Reading Torah - Yemenite Tradition קריאת התורה - נוסח תימן 📜

וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ שָׁמַ֗עְתִּי אֶת־תְּלוּנֹּת֮ בְּנֵ֣י יִשְׂרָאֵל֒ דַּבֵּ֨ר אֲלֵהֶ֜ם לֵאמֹ֗ר בֵּ֤ין הָֽעַרְבַּ֙יִם֙ תֹּאכְל֣וּ בָשָׂ֔ר וּבַבֹּ֖קֶר תִּשְׂבְּעוּ־לָ֑חֶם וִֽידַעְתֶּ֕ם כִּ֛י אֲנִ֥י יְהוָ֖ה אֱלֹהֵיכֶֽם׃ וַיְהִ֣י בָעֶ֔רֶב וַתַּ֣עַל הַשְּׂלָ֔ו וַתְּכַ֖ס אֶת־הַֽמַּחֲנֶ֑ה וּבַבֹּ֗קֶר הָֽיְתָה֙ שִׁכְבַ֣ת הַטַּ֔ל סָבִ֖יב לַֽמַּחֲנֶֽה׃ וַתַּ֖עַל שִׁכְבַ֣ת הַטָּ֑ל וְהִנֵּ֞ה עַל־פְּנֵ֤י הַמִּדְבָּר֙ דַּ֣ק מְחֻסְפָּ֔ס דַּ֥ק כַּכְּפֹ֖ר עַל־הָאָֽרֶץ׃ וַיִּרְא֣וּ בְנֵֽי־יִשְׂרָאֵ֗ל וַיֹּ֨אמְר֜וּ אִ֤ישׁ אֶל־אָחִיו֙ מָ֣ן ה֔וּא כִּ֛י לֹ֥א יָדְע֖וּ מַה־ה֑וּא וַיֹּ֤אמֶר מֹשֶׁה֙ אֲלֵהֶ֔ם ה֣וּא הַלֶּ֔חֶם אֲשֶׁ֨ר נָתַ֧ן יְהוָ֛ה לָכֶ֖ם לְאָכְלָֽה׃ זֶ֤ה הַדָּבָר֙ אֲשֶׁ֣ר צִוָּ֣ה יְהוָ֔ה לִקְט֣וּ מִמֶּ֔נּוּ אִ֖ישׁ לְפִ֣י אָכְלֹ֑ו עֹ֣מֶר לַגֻּלְגֹּ֗לֶת מִסְפַּר֙ נַפְשֹׁ֣תֵיכֶ֔ם אִ֛ישׁ לַאֲשֶׁ֥ר בְּאָהֳלֹ֖ו תִּקָּֽחוּ׃ וַיַּעֲשׂוּ־כֵ֖ן בְּנֵ֣י יִשְׂרָאֵ֑ל וַֽיִּלְקְט֔וּ הַמַּרְבֶּ֖ה וְהַמַּמְעִֽיט׃ וַיָּמֹ֣דּוּ בָעֹ֔מֶר וְלֹ֤א הֶעְדִּיף֙ הַמַּרְבֶּ֔ה וְהַמַּמְעִ֖יט לֹ֣א הֶחְסִ֑יר אִ֥ישׁ לְפִֽי־אָכְלֹ֖ו לָקָֽטוּ׃ וַיֹּ֥אמֶר מֹשֶׁ֖ה אֲלֵהֶ֑ם אִ֕ישׁ אַל־יֹותֵ֥ר מִמֶּ֖נּוּ עַד־בֹּֽקֶר׃ וְלֹא־שָׁמְע֣וּ אֶל־מֹשֶׁ֗ה וַיֹּותִ֨רוּ אֲנָשִׁ֤ים מִמֶּ֙נּוּ֙ עַד־בֹּ֔קֶר וַיָּ֥רֻם תֹּולָעִ֖ים וַיִּבְאַ֑שׁ וַיִּקְצֹ֥ף עֲלֵהֶ֖ם מֹשֶֽׁה׃ וַיִּלְקְט֤וּ אֹתֹו֙ בַּבֹּ֣קֶר בַּבֹּ֔קֶר אִ֖ישׁ כְּפִ֣י אָכְלֹ֑ו וְחַ֥ם הַשֶּׁ֖מֶשׁ וְנָמָֽס׃ וַיְהִ֣י׀ בַּיֹּ֣ום הַשִּׁשִּׁ֗י לָֽקְט֥וּ לֶ֙חֶם֙ מִשְׁנֶ֔ה שְׁנֵ֥י הָעֹ֖מֶר לָאֶחָ֑ד וַיָּבֹ֙אוּ֙ כָּל־נְשִׂיאֵ֣י הָֽעֵדָ֔ה וַיַּגִּ֖ידוּ לְמֹשֶֽׁה׃ וַיֹּ֣אמֶר אֲלֵהֶ֗ם ה֚וּא אֲשֶׁ֣ר דִּבֶּ֣ר יְהוָ֔ה שַׁבָּתֹ֧ון שַׁבַּת־קֹ֛דֶשׁ לַֽיהוָ֖ה מָחָ֑ר אֵ֣ת אֲשֶׁר־תֹּאפ֞וּ אֵפ֗וּ וְאֵ֤ת אֲשֶֽׁר־תְּבַשְּׁלוּ֙ בַּשֵּׁ֔לוּ וְאֵת֙ כָּל־הָ֣עֹדֵ֔ף הַנִּ֧יחוּ לָכֶ֛ם לְמִשְׁמֶ֖רֶת עַד־הַבֹּֽקֶר׃ וַיַּנִּ֤יחוּ אֹתֹו֙ עַד־הַבֹּ֔קֶר כַּאֲשֶׁ֖ר צִוָּ֣ה מֹשֶׁ֑ה וְלֹ֣א הִבְאִ֔ישׁ וְרִמָּ֖ה לֹא־הָ֥יְתָה בֹּֽו׃ וַיֹּ֤אמֶר מֹשֶׁה֙ אִכְלֻ֣הוּ הַיֹּ֔ום כִּֽי־שַׁבָּ֥ת הַיֹּ֖ום לַיהוָ֑ה הַיֹּ֕ום לֹ֥א תִמְצָאֻ֖הוּ בַּשָּׂדֶֽה׃ שֵׁ֥שֶׁת יָמִ֖ים תִּלְקְטֻ֑הוּ וּבַיֹּ֧ום הַשְּׁבִיעִ֛י שַׁבָּ֖ת לֹ֥א יִֽהְיֶה־בֹּֽו׃ וַֽיְהִי֙ בַּיֹּ֣ום הַשְּׁבִיעִ֔י יָצְא֥וּ מִן־הָעָ֖ם לִלְקֹ֑ט וְלֹ֖א מָצָֽאוּ׃ וַיֹּ֥אמֶר יְהוָ֖ה אֶל־מֹשֶׁ֑ה עַד־אָ֙נָה֙ מֵֽאַנְתֶּ֔ם לִשְׁמֹ֥ר מִצְוֹתַ֖י וְתֹורֹתָֽי׃ רְא֗וּ כִּֽי־יְהוָה֮ נָתַ֣ן לָכֶ֣ם הַשַּׁבָּת֒ עַל־כֵּ֠ן ה֣וּא נֹתֵ֥ן לָכֶ֛ם בַּיֹּ֥ום הַשִּׁשִּׁ֖י לֶ֣חֶם יֹומָ֑יִם