<img width="2560" height="2560" data-tf-not-load src="https://sons.red/wp-content/uploads/2023/12/Foto_episodio_4-scaled.jpg" class="attachment-full size-full wp-post-image" alt="Episodio 4, “Da cepa á bodega con Quin Álvarez e Jorge Marcote”: Son nacionalista porque creo na miña terra." decoding="async" srcset="https://sons.red/wp-content/uploads/2023/12/Foto_episodio_4-scaled.jpg 2560w, https://sons.red/wp-content/uploads/2023/12/Foto_episodio_4-scaled-1024x1024-150x150.jpg 150w, https://sons.red/wp-content/uploads/2023/12/Foto_episodio_4-scaled-1024x1024-300x300.jpg 300w, https://sons.red/wp-content/uploads/2023/12/Foto_episodio_4-scaled-1024x1024.jpg 1024w, https://sons.red/wp-content/uploads/2023/12/Foto_episodio_4-scaled-1024x1024-47x48.jpg 47w, https://sons.red/wp-content/uploads/2023/12/Foto_episodio_4-scaled-1024x1024-205x205.jpg 205w" sizes="(max-width: 2560px) 100vw, 2560px" />

Ola ola!

Chegamos ao final do serial Da cepa á bodega con Quin Álvarez. O noso Quin. Quin do Américo.

Para Emmanuel e para min (Fidel) foi todo un descubrimento este home cunha importancia grandísima no mundo vitivinícola, no mundo agrario aló pola Galiza do sur, en Goián, Tomiño, provincia de Pontevedra.

Foron os audios un resumo un extracto dunha vida, un pouco da súa sabedoría con relación aos viños, un pouco da súa traxectoria empresarial e profesional e hoxe, no audio que escoitas a continuación, un pouco desas outras facetas que descubrirás e que non son menos importantes.

Só me queda, antes de facervos un breve limiar cos temas tratados neste podcast, falarlle a Quin, falarche a ti e darche mil grazas pola hospitalidade, o trato e o agarimo con que nos trataches a Emmanuel, á miña muller Patricia como espectadora que desfrutou tanto das túas historias, como nós de grabar contigo. E como non a Jorge Marcote por descubrirnos a tan interesante persoa como resultaches ser nas túas historias e na túa bagaxe vital.

Neste audio falaremos con Quin dos seus cines, ou mellor dito da continuación dun negocio que iniciou o seu pai (acordaste de Américo o portugués?). Do avanzado en moitos temas que resultou ser Goián o seu lugar, o seu sitio no mundo, e do que o escoitades falar con moito orgullo. Tamén de negocios iniciados e o mesmo tempo complicados como foi a das discotecas.

Tamén saberás da cara máis política e de activismo social que ten Quin, colaborando cunha ONG que no seu momento levou a maquinaria necesaria para lograr auga potable en Camerún… Sobre todo escoitas, un podcast, repleto de anécdotas que de seguro, farán pasarche un rato estupendo.

Recorda que a edición definitiva do podcast e de Jordi, os vídeos que sirven de avance son seleccionados e editados por Emmanuel, os métodos de contacto de final do podcast son de Lorena e Rosalía a que da título ao audio que escoitas.

Grazas por escoitar.

<img width="2560" height="2560" data-tf-not-load src="https://sons.red/wp-content/uploads/2023/11/Quin_con_galinas-scaled.jpg" class="attachment-full size-full wp-post-image" alt="Quin Álvarez" decoding="async" srcset="https://sons.red/wp-content/uploads/2023/11/Quin_con_galinas-scaled.jpg 2560w, https://sons.red/wp-content/uploads/2023/11/Quin_con_galinas-scaled-1024x1024-150x150.jpg 150w, https://sons.red/wp-content/uploads/2023/11/Quin_con_galinas-scaled-1024x1024-300x300.jpg 300w, https://sons.red/wp-content/uploads/2023/11/Quin_con_galinas-scaled-1024x1024.jpg 1024w, https://sons.red/wp-content/uploads/2023/11/Quin_con_galinas-scaled-1024x1024-47x48.jpg 47w, https://sons.red/wp-content/uploads/2023/11/Quin_con_galinas-scaled-1024x1024-205x205.jpg 205w" sizes="(max-width: 2560px) 100vw, 2560px" />

Dí a Real Academia da Lingua Galega o seguinte da palabra Teima: Idea fixa e constante ou costume raro no que se persiste. De teimoso ven o dicionario a falarnos que é un sinómimo de obstinado: Que teima nas súas ideas. E pensamos que lle acae moi ben a Quin Álvarez, un home obstinado: que se aferra con enerxía a unha idea ou a unha maneira de actuar. De aí que lle puxese ese nome, Teimosía, a un dos seus viños máis recoñecidos e valorados… queres saber da historia deste viño? Escoita este audio.

