Die regering word aangespoor om inisiatief te neem en op te hou om op buitelandse beleggings staat te maak om kwessies soos behuisingsvoorsiening en werkskepping aan te spreek. Volgens die voorsitter van die Economic and Social Justice-trust, Herbert Jauch, is Namibië se behuisingsagterstand van 300 000 nie net 'n krisis nie, maar 'n gemiste geleentheid. Hy sê om op markkragte en buitelandse beleggers te vertrou het misluk, en slegs dapper staatsingryping kan behuising in werk, ekonomiese groei en waardigheid vir duisende Namibiërs omskep.