שְׁב֣וּ׀ אִ֣ישׁ תַּחְתָּ֗יו אַל־יֵ֥צֵא אִ֛ישׁ מִמְּקֹמֹ֖ו בַּיֹּ֥ום הַשְּׁבִיעִֽי׃ וַיִּשְׁבְּת֥וּ הָעָ֖ם בַּיֹּ֥ום הַשְּׁבִעִֽי׃ וַיִּקְרְא֧וּ בֵֽית־יִשְׂרָאֵ֛ל אֶת־שְׁמֹ֖ו מָ֑ן וְה֗וּא כְּזֶ֤רַע גַּד֙ לָבָ֔ן וְטַעְמֹ֖ו כְּצַפִּיחִ֥ת בִּדְבָֽשׁ׃ וַיֹּ֣אמֶר מֹשֶׁ֗ה זֶ֤ה הַדָּבָר֙ אֲשֶׁ֣ר צִוָּ֣ה יְהוָ֔ה מְלֹ֤א הָעֹ֙מֶר֙ מִמֶּ֔נּוּ לְמִשְׁמֶ֖רֶת לְדֹרֹתֵיכֶ֑ם לְמַ֣עַן׀ יִרְא֣וּ אֶת־הַלֶּ֗חֶם אֲשֶׁ֨ר הֶאֱכַ֤לְתִּי אֶתְכֶם֙ בַּמִּדְבָּ֔ר בְּהֹוצִיאִ֥י אֶתְכֶ֖ם מֵאֶ֥רֶץ מִצְרָֽיִם׃ וַיֹּ֨אמֶר מֹשֶׁ֜ה אֶֽל־אַהֲרֹ֗ן קַ֚ח צִנְצֶ֣נֶת אַחַ֔ת וְתֶן־שָׁ֥מָּה מְלֹֽא־הָעֹ֖מֶר מָ֑ן וְהַנַּ֤ח אֹתֹו֙ לִפְנֵ֣י יְהוָ֔ה לְמִשְׁמֶ֖רֶת לְדֹרֹתֵיכֶֽם׃ כַּאֲשֶׁ֛ר צִוָּ֥ה יְהוָ֖ה אֶל־מֹשֶׁ֑ה וַיַּנִּיחֵ֧הוּ אַהֲרֹ֛ן לִפְנֵ֥י הָעֵדֻ֖ת לְמִשְׁמָֽרֶת׃ וּבְנֵ֣י יִשְׂרָאֵ֗ל אָֽכְל֤וּ אֶת־הַמָּן֙ אַרְבָּעִ֣ים שָׁנָ֔ה עַד־בֹּאָ֖ם אֶל־אֶ֣רֶץ נֹושָׁ֑בֶת אֶת־הַמָּן֙ אָֽכְל֔וּ עַד־בֹּאָ֕ם אֶל־קְצֵ֖ה אֶ֥רֶץ כְּנָֽעַן׃ וְהָעֹ֕מֶר עֲשִׂרִ֥ית הָאֵיפָ֖ה הֽוּא׃

וַ֠יִּסְעוּ כָּל־עֲדַ֨ת בְּנֵֽי־יִשְׂרָאֵ֧ל מִמִּדְבַּר־סִ֛ין לְמַסְעֵיהֶ֖ם עַל־פִּ֣י יְהוָ֑ה וַֽיַּחֲנוּ֙ בִּרְפִידִ֔ים וְאֵ֥ין מַ֖יִם לִשְׁתֹּ֥ת הָעָֽם׃ וַיָּ֤רֶב הָעָם֙ עִם־מֹשֶׁ֔ה וַיֹּ֣אמְר֔וּ תְּנוּ־לָ֥נוּ מַ֖יִם וְנִשְׁתֶּ֑ה וַיֹּ֤אמֶר לָהֶם֙ מֹשֶׁ֔ה מַה־תְּרִיבוּן֙ עִמָּדִ֔י מַה־תְּנַסּ֖וּן אֶת־יְהוָֽה׃ וַיִּצְמָ֨א שָׁ֤ם הָעָם֙ לַמַּ֔יִם וַיָּ֥לֶן הָעָ֖ם עַל־מֹשֶׁ֑ה וַיֹּ֗אמֶר לָ֤מָּה זֶּה֙ הֶעֱלִיתָ֣נוּ מִמִּצְרַ֔יִם לְהָמִ֥ית אֹתִ֛י וְאֶת־בָּנַ֥י וְאֶת־מִקְנַ֖י בַּצָּמָֽא׃ וַיִּצְעַ֤ק מֹשֶׁה֙ אֶל־יְהוָ֣ה לֵאמֹ֔ר מָ֥ה אֶעֱשֶׂ֖ה לָעָ֣ם הַזֶּ֑ה עֹ֥וד מְעַ֖ט וּסְקָלֻֽנִי׃ וַיֹּ֨אמֶר יְהוָ֜ה אֶל־מֹשֶׁ֗ה עֲבֹר֙ לִפְנֵ֣י הָעָ֔ם וְקַ֥ח אִתְּךָ֖ מִזִּקְנֵ֣י יִשְׂרָאֵ֑ל וּמַטְּךָ֗ אֲשֶׁ֨ר הִכִּ֤יתָ בֹּו֙ אֶת־הַיְאֹ֔ר קַ֥ח בְּיָדְךָ֖ וְהָלָֽכְתָּ׃ הִנְנִ֣י עֹמֵד֩ לְפָנֶ֨יךָ שָּׁ֥ם׀ עַֽל־הַצּוּר֮ בְּחֹרֵב֒ וְהִכִּ֣יתָ בַצּ֗וּר וְיָצְא֥וּ מִמֶּ֛נּוּ מַ֖יִם וְשָׁתָ֣ה הָעָ֑ם וַיַּ֤עַשׂ כֵּן֙ מֹשֶׁ֔ה לְעֵינֵ֖י זִקְנֵ֥י יִשְׂרָאֵֽל׃ וַיִּקְרָא֙ שֵׁ֣ם הַמָּקֹ֔ום מַסָּ֖ה וּמְרִיבָ֑ה עַל־רִ֣יב׀ בְּנֵ֣י יִשְׂרָאֵ֗ל וְעַ֨ל נַסֹּתָ֤ם אֶת־יְהוָה֙ לֵאמֹ֔ר הֲיֵ֧שׁ יְהוָ֛ה בְּקִרְבֵּ֖נוּ אִם־אָֽיִן׃ וַיָּבֹ֖א עֲמָלֵ֑ק וַיִּלָּ֥חֶם עִם־יִשְׂרָאֵ֖ל בִּרְפִידִֽם׃ וַיֹּ֨אמֶר מֹשֶׁ֤ה אֶל־יְהֹושֻׁ֙עַ֙ בְּחַר־לָ֣נוּ אֲנָשִׁ֔ים וְצֵ֖א הִלָּחֵ֣ם בַּעֲמָלֵ֑ק מָחָ֗ר אָנֹכִ֤י נִצָּב֙ עַל־רֹ֣אשׁ הַגִּבְעָ֔ה וּמַטֵּ֥ה הָאֱלֹהִ֖ים בְּיָדִֽי׃ וַיַּ֣עַשׂ יְהֹושֻׁ֗עַ כַּאֲשֶׁ֤ר אָֽמַר־לֹו֙ מֹשֶׁ֔ה לְהִלָּחֵ֖ם בַּעֲמָלֵ֑ק וּמֹשֶׁה֙ אַהֲרֹ֣ן וְח֔וּר עָל֖וּ רֹ֥אשׁ הַגִּבְעָֽה׃ וְהָיָ֗ה כַּאֲשֶׁ֨ר יָרִ֥ים מֹשֶׁ֛ה יָדֹ֖ו וְגָבַ֣ר יִשְׂרָאֵ֑ל וְכַאֲשֶׁ֥ר יָנִ֛יחַ יָדֹ֖ו וְגָבַ֥ר עֲמָלֵֽק׃ וִידֵ֤י מֹשֶׁה֙ כְּבֵדִ֔ים וַיִּקְחוּ־אֶ֛בֶן וַיָּשִׂ֥ימוּ תַחְתָּ֖יו וַיֵּ֣שֶׁב עָלֶ֑יהָ וְאַהֲרֹ֨ן וְח֜וּר תָּֽמְכ֣וּ בְיָדָ֗יו מִזֶּ֤ה אֶחָד֙ וּמִזֶּ֣ה אֶחָ֔ד וַיְהִ֥י יָדָ֛יו אֱמוּנָ֖ה עַד־בֹּ֥א הַשָּֽׁמֶשׁ׃ וַיַּחֲלֹ֧שׁ יְהֹושֻׁ֛עַ אֶת־עֲמָלֵ֥ק וְאֶת־עַמֹּ֖ו לְפִי־חָֽרֶב׃ וַיֹּ֨אמֶר יְהוָ֜ה אֶל־מֹשֶׁ֗ה כְּתֹ֨ב זֹ֤את זִכָּרֹון֙ בַּסֵּ֔פֶר וְשִׂ֖ים בְּאָזְנֵ֣י יְהֹושֻׁ֑עַ כִּֽי־מָחֹ֤ה אֶמְחֶה֙ אֶת־זֵ֣כֶר עֲמָלֵ֔ק מִתַּ֖חַת הַשָּׁמָֽיִם׃ וַיִּ֥בֶן מֹשֶׁ֖ה מִזְבֵּ֑חַ וַיִּקְרָ֥א שְׁמֹ֖ו יְהוָ֥ה׀ נִסִּֽי׃ וַיֹּ֗אמֶר כִּֽי־יָד֙ עַל־כֵּ֣ס יָ֔הּ מִלְחָמָ֥ה לַיהוָ֖ה בַּֽעֲמָלֵ֑ק מִדֹּ֖ר דֹּֽר׃

וַיֹּ֨אמֶר יְהוָ֜ה אֶל־מֹשֶׁ֗ה כְּתֹ֨ב זֹ֤את זִכָּרֹון֙ בַּסֵּ֔פֶר וְשִׂ֖ים בְּאָזְנֵ֣י יְהֹושֻׁ֑עַ כִּֽי־מָחֹ֤ה אֶמְחֶה֙ אֶת־זֵ֣כֶר עֲמָלֵ֔ק מִתַּ֖חַת הַשָּׁמָֽיִם׃ וַיִּ֥בֶן מֹשֶׁ֖ה מִזְבֵּ֑חַ וַיִּקְרָ֥א שְׁמֹ֖ו יְהוָ֥ה׀ נִסִּֽי׃ וַיֹּ֗אמֶר כִּֽי־יָד֙ עַל־כֵּ֣ס יָ֔הּ מִלְחָמָ֥ה לַיהוָ֖ה בַּֽעֲמָלֵ֑ק מִדֹּ֖ר דֹּֽר׃

יא וִיהֵי אֲרֵי יַעֵילִנָּךְ יְיָ, לַאֲרַע כְּנַעֲנָאֵי, כְּמָא דְּקַיֵּים לָךְ, וְלַאֲבָהָתָךְ; וְיִתְּנַהּ, לָךְ.  יב וְתַעְבַּר כָּל פָּתַח וַלְדָּא, קֳדָם יְיָ; וְכָל פָּתַח וְלַד בְּעִירָא, דִּיהוֹן לָךְ דִּכְרִין--תַּקְדֵּישׁ קֳדָם יְיָ.  יג וְכָל בֻּכְרָא דִּחְמָרָא תִּפְרוּק בְּאִמְּרָא, וְאִם לָא תִּפְרוּק וְתִקְפֵיהּ; וְכֹל בֻּכְרָא דַּאֲנָשָׁא בִּבְנָךְ, תִּפְרוּק.  יד וִיהֵי אֲרֵי יִשְׁאֲלִנָּךְ בְּרָךְ, מְחַר--לְמֵימַר מָא דָּא:  וְתֵימַר לֵיהּ--בִּתְקוֹף יַד אַפְּקַנָא יְיָ מִמִּצְרַיִם, מִבֵּית עַבְדּוּתָא.  טו וַהֲוָה, כַּד אַקְשִׁי פַּרְעֹה לְשַׁלָּחוּתַנָא, וּקְטַל יְיָ כָּל בֻּכְרָא בְּאַרְעָא דְּמִצְרַיִם, מִבֻּכְרָא דַּאֲנָשָׁא וְעַד בֻּכְרָא דִּבְעִירָא; עַל כֵּין אֲנָא דָּבַח קֳדָם יְיָ, כָּל פָּתַח וְלַד דִּכְרַיָּא, וְכָל בֻּכְרָא דִּבְנַי, אֶפְרוּק.  טז וִיהֵי לְאָת עַל יְדָךְ, וְלִתְפִלִּין בֵּין עֵינָךְ:  אֲרֵי בִּתְקוֹף יַד, אַפְּקַנָא יְיָ מִמִּצְרָיִם.  {ס}  יז וַהֲוָה, כַּד שַׁלַּח פַּרְעֹה יָת עַמָּא, וְלָא דַּבַּרִנּוּן יְיָ אוֹרַח אֲרַע פְּלִשְׁתָּאֵי, אֲרֵי קָרִיבָא הִיא:  אֲרֵי אֲמַר יְיָ, דִּלְמָא יְזוּעוּן עַמָּא בְּמִחְזֵיהוֹן קְרָבָא--וִיתוּבוּן לְמִצְרָיִם.  יח וְאַסְחַר יְיָ יָת עַמָּא אוֹרַח מַדְבְּרָא, לְיַמָּא דְּסוּף; וּמְזָרְזִין סְלִיקוּ בְּנֵי יִשְׂרָאֵל, מֵאַרְעָא דְּמִצְרָיִם.  יט וְאַסֵּיק מֹשֶׁה יָת גַּרְמֵי יוֹסֵף, עִמֵּיהּ:  אֲרֵי אוֹמָאָה אוֹמִי יָת בְּנֵי יִשְׂרָאֵל, לְמֵימַר, מִדְכָר דְּכִיר יְיָ יָתְכוֹן, וְתַסְּקוּן יָת גַּרְמַי מִכָּא עִמְּכוֹן.  