O podcast Retrato Sonoro ten varias patas: Fidel á voz cunha edición inicial dos audios, Emmanuel tamén á voz e coa selección dos clips de vídeos e a súa edición, Jordi coa edición final e ser o responsable último da rede de podcast Sons, Lorena que coa súa voz cóntavos os métodos de contacto que tedes connosco e, a última fichaxe que temos feito, Rosalía que lle pon o título aos podcast coa súa voz inicial.

Terceiro episodio deste serial “Da cepa á bodega con Quin Álvarez e Jorge Marcote” onde falaremos cos dous, Quin e Jorge, dos logros máis recoñecidos no mundo da viticultura e do agro de Quin Álvarez.

A foto escollida desta volta é a de Quin Álvarez coas súas galiñas, o seu apego ao mundo do agro é indudable.

Escoitarás sobre do seu papel na creación da D.O. (Denominación de Orixe) Rías Baixas; sobre a súa participación como socio fundador de Terras Gauda; un viño, Torroxal, que foi o preludio de Teimosía e Espiña; cómo hai que cuidar unha terra e non romper o equilibrio que lle ven dado pola propia natureza do solo; falamos da famosa Lista Parker (ai! non sabes o que é?); dos proxectos que ten abertos coa familia en destilerías Pazo Val do Miño; e como ben sabes, porque descontamos que xa o vas coñecendo, como ten unha das plantacións máis importantes de aguacate en Galicia (e por suposto de España) e como iniciou un dos proxectos de plantas e flor ornamental máis importantes de España e de Europa con Viveiros Río Tollo e como conta da importancia da súa filla Mariví no proxecto…

En fín, qué máis contar, queda co audio e desfruta de todo que xa nos vai quedando pouco de Quin… aínda que o que ven no próximo e derradeiro episodio… vai ser moi divertido.

<img width="729" height="730" data-tf-not-load src="https://sons.red/wp-content/uploads/2023/09/quinvina.jpg" class="attachment-full size-full wp-post-image" alt="Quin do Américo" decoding="async" srcset="https://sons.red/wp-content/uploads/2023/09/quinvina.jpg 729w, https://sons.red/wp-content/uploads/2023/09/quinvina-150x150.jpg 150w, https://sons.red/wp-content/uploads/2023/09/quinvina-729x730-300x300.jpg 300w, https://sons.red/wp-content/uploads/2023/09/quinvina-729x730-149x150.jpg 149w, https://sons.red/wp-content/uploads/2023/09/quinvina-729x730-47x48.jpg 47w, https://sons.red/wp-content/uploads/2023/09/quinvina-729x730-700x700.jpg 700w, https://sons.red/wp-content/uploads/2023/09/quinvina-729x730-204x205.jpg 204w" sizes="(max-width: 729px) 100vw, 729px" />

Novo Retrato Sonoro na serie “Da cepa á bodega con Jorge Marcote e Quin Álvarez” neste episodio 2.

Na fotografía podedes ver algo do que falamos no primeiro episodio “Quin do Américo”, é o noso protagonista onde máis lle gusta estar, traballando na viña.

Xa sabedes que andamos sempre á busca de títulos que sexan o mais descriptivos que podemos, para que vos fagades unha leve idea do que atopades nestes audios. Desta volta consideramos que “Escoita máis aos vellos ignorantes do lugar, e non tanto ao Libro Gordo de Petete” pódevos resultar un tanto longo, pero capta a esencia do que escoitarás no episodio que achegamos hoxe. Sobre todo na última parte do audio porque trátase de escoitar e aprender de quen traballou toda a vida a terra que coñece ben e ás veces o texto dos libros é un tanto estático e non evoluciona como debería, sobre todo no agro. Obviamente, non se trata dunha alegación á non formación como podes imaxinar…

Imos falar de cambio climático, de pestes (bacterias, insectos, fungos…) e a súa influencia sobre o agro e a uva. E tamén sobre o dano que a propia industria agraria lle ten feito á riqueza da propia terra. O noso Quin ten moito que contar sobre isto, sobre o modelo económico mundial e respaldado coas opinións de Jorge Marcote. A producción ecolóxica, sobre o papel, ten que ser, pero hai dificultades.

Cómo se posicionan as marcas en certas bebidas? É sinxelo posicionar por exemplo unha xenebra que salga nova? Tamén escoitarás falar sobre o que hai detrás das catas profesionais. A opinión de Jorge e Quin é moi interesante. Hai postureo? Igual vos sorprende a resposta deles sobre da idea que podedes ter formada. Cómo enfocan noutros países o turismo vitícola.

