Die regering word versoek om sterk en onmiddellike stappe te doen om die toenemende dwelmgebruik onder die land se jeug aan te pak. Die Rehoboth-gemeenskapsaktivis Manfred Draghoender beklemtoon dat dwelmmisbruik 'n ernstige probleem binne die gemeenskap bly. In 'n onderhoud met Kosmos 94.1 Nuus het Draghoender opgemerk dat dwelmgebruik gereeld bydra tot gewelddadige gedrag, wat weer die land se stygende geweldsmisdaadsyfers aandryf.