כ וּנְטַלוּ, מִסֻּכּוֹת; וּשְׁרוֹ בְּאֵיתָם, בִּסְטַר מַדְבְּרָא.  כא וַייָ מְדַבַּר קֳדָמֵיהוֹן בִּימָמָא בְּעַמּוּדָא דַּעֲנָנָא, לְדַבָּרוּתְהוֹן בְּאוֹרְחָא, וּבְלֵילְיָא בְּעַמּוּדָא דְּאִישָׁתָא, לְאַנְהָרָא לְהוֹן--לְמֵיזַל, בִּימָמָא וּבְלֵילְיָא.  כב לָא עָדֵי עַמּוּדָא דַּעֲנָנָא, בִּימָמָא, וְאַף לָא עַמּוּדָא דְּאִישָׁתָא, בְּלֵילְיָא--מִן קֳדָם, עַמָּא.א וּמַלֵּיל יְיָ, עִם מֹשֶׁה לְמֵימַר.  ב מַלֵּיל, עִם בְּנֵי יִשְׂרָאֵל, וִיתוּבוּן וְיִשְׁרוֹן קֳדָם פֹּם חִירָתָא, בֵּין מִגְדּוֹל וּבֵין יַמָּא:  קֳדָם בְּעֵיל צְפוֹן, לְקִבְלֵיהּ תִּשְׁרוֹן עַל יַמָּא.  ג וְיֵימַר פַּרְעֹה עַל בְּנֵי יִשְׂרָאֵל, מְעֻרְבְּלִין אִנּוּן בְּאַרְעָא; אֲחַד עֲלֵיהוֹן, מַדְבְּרָא.  ד וַאֲתַקֵּיף יָת לִבָּא דְּפַרְעֹה, וְיִרְדּוֹף בָּתְרֵיהוֹן, וְאֶתְיַקַּר בְּפַרְעֹה וּבְכָל מַשְׁרְיָתֵיהּ, וְיִדְּעוּן מִצְרָאֵי אֲרֵי אֲנָא יְיָ; וַעֲבַדוּ כֵּין.  ה וְאִתְחַוַּא לְמַלְכָּא דְּמִצְרַיִם, אֲרֵי אֲזַל עַמָּא; וְאִתְהֲפֵיךְ לִבָּא דְּפַרְעֹה וְעַבְדּוֹהִי, בְּעַמָּא, וַאֲמַרוּ מָא דָּא עֲבַדְנָא, אֲרֵי שַׁלַּחְנָא יָת יִשְׂרָאֵל מִפֻּלְחָנַנָא.  ו וְטַקֵּיס, יָת רְתִכֵּיהּ; וְיָת עַמֵּיהּ, דְּבַר עִמֵּיהּ.  ז וּדְבַר, שֵׁית מְאָה רְתִכִּין בְּחִירָן, וְכֹל, רְתִכֵּי מִצְרָאֵי; וְגִבָּרִין, מְמֻנַּן עַל כֻּלְּהוֹן.  ח וְתַקֵּיף יְיָ, יָת לִבָּא דְּפַרְעֹה מַלְכָּא דְּמִצְרַיִם, וּרְדַף, בָּתַר בְּנֵי יִשְׂרָאֵל; וּבְנֵי יִשְׂרָאֵל, נָפְקִין בְּרֵישׁ גְּלֵי

ט וּרְדַפוּ מִצְרָאֵי בָּתְרֵיהוֹן, וְאַדְבִּיקוּ יָתְהוֹן כַּד שְׁרַן עַל יַמָּא, כָּל סוּסָוָת רְתִכֵּי פַּרְעֹה, וּפָרָשׁוֹהִי וּמַשְׁרְיָתֵיהּ--עַל פֹּם, חִירָתָא, דִּקְדָם, בְּעֵיל צְפוֹן.  י וּפַרְעֹה, קְרֵיב; וּזְקַפוּ בְּנֵי יִשְׂרָאֵל יָת עֵינֵיהוֹן וְהָא מִצְרָאֵי נָטְלִין בָּתְרֵיהוֹן, וּדְחִילוּ לַחְדָּא, וּזְעִיקוּ בְּנֵי יִשְׂרָאֵל, קֳדָם יְיָ.  יא וַאֲמַרוּ, לְמֹשֶׁה, הֲמִדְּלֵית קַבְרִין בְּמִצְרַיִם, דְּבַרְתַּנָא לִמְמָת בְּמַדְבְּרָא:  מָא דָּא עֲבַדְתְּ לַנָא, לְאַפָּקוּתַנָא מִמִּצְרָיִם.  יב הֲלָא דֵּין פִּתְגָמָא, דְּמַלֵּילְנָא עִמָּךְ בְּמִצְרַיִם לְמֵימַר, שְׁבוֹק מִנַּנָא, וְנִפְלַח יָת מִצְרָאֵי:  אֲרֵי טָב לַנָא דְּנִפְלַח יָת מִצְרָאֵי, מִדִּנְמוּת בְּמַדְבְּרָא.  יג וַאֲמַר מֹשֶׁה לְעַמָּא, לָא תִּדְחֲלוּן--אִתְעַתַּדוּ וַחֲזוֹ יָת פֻּרְקָנָא דַּייָ, דְּיַעֲבֵיד לְכוֹן יוֹמָא דֵּין:  אֲרֵי, דַּחֲזֵיתוֹן יָת מִצְרָאֵי יוֹמָא דֵּין--לָא תֵּיסְפוּן לְמִחְזֵיהוֹן עוֹד, עַד עָלְמָא.  יד יְיָ, יְגִיחַ לְכוֹן קְרָב; וְאַתּוּן, תִּשְׁתְּקוּן.