Faremos un repaso ao compoñente social do viño, a cómo axuda a nos relacionar cos demáis. Cómo hai zonas onde a xuventude ten unha cultura vinícola ou o poder da cervexa sobre todo en Galicia… Hai mil anécdotas na vida de Quin pero falando do consumo do viño fala sobre as sopas de viño da súa infancia e as repercusións na rapazada que as tomaba cando non tiñan outra cousa… Divagaremos sobre esta relación social co viño, incluso sobre onde é mellor bebelo! Somos así.

Observaredes tamén como segundo vai falando connosco Quin ten mil ideas de novos proxectos na súa cabeza para facer viños de calidade… qué iniciativa.

Este podcast está presentado e producido por Emmanuel e Fidel. A edición final é de Jordi e a voz dos métodos de contacto son de Lorena.

<img width="1149" height="1280" data-tf-not-load src="https://sons.red/wp-content/uploads/2023/09/retratosonoro.jpeg" class="attachment-full size-full wp-post-image" alt="Episodio 1 Quin do Américo" decoding="async" srcset="https://sons.red/wp-content/uploads/2023/09/retratosonoro.jpeg 1149w, https://sons.red/wp-content/uploads/2023/09/retratosonoro-269x300.jpeg 269w, https://sons.red/wp-content/uploads/2023/09/retratosonoro-919x1024.jpeg 919w, https://sons.red/wp-content/uploads/2023/09/retratosonoro-919x1024-134x150.jpeg 134w, https://sons.red/wp-content/uploads/2023/09/retratosonoro-919x1024-700x779.jpeg 700w, https://sons.red/wp-content/uploads/2023/09/retratosonoro-919x1024-183x205.jpeg 183w, https://sons.red/wp-content/uploads/2023/09/retratosonoro-919x1024-300x334.jpeg 300w" sizes="(max-width: 1149px) 100vw, 1149px" />

Isto, como sabedes as personas que escoitades, é Retrato Sonoro. Un podcast realizado por Fidel Mouzo e Emmanuel Vázquez.

Comezamos con este episodio que demos en chamar “Quin do Américo”, unha nova serie de audios que pensamos poden ser do voso interese. Unha serie de podcasts que xirarán en torno ao mundo do viño.

Imos percorrer un camiño cultural, etnográfico, agrario e empresarial que rodea a esta actividade, a este producto que é o da uva fermentada. E sobre todo, como ven sendo habitual en Retrato Sonoro, dun punto de vista moi persoal e nesta primeira ocasión o noso protagonista chámase Quin Álvarez.

Esta serie de episodios son consecuencia dunha relación moi especial que temos con Jorge Marcote. Quén é Jorge? Non o imos decir porque aparece explicado no audio e xa vos enteraredes vos mesmos.

O que sí vos aclaramos é que habendo protagonistas convidados, o fío será Jorge, en moitas ocasións será él o que conte, o que nos axude, nos guíe sobre o viño. E por iso, este serial sobre persoas ao redor da viticultura será “Da cepa á bodega con Jorge Marcote”. 

Agora tócalle a este gran home: Joaquín Álvarez, Quin das Viñas, Quin do Américo é o que nos contará de todo, ao longo destes episodios que imos publicar con regularidade. Anotade o que atoparedes desta persoa no audio que escoitas agora e dos que virán: sabe de viños, do mundo agrario en xeral, pero tamén haberá discotecas, cine, solidariedade, política e empresa.

Neste “Quin do Américo” faremos un percorrido moi breve da súa infancia e inicios profesionais, falamos de variedades de uva no Rosal e sobre todo, tede en conta que arrincamos a tocar temas que serán desenrolados co paso dos episodios.

E chegamos a él porque Jorge Marcote díxolle a Fidel un día: “é incrible que neste mundo tan audiovisual, tan de internet, de chegar a tódolos rincóns, non se coñeza mellor a Quin e as súas historias”.

Pois aquí chega Retrato Sonoro para axudar niso. Pinchade no audio.

Recorda que a edición final, o papel de celofán para facelo bonito é cousa de Jordi. O podcast e publicado baixo o paraugas de Sons, e que a voz que serve case como títulos de crédito finais ao podcast, é a de Lorena.

