en gschicht über en tradwife influencerin, wo viel meh thematisiert als nur es "perfekts huusfraue-läbe". Es gaht um misinformatione, social media und gesellschaftlichi normvorstellige – und drum, wie starch die üsi sicht uf d’wält und üsi entscheidige chönd präge.

was eusi gedanke dezue sind, wie mir eus als tradwife würded schlah und warum mir eus bi dem buech nöd immer ganz einig sind, erfahred ehr ih eusere erste folg.