טו וַאֲמַר יְיָ לְמֹשֶׁה, קַבֵּילִית צְלוֹתָךְ; מַלֵּיל עִם בְּנֵי יִשְׂרָאֵל, וְיִטְּלוּן.  טז וְאַתְּ טוֹל יָת חֻטְרָךְ, וַאֲרֵים יָת יְדָךְ עַל יַמָּא--וּבַזַּעְהִי; וְיֵיעֲלוּן בְּנֵי יִשְׂרָאֵל בְּגוֹ יַמָּא, בְּיַבֶּשְׁתָּא.  יז וַאֲנָא, הָאֲנָא מְתַקֵּיף יָת לִבָּא דְּמִצְרָאֵי, וְיֵיעֲלוּן, בָּתְרֵיהוֹן; וְאֶתְיַקַּר בְּפַרְעֹה וּבְכָל מַשְׁרְיָתֵיהּ, בִּרְתִכּוֹהִי וּבְפָרָשׁוֹהִי.  יח וְיִדְּעוּן מִצְרָאֵי, אֲרֵי אֲנָא יְיָ, בְּאִתְיַקָּרוּתִי בְּפַרְעֹה, בִּרְתִכּוֹהִי וּבְפָרָשׁוֹהִי.  יט וּנְטַל מַלְאֲכָא דַּייָ, דִּמְדַבַּר קֳדָם מַשְׁרִיתָא דְּיִשְׂרָאֵל, וַאֲתָא, מִבָּתְרֵיהוֹן; וּנְטַל עַמּוּדָא דַּעֲנָנָא, מִן קֳדָמֵיהוֹן, וּשְׁרָא, מִבָּתְרֵיהוֹן.  כ וְעָאל בֵּין מַשְׁרִיתָא דְּמִצְרָאֵי, וּבֵין מַשְׁרִיתָא דְּיִשְׂרָאֵל, וַהֲוָה עֲנָנָא וְקַבְלָא לְמִצְרָאֵי, וּלְיִשְׂרָאֵל נָהַר כָּל לֵילְיָא; וְלָא אִתְקָרַבוּ דֵּין לְוָת דֵּין, כָּל לֵילְיָא.  כא וַאֲרֵים מֹשֶׁה יָת יְדֵיהּ, עַל יַמָּא, וְדַבַּר יְיָ יָת יַמָּא בְּרוּחַ קִדּוּמָא תַּקִּיף כָּל לֵילְיָא, וְשַׁוִּי יָת יַמָּא לְיַבֶּשְׁתָּא; וְאִתְבְּזַעוּ, מַיָּא.  כב וְעָאלוּ בְּנֵי יִשְׂרָאֵל בְּגוֹ יַמָּא, בְּיַבֶּשְׁתָּא; וּמַיָּא לְהוֹן שׁוּרִין, מִיַּמִּינְהוֹן וּמִסְּמָאלְהוֹן.  כג וּרְדַפוּ מִצְרָאֵי, וְעָאלוּ בָּתְרֵיהוֹן--כֹּל סוּסָוָת פַּרְעֹה, רְתִכּוֹהִי וּפָרָשׁוֹהִי:  לְגוֹ, יַמָּא.  כד וַהֲוָה, בְּמַטְּרַת צַפְרָא, וְאִסְתַּכִי יְיָ לְמַשְׁרִיתָא דְּמִצְרָאֵי, בְּעַמּוּדָא דְּאִישָׁתָא וַעֲנָנָא; וְשַׁגֵּישׁ, יָת מַשְׁרִיתָא דְּמִצְרָאֵי.  כה וְאַעְדִּי, יָת גִּלְגְּלֵי רְתִכֵּיהוֹן, וּמְדַבְּרִין לְהוֹן, בִּתְקוֹף; וַאֲמַרוּ מִצְרָאֵי, נִעְרוֹק מִן קֳדָם יִשְׂרָאֵל--אֲרֵי דָּא הִיא גְּבוּרְתָא דַּייָ, דַּעֲבַד לְהוֹן קְרָבִין בְּמִצְרָיִם

וַאֲמַר יְיָ לְמֹשֶׁה, אֲרֵים יָת יְדָךְ עַל יַמָּא; וִיתוּבוּן מַיָּא עַל מִצְרָאֵי, עַל רְתִכֵּיהוֹן וְעַל פָּרָשֵׁיהוֹן.  כז וַאֲרֵים מֹשֶׁה יָת יְדֵיהּ עַל יַמָּא, וְתָב יַמָּא לְעִדָּן צַפְרָא לְתֻקְפֵיהּ, וּמִצְרָאֵי, עָרְקִין לְקַדָּמוּתֵיהּ; וְשַׁנֵּיק יְיָ יָת מִצְרָאֵי, בְּגוֹ יַמָּא.  כח וְתָבוּ מַיָּא, וַחֲפוֹ יָת רְתִכַּיָּא וְיָת פָּרָשַׁיָּא, לְכֹל מַשְׁרְיָת פַּרְעֹה, דְּעָאלוּ בָּתְרֵיהוֹן בְּיַמָּא:  לָא אִשְׁתְּאַר בְּהוֹן, עַד חַד.  כט וּבְנֵי יִשְׂרָאֵל הַלִּיכוּ בְּיַבֶּשְׁתָּא, בְּגוֹ יַמָּא; וּמַיָּא לְהוֹן שׁוּרִין, מִיַּמִּינְהוֹן וּמִסְּמָאלְהוֹן.  ל וּפְרַק יְיָ בְּיוֹמָא הַהוּא, יָת יִשְׂרָאֵל--מִיְּדָא דְּמִצְרָאֵי; וַחֲזָא יִשְׂרָאֵל יָת מִצְרָאֵי, מָיְתִין עַל כֵּיף יַמָּא.  לא וַחֲזָא יִשְׂרָאֵל יָת גְּבוּרַת יְדָא רַבְּתָא, דַּעֲבַד יְיָ בְּמִצְרָאֵי, וּדְחִילוּ עַמָּא, מִן קֳדָם יְיָ; וְהֵימִינוּ, בְּמֵימְרָא דַּייָ, וּבִנְבִיאוּת מֹשֶׁה, עַבְדֵּיהּ. א בְּכֵין שַׁבַּח מֹשֶׁה וּבְנֵי יִשְׂרָאֵל יָת תֻּשְׁבַּחְתָּא הָדָא, קֳדָם יְיָ, וַאֲמַרוּ, לְמֵימַר: נְשַׁבַּח וְנוֹדֵי קֳדָם יְיָ אֲרֵי אִתְגְּאִי עַל גֵּיוְתָנַיָּא וְגֵיאוּתָא דִּילֵיהּ הִיא, סוּסְיָא וְרָכְבֵיהּ רְמָא בְּיַמָּא. ב תֻּקְפִי וְתֻשְׁבַּחְתִּי דְּחִילָא יְיָ, אֲמַר בְּמֵימְרֵיהּ וַהֲוָה לִי לְפָרִיק; דֵּין אֱלָהִי וְאֶבְנֵי לֵיהּ מַקְדַּשׁ, אֱלָהָא דַּאֲבָהָתִי וְאֶפְלַח קֳדָמוֹהִי. ג יְיָ, מָארֵי נִצְחָן קְרָבַיָּא; יְיָ, שְׁמֵיהּ. ד רְתִכֵּי פַּרְעֹה וּמַשְׁרְיָתֵיהּ, שְׁדִי בְּיַמָּא; וּמִבְחַר גִּבָּרוֹהִי, אִטְּבַעוּ בְּיַמָּא דְּסוּף. ה תְּהוֹמַיָּא, חֲפוֹ עֲלֵיהוֹן; נְחַתוּ לְעֻמְקַיָּא, כְּאַבְנָא. ו יַמִּינָךְ יְיָ, אַדִּירָא בְּחֵילָא; יַמִּינָךְ יְיָ, תְּבַרַת סָנְאָה. ז וּבִסְגֵּי תֻּקְפָךְ, תַּבַּרְתָּנוּן לִדְקָמוּ עַל עַמָּךְ; שַׁלַּחְתְּ, רֻגְזָךְ--שֵׁיצֵינוּן, כְּנוּרָא לְקַשָּׁא. ח וּבְמֵימַר פֻּמָּךְ חֲכִימוּ מַיָּא, קָמוּ כְּשׁוּר אָזְלַיָּא; קְפוֹ תְּהוֹמֵי, בְּלִבָּא דְּיַמָּא. ט דַּהֲוָה אָמַר סָנְאָה אֶרְדּוֹף אַדְבֵּיק, אֲפַלֵּיג בִּזְּתָא; תִּסְבַּע מִנְּהוֹן נַפְשִׁי--אֶשְׁלוֹף חַרְבִּי, תְּשֵׁיצֵינוּן יְדִי. י אֲמַרְתְּ בְּמֵימְרָךְ, חֲפָא עֲלֵיהוֹן