ဦးနှောက်ရဲ့လုပ်ဆောင်ပုံတွေကို လေ့လာတဲ့  စာရေးဆရာ နဲ့ coach တစ်ဦးဖြစ်တဲ့ Jim Kwik ပြောဖူးတဲ့ စကားတစ်ခုရှိတယ်။ အဲ့ဒါက လူတွေရဲ့အကျင့်တွေဟာ“ကောင်းတာနဲ့ ဆိုးတာနဲ့မရှိပါဘူးတဲ့” လေ့ကျင့်ထားတာနဲ့ မလေ့ကျင့်ထားတာ ပဲရှိပါတယ် ဆိုပြီးပြောခဲ့ဖူးတယ်။ ယေဘုယျအားဖြင့် အားလုံးလက်ခံထားတာက  လူတွေမှာ ကောင်းတာနဲ့ မကောင်းတာဆိုတဲ့ အကျင့် တွေရှိတယ် လို့ဆိုကြတယ်။ တကယ်တမ်းတော့ အဲ့ဒီ ကောင်းတာ မကောင်းတာတွေက လူတွေရဲ့  ဘယ်လိုနေထိုင်ပြောဆိုလဲဆိုတဲ့ လုပ်လေ့ လုပ်ထရှိတဲ့အကျင့်တွေကနေ ပုံသွင်းလာတဲ့ ရလဒ်လို့မြင်လို့ရတယ်။ ကျွန်တော်တို့ ဦးနှောက်ကို ကိုယ်က အကျင့်ဆိုးတွေနဲ့ ခိုင်းနေတာလားအကျင့်ကောင်းတွေနဲ့ ခိုင်းနေတာလားဆိုပြီး ကွဲပြား စွာမြင် နိုင်တယ်။ခံစားချက်ကိုလိုက်ပြီး ကျွန်တော်တို့ ပြဿနာတစ်ခုကို အကုန်မသိရခင် ထင်ကြေးတွေပေးပြီး ၀ေဖန်သမုတ် လုပ်တတ် ကြတယ်။အသေးအမွားလေးက အစ အရေးတယူလုပ်ပြီး ခံစားလိုက်ကြတယ်။ ဒီတော့ ကိုယ့်အတွက်အလုပ်မဖြစ်တဲ့ အရာတွေ ကို ရင်ထဲ ယူပြီး ခံစားဖို့အဆင်မပြေတဲ့ အရာတွေကိုဘယ်လိုလွတ်ချမလဲ၊ ဘယ်လိုအကျင့်ကောင်းတွေ လုပ်ယူကြမလဲ?