יַמָּא; אִשְׁתְּקַעוּ, כַּאֲבָרָא, בְּמַיִין, תַּקִּיפִין. יא לֵית בָּר מִנָּךְ אַתְּ הוּא אֱלָהָא יְיָ, לֵית אֱלָהּ אֵלָא אַתְּ אַדִּיר בְּקֻדְשָׁא; דְּחִיל תֻּשְׁבְּחָן, עָבֵיד פְּרִישָׁן. יב אֲרֵימְתְּ, יַמִּינָךְ--בְּלַעַתְנוּן, אַרְעָא. יג דַּבַּרְהִי בְּטָבְוָתָךְ, לְעַמָּא דְּנָן דִּפְרַקְתָּא; דַּבַּרְהִי בְּתֻקְפָךְ, לְדֵירָא דְּקֻדְשָׁךְ. יד שְׁמַעוּ עַמְמַיָּא, וְזָעוּ; דַּחְלָא אֲחַדַתְנוּן, לְדַהֲווֹ יָתְבִין בִּפְלָשֶׁת. טו בְּכֵין אִתְבְּהִילוּ, רַבְרְבֵי אֱדוֹם--תַּקִּיפֵי מוֹאָב, אֲחַדִנּוּן רְתֵיתָא; אִתְּבַרוּ, כֹּל דַּהֲווֹ יָתְבִין בִּכְנָעַן. טז תִּפּוֹל עֲלֵיהוֹן אֵימְתָא וְדַחְלְתָא, בִּסְגֵּי תֻּקְפָךְ יִשְׁתְּקוּן כְּאַבְנָא: עַד דְּיִעְבַּר עַמָּךְ יְיָ יָת אַרְנוֹנָא, עַד דְּיִעְבַּר עַמָּא דְּנָן דִּפְרַקְתָּא יָת יַרְדְּנָא. יז תַּעֵילִנּוּן, וְתַשְׁרֵינוּן בְּטוּרָא דְּאַחְסָנְתָךְ--אֲתַר לְבֵית שְׁכִינְתָךְ אַתְקֵינְתָּא, יְיָ; מַקְדְּשָׁא, יְיָ אַתְקְנָהִי יְדָךְ. יח יְיָ מַלְכוּתֵיהּ, לְעָלַם וּלְעָלְמֵי עָלְמַיָּא. יט אֲרֵי עָאלוּ סוּסָוָת פַּרְעֹה בִּרְתִכּוֹהִי וּבְפָרָשׁוֹהִי, בְּיַמָּא, וַאֲתֵיב יְיָ עֲלֵיהוֹן, יָת מֵי יַמָּא; וּבְנֵי יִשְׂרָאֵל הַלִּיכוּ בְּיַבֶּשְׁתָּא, בְּגוֹ יַמָּא. {ר} {ש}

כ וּנְסֵיבַת מִרְיָם נְבִיאֲתָא אֲחָתֵיהּ דְּאַהֲרוֹן, יָת תֻּפָּא--בִּידַהּ; וּנְפַקָא כָּל נְשַׁיָּא בָּתְרַהָא, בְּתֻפִּין וּבְחִנְגִין. כא וּמְעַנְיָא לְהוֹן, מִרְיָם: שַׁבַּחוּ וְאוֹדוֹ קֳדָם יְיָ אֲרֵי אִתְגְּאִי עַל גֵּיוְתָנַיָּא וְגֵיאוּתָא דִּילֵיהּ הִיא, סוּסְיָא וְרָכְבֵיהּ רְמָא בְּיַמָּא. {ס} כב וְאַטֵּיל מֹשֶׁה יָת יִשְׂרָאֵל מִיַּמָּא דְּסוּף, וּנְפַקוּ לְמַדְבְּרָא דְּחַגְרָא; וַאֲזַלוּ תְּלָתָא יוֹמִין בְּמַדְבְּרָא, וְלָא אַשְׁכַּחוּ מַיָּא. כג וַאֲתוֹ לְמָרָה--וְלָא יְכִילוּ לְמִשְׁתֵּי מַיָּא מִמָּרָה, אֲרֵי מָרִירִין אִנּוּן; עַל כֵּין קְרָא שְׁמַהּ, מָרָה. כד וְאִתְרָעַמוּ עַמָּא עַל מֹשֶׁה לְמֵימַר, מָא נִשְׁתֵּי. כה וְצַלִּי קֳדָם יְיָ, וְאַלְּפֵיהּ

כז וַאֲתוֹ לְאֵילִים--וְתַמָּן תְּרֵי עֲסַר מַבּוּעִין דְּמַיִין, וְשִׁבְעִין דִּקְלִין; וּשְׁרוֹ תַּמָּן, עַל מַיָּא.א וּנְטַלוּ, מֵאֵילִים, וַאֲתוֹ כָּל כְּנִשְׁתָּא דִּבְנֵי יִשְׂרָאֵל לְמַדְבְּרָא דְּסִין, דְּבֵין אֵילִים וּבֵין סִינָי--בַּחֲמֵישְׁתְּ עַסְרָא יוֹמָא לְיַרְחָא תִּנְיָנָא, לְמִפַּקְהוֹן מֵאַרְעָא דְּמִצְרָיִם.  ב וְאִתְרָעַמוּ כָּל כְּנִשְׁתָּא דִּבְנֵי יִשְׂרָאֵל, עַל מֹשֶׁה וְעַל אַהֲרוֹן--בְּמַדְבְּרָא.  ג וַאֲמַרוּ לְהוֹן בְּנֵי יִשְׂרָאֵל, לְוֵי דְּמֵיתְנָא קֳדָם יְיָ בְּאַרְעָא דְּמִצְרַיִם, כַּד הֲוֵינָא יָתְבִין עַל דּוּדֵי בִּסְרָא, כַּד הֲוֵינָא אָכְלִין לַחְמָא וְסָבְעִין:  אֲרֵי אַפֵּיקְתּוּן יָתַנָא לְמַדְבְּרָא הָדֵין, לְקַטָּלָא יָת כָּל קְהָלָא הָדֵין בְּכַפְנָא.  {ס}  ד וַאֲמַר יְיָ לְמֹשֶׁה, הָאֲנָא מַחֵית לְכוֹן לַחְמָא מִן שְׁמַיָּא; וְיִפְּקוּן עַמָּא וְיִלְקְטוּן פִּתְגָם יוֹם בְּיוֹמֵיהּ, בְּדִיל דַּאֲנַסֵּינוּן הַיְהָכוּן בְּאוֹרָיְתִי אִם לָא.  ה וִיהֵי בְּיוֹמָא שְׁתִיתָאָה, וִיתַקְּנוּן יָת דְּיַיְתוֹן; וִיהֵי עַל חַד תְּרֵין, עַל דְּיִלְקְטוּן יוֹם יוֹם.  ו וַאֲמַר מֹשֶׁה וְאַהֲרוֹן, לְכָל בְּנֵי יִשְׂרָאֵל:  בְּרַמְשָׁא--וְתִדְּעוּן, אֲרֵי יְיָ אַפֵּיק יָתְכוֹן מֵאַרְעָא דְּמִצְרָיִם.  ז וּבְצַפְרָא, וְתִחְזוֹן יָת יְקָרָא דַּייָ, בְּדִשְׁמִיעָן קֳדָמוֹהִי תֻּרְעֲמָתְכוֹן, עַל יְיָ; וְנַחְנָא מָא, אֲרֵי מִתְרָעֲמִתּוּן עֲלַנָא.  ח וַאֲמַר מֹשֶׁה, בִּדְיִתֵּין יְיָ לְכוֹן בְּרַמְשָׁא בִּסְרָא לְמֵיכַל וְלַחְמָא בְּצַפְרָא לְמִסְבַּע, בְּדִשְׁמִיעָן קֳדָם יְיָ תֻּרְעֲמָתְכוֹן, דְּאַתּוּן מִתְרָעֲמִין עֲלוֹהִי; וְנַחְנָא מָא, לָא עֲלַנָא תֻּרְעֲמָתְכוֹן אֱלָהֵין עַל מֵימְרָא דַּייָ.  ט וַאֲמַר מֹשֶׁה, לְאַהֲרוֹן, אֵימַר לְכָל כְּנִשְׁתָּא דִּבְנֵי יִשְׂרָאֵל, קְרוּבוּ קֳדָם יְיָ:  אֲרֵי שְׁמִיעָן קֳדָמוֹהִי, תֻּרְעֲמָתְכוֹן.  י וַהֲוָה, כַּד מַלֵּיל אַהֲרוֹן עִם כָּל כְּנִשְׁתָּא דִּבְנֵי יִשְׂרָאֵל, וְאִתְפְּנִיאוּ, לְמַדְבְּרָא; וְהָא יְקָרָא דַּייָ, אִתְגְּלִי בַּעֲנָנָא.

א וּמַלֵּיל יְיָ, עִם מֹשֶׁה לְמֵימַר.  יב שְׁמִיעַ קֳדָמַי, יָת תֻּרְעֲמָת בְּנֵי יִשְׂרָאֵל--מַלֵּיל עִמְּהוֹן לְמֵימַר בֵּין שִׁמְשַׁיָּא תֵּיכְלוּן בִּסְרָא, וּבְצַפְרָא תִּסְבְּעוּן לַחְמָא; וְתִדְּעוּן, אֲרֵי אֲנָא יְיָ אֱלָהֲכוֹן.  יג וַהֲוָה בְּרַמְשָׁא--וּסְלֵיקַת שְׂלָיו, וַחֲפָת יָת מַשְׁרִיתָא; וּבְצַפְרָא, הֲוָת נָחֲתַת טַלָּא, סְחוֹר סְחוֹר, לְמַשְׁרִיתָא.  יד וּסְלֵיקַת, נָחֲתַת טַלָּא; וְהָא עַל אַפֵּי מַדְבְּרָא, דַּעְדַּק מְקֻלַּף--דַּעְדַּק דְּגִיר כִּגְלִידָא, עַל אַרְעָא.  טו וַחֲזוֹ בְּנֵי יִשְׂרָאֵל, וַאֲמַרוּ גְּבַר לְאַחוּהִי מַנָּא הוּא--אֲרֵי לָא יָדְעִין, מָא הוּא; וַאֲמַר מֹשֶׁה, לְהוֹן, הוּא לַחְמָא, דִּיהַב יְיָ לְכוֹן לְמֵיכַל.  טז דֵּין פִּתְגָמָא, דְּפַקֵּיד יְיָ, לְקוּטוּ מִנֵּיהּ, גְּבַר לְפֹם מֵיכְלֵיהּ:  עֻמְרָא לְגֻלְגֻּלְתָּא, מִנְיַן נַפְשָׁתְכוֹן--גְּבַר לְדִבְמַשְׁכְּנֵיהּ, תִּסְּבוּן.  יז וַעֲבַדוּ כֵּין, בְּנֵי יִשְׂרָאֵל; וּלְקַטוּ, דְּאַסְגִּי וּדְאַזְעַר.  יח וְכָלוּ בְּעֻמְרָא--וְלָא אוֹתַר דְּאַסְגִּי, וּדְאַזְעַר לָא חֲסַר:  גְּבַר לְפֹם מֵיכְלֵיהּ, לְקַטוּ.  יט וַאֲמַר מֹשֶׁה, לְהוֹן:  אֲנָשׁ, לָא יַשְׁאַר מִנֵּיהּ עַד צַפְרָא.  כ וְלָא קַבִּילוּ מִן מֹשֶׁה, וְאַשְׁאַרוּ גֻּבְרַיָּא מִנֵּיהּ עַד צַפְרָא, וּרְחֵישׁ רִחְשָׁא, וּסְרִי; וּרְגֵיז עֲלֵיהוֹן, מֹשֶׁה.  כא וּלְקַטוּ יָתֵיהּ בִּצְפַר בִּצְפַר, גְּבַר כְּפֹם מֵיכְלֵיהּ; וּמָא דְּמִשְׁתְּאַר מִנֵּיהּ עַל אַפֵּי חַקְלָא כַּד חֲמָא עֲלוֹהִי שִׁמְשָׁא, פָּשַׁר.  כב וַהֲוָה בְּיוֹמָא שְׁתִיתָאָה, לְקַטוּ לַחְמָא עַל חַד תְּרֵין--תְּרֵין עֻמְרִין, לְחַד; וַאֲתוֹ כָּל רַבְרְבֵי כְּנִשְׁתָּא, וְחַוִּיאוּ לְמֹשֶׁה.  כג וַאֲמַר לְהוֹן, הוּא דְּמַלֵּיל יְיָ--שַׁבָּא שַׁבָּתָא קֻדְשָׁא קֳדָם יְיָ, מְחַר:  יָת דְּאַתּוּן עֲתִידִין לְמֵיפָא אֵיפוֹ, וְיָת דְּאַתּוּן עֲתִידִין לְבַשָּׁלָא בַּשִּׁילוּ, וְיָת כָּל מוֹתָרָא, אַצְנַעוּ לְכוֹן לְמַטְּרָא עַד צַפְרָא.  כד וְאַצְנַעוּ יָתֵיהּ עַד צַפְרָא, כְּמָא דְּפַקֵּיד מֹשֶׁה; וְלָא סְרִי, וְרִחְשָׁא לָא הֲוָת בֵּיהּ.  כה וַאֲמַר מֹשֶׁה אִכְלוּהִי יוֹמָא דֵּין, אֲרֵי שַׁבְּתָא יוֹמָא דֵּין קֳדָם יְיָ:  יוֹמָא דֵּין, לָא תַּשְׁכְּחוּנֵּיהּ בְּחַקְלָא.  כו שִׁתָּא יוֹמִין, תִּלְקְטוּנֵּיהּ; וּבְיוֹמָא שְׁבִיעָאָה שַׁבְּתָא, לָא יְהֵי בֵּיהּ.  כז וַהֲוָה בְּיוֹמָא שְׁבִיעָאָה, נְפַקוּ מִן עַמָּא לְמִלְקַט; וְלָא, אַשְׁכַּחוּ.  {ס}  כח וַאֲמַר יְיָ, לְמֹשֶׁה:  עַד אִמַּתִּי, אַתּוּן מְסָרְבִין, לְמִטַּר פִּקּוֹדַי, וְאוֹרָיָתָי.  כט חֲזוֹ, אֲרֵי יְיָ יְהַב לְכוֹן שַׁבְּתָא--עַל כֵּין הוּא יָהֵיב לְכוֹן בְּיוֹמָא שְׁתִיתָאָה, לְחֵים תְּרֵין יוֹמִין; תִּיבוּ אֲנָשׁ תְּחוֹתוֹהִי, לָא יִפּוֹק אֲנָשׁ מֵאַתְרֵיהּ--בְּיוֹמָא שְׁבִיעָאָה.  ל וּשְׁבַתוּ עַמָּא, בְּיוֹמָא שְׁבִיעָאָה.  לא וּקְרוֹ בֵּית יִשְׂרָאֵל יָת שְׁמֵיהּ, מַנָּא; וְהוּא, כְּבַר זְרַע גִּדָּא חִיוָר, וְטַעְמֵיהּ, כְּאִסְקְרִיטָוָן בִּדְבַשׁ.  לב וַאֲמַר מֹשֶׁה, דֵּין פִּתְגָמָא דְּפַקֵּיד יְיָ--מְלֵי עֻמְרָא מִנֵּיהּ, לְמַטְּרָא לְדָרֵיכוֹן:  בְּדִיל דְּיִחְזוֹן יָת לַחְמָא, דְּאוֹכֵילִית יָתְכוֹן בְּמַדְבְּרָא, בְּאַפָּקוּתִי יָתְכוֹן, מֵאַרְעָא דְּמִצְרָיִם.  לג וַאֲמַר מֹשֶׁה לְאַהֲרוֹן, סַב צְלוֹחִית חֲדָא, וְהַב תַּמָּן מְלֵי עֻמְרָא, מַנָּא; וְאַצְנַע יָתֵיהּ קֳדָם יְיָ, לְמַטְּרָא לְדָרֵיכוֹן.  לד כְּמָא דְּפַקֵּיד יְיָ, לְמֹשֶׁה; וְאַצְנְעֵיהּ אַהֲרוֹן קֳדָם סָהֲדוּתָא, לְמַטְּרָא.  לה וּבְנֵי יִשְׂרָאֵל, אֲכַלוּ יָת מַנָּא אַרְבְּעִין שְׁנִין--עַד דְּעָאלוּ, לַאֲרַע יָתֵיבְתָּא:  יָת מַנָּא, אֲכַלוּ--עַד דַּאֲתוֹ, לִסְיָפֵי אַרְעָא דִּכְנָעַן.  לו וְעֻמְרָא, חַד מִן עַסְרָא בִּתְלָת סְאִין הוּא.

א וּנְטַלוּ כָּל כְּנִשְׁתָּא דִּבְנֵי יִשְׂרָאֵל מִמַּדְבְּרָא דְּסִין, לְמַטְּלָנֵיהוֹן--עַל מֵימְרָא דַּייָ; וּשְׁרוֹ, בִּרְפִידִים, וְלֵית מַיָּא, לְמִשְׁתֵּי עַמָּא.  ב וּנְצָא עַמָּא, עִם מֹשֶׁה, וַאֲמַרוּ, הַבוּ לַנָא מַיָּא וְנִשְׁתֵּי; וַאֲמַר לְהוֹן, מֹשֶׁה, מָא נָצַן אַתּוּן עִמִּי, מָא מְנַסַּן אַתּוּן קֳדָם יְיָ.  ג וּצְהִי תַּמָּן עַמָּא לְמַיָּא, וְאִתְרָעַם עַמָּא עַל מֹשֶׁה; וַאֲמַר, לְמָא דְּנָן אַסֵּיקְתַּנָא מִמִּצְרַיִם, לְקַטָּלָא יָתִי וְיָת בְּנַי וְיָת בְּעִירַי, בְּצָהוּתָא.  ד וְצַלִּי מֹשֶׁה קֳדָם יְיָ לְמֵימַר, מָא אַעֲבֵיד לְעַמָּא הָדֵין; עוֹד זְעֵיר פּוֹן, וְרַגְמוּנִי.  ה וַאֲמַר יְיָ לְמֹשֶׁה, עֲבַר קֳדָם עַמָּא, וְסַב עִמָּךְ, מִסָּבֵי יִשְׂרָאֵל; וְחֻטְרָךְ, דִּמְחֵיתָא בֵּיהּ יָת נַהְרָא--סַב בִּידָךְ, וְתֵיזֵיל.  ו הָאֲנָא קָאֵים קֳדָמָךְ תַּמָּן עַל טִנָּרָא, בְּחוֹרֵב, וְתִמְחֵי בְּטִנָּרָא וְיִפְּקוּן מִנֵּיהּ מַיָּא, וְיִשְׁתֵּי עַמָּא; וַעֲבַד כֵּין מֹשֶׁה, לְעֵינֵי סָבֵי יִשְׂרָאֵל.  ז וּקְרָא שְׁמֵיהּ דְּאַתְרָא, נִסֵּיתָא וּמַצּוּתָא:  עַל דִּנְצוֹ בְּנֵי יִשְׂרָאֵל, וְעַל דְּנַסִּיאוּ קֳדָם יְיָ לְמֵימַר, הַאִית שְׁכִינְתָא דַּייָ בֵּינַנָא, אִם לָא.  {פ}

ח וַאֲתָא, עֲמָלֵק; וַאֲגִיחַ קְרָבָא עִם יִשְׂרָאֵל, בִּרְפִידִים.  ט וַאֲמַר מֹשֶׁה לִיהוֹשׁוּעַ בְּחַר לַנָא גֻּבְרִין, וּפוֹק אֲגִיחַ קְרָבָא בַּעֲמָלֵק; מְחַר, אֲנָא קָאֵים עַל רֵישׁ רָמְתָא, וְחֻטְרָא דְּאִתְעֲבִידוּ בֵּיהּ נִסִּין מִן קֳדָם יְיָ, בִּידִי.  י וַעֲבַד יְהוֹשׁוּעַ, כְּמָא דַּאֲמַר לֵיהּ מֹשֶׁה--לְאָגָחָא קְרָבָא, בַּעֲמָלֵק; וּמֹשֶׁה אַהֲרוֹן וְחוּר, סְלִיקוּ לְרֵישׁ רָמְתָא.  יא וְהָוֵי, כַּד מָרֵים מֹשֶׁה יְדוֹהִי--מִתְגַּבְּרִין דְּבֵית יִשְׂרָאֵל; וְכַד מַנַּח יְדוֹהִי, מִתְגַּבְּרִין דְּבֵית עֲמָלֵק.  יב וִידֵי מֹשֶׁה יְקַרָא, וּנְסִיבוּ אַבְנָא וְשַׁוִּיאוּ תְּחוֹתוֹהִי וִיתֵיב עֲלַהּ; וְאַהֲרוֹן וְחוּר סְעִידִין בִּידוֹהִי, מִכָּא חַד וּמִכָּא חַד, וַהֲוַאָה יְדוֹהִי פְּרִיסָן בִּצְלוֹ, עַד דְּעָאל שִׁמְשָׁא.  יג וְתַבַּר יְהוֹשׁוּעַ יָת עֲמָלֵק וְיָת עַמֵּיהּ, לְפִתְגָם דְּחָרֶב.  {פ}

יד וַאֲמַר יְיָ לְמֹשֶׁה, כְּתוֹב דָּא דֻּכְרָנָא בְּסִפְרָא, וְשַׁו, קֳדָם יְהוֹשׁוּעַ:  אֲרֵי מִמְחָא אֶמְחֵי יָת דֻּכְרָנֵיהּ דַּעֲמָלֵק, מִתְּחוֹת שְׁמַיָּא.  טו וּבְנָא מֹשֶׁה, מַדְבְּחָא; וּפְלַח עֲלוֹהִי, קֳדָם יְיָ דַּעֲבַד לֵיהּ נִסִּין.  טז וַאֲמַר, בִּשְׁבוּעָה אֲמִירָא דָּא מִן קֳדָם דְּחִילָא דִּשְׁכִינְתֵיהּ עַל כֻּרְסֵי יְקָרָא, דַּעֲתִיד דְּיִתָּגַח קְרָבָא קֳדָם יְיָ, בִּדְבֵית עֲמָלֵק--לְשֵׁיצָיוּתְהוֹן, מִדָּרֵי עָלְמָא.