<img width="1280" height="1280" data-tf-not-load src="https://sons.red/wp-content/uploads/2023/08/somosgalegos.jpg" class="attachment-full size-full wp-post-image" alt="“Manuel Vilar Álvarez” Episodio 3: Somos galegos." decoding="async" srcset="https://sons.red/wp-content/uploads/2023/08/somosgalegos.jpg 1280w, https://sons.red/wp-content/uploads/2023/08/somosgalegos-1024x1024-150x150.jpg 150w, https://sons.red/wp-content/uploads/2023/08/somosgalegos-1024x1024-300x300.jpg 300w, https://sons.red/wp-content/uploads/2023/08/somosgalegos-1024x1024.jpg 1024w, https://sons.red/wp-content/uploads/2023/08/somosgalegos-1024x1024-47x48.jpg 47w, https://sons.red/wp-content/uploads/2023/08/somosgalegos-1024x1024-700x700.jpg 700w, https://sons.red/wp-content/uploads/2023/08/somosgalegos-1024x1024-205x205.jpg 205w" sizes="(max-width: 1280px) 100vw, 1280px" />

Finalizamos, pechamos como bautizou Emmanuel, o tríptico en audio de Retrato Sonoro con Manuel Vilar Álvarez con este “Somos galegos” que fará o definitivo deste serial co director do Museo do Pobo Galego.

Neste intre voltamos a cousas máis persoais e directamente relacionadas coa nosa forma de ser en Galicia, desas cousas que nos fan únicas e únicos. Uns breves comentarios sobre a nosa relixiosidade (aínda que non sexamos practicantes), a nosa relación coa morte, coas verbenas, co Camiño de Santiago, en definitiva e sobre todas as cousas: coa nosa xente.

Temos que agradecer desde aquí toda a amabilidade que nos prestou Manuel a Fidel e Emmanuel para a realización desta conversa na casa do Museo, a través da súa persoa pero tamén como representante de todas aquelas que traballan arreo para facer que unha institución como o Museo do Pobo Galego teña tantas visitas e realice a tan necesaria tarefa de crear memoria de Galiza. Agardamos que teñan sorte no futuro e que consigan os fondos e os perfís profesionais necesarios para ir pouco a pouco mellorando todo o que ten xa de positivo para a nosa comunidade o Museo.

Nos desde aquí vos convidamos a facervos persoas asociadas ao Museo, como comprobaredes non é gran cousa (sabemos que aínda así é un esforzo) pero que se pensades o que podedes facer pola entidade resultará moi satisfactorio. Preme nesta ligazón para saber o custo e que vantaxes ten asociarte.

Como sempre chega nesta entrada o momento de agradecer a Sons o espazo que nos deixa na súa plataforma de podcasts. A Jordi pola edición, a Emmanuel, ademáisde participar da presentación e conversas coas persoas protagonistas, na edición dos clips de vídeo que selecciona, e a Lorena por nos prestar a súa voz para os métodos de contacto e redes sociais.

Ata o vindeiro Retrato Sonoro.

<img width="1280" height="1280" data-tf-not-load src="https://sons.red/wp-content/uploads/2023/07/Omuseoportada.jpg" class="attachment-full size-full wp-post-image" alt="“Manuel Vilar Álvarez” Episodio 2: O museo." decoding="async" srcset="https://sons.red/wp-content/uploads/2023/07/Omuseoportada.jpg 1280w, https://sons.red/wp-content/uploads/2023/07/Omuseoportada-1024x1024-150x150.jpg 150w, https://sons.red/wp-content/uploads/2023/07/Omuseoportada-1024x1024-300x300.jpg 300w, https://sons.red/wp-content/uploads/2023/07/Omuseoportada-1024x1024.jpg 1024w, https://sons.red/wp-content/uploads/2023/07/Omuseoportada-1024x1024-47x48.jpg 47w, https://sons.red/wp-content/uploads/2023/07/Omuseoportada-1024x1024-700x700.jpg 700w, https://sons.red/wp-content/uploads/2023/07/Omuseoportada-1024x1024-205x205.jpg 205w" sizes="(max-width: 1280px) 100vw, 1280px" />

Sodes benvidas e benvidos a este segundo episodio do Retrato Sonoro de Manuel Vilar Álvarez, director do Museo do Pobo Galego, realizada por Fidel e Emmanuel.

Se escoitaches o primeiro episodio, sabes que tratamos con Manuel de moitos aspectos persoais da súa vida, da súa infancia de aldea, e da percepción sobre a contorna e a nosa relación con ela.

Neste capítulo trataremos máis a súa faceta como responsable do Museo do Pobo Galego e como se realiza a xestión dunha entidade coa importancia, trascendencia, que ten para Galiza esta institución. Falaremos de personalidades da cultura, do desenrolo diario do Museo en canto a persoal, fondos, curiosidades e anécdotas (hai unha de osos moi interesante e simpática).

Finalmente e antes de rematar este episodio falaremos sobre a problemática que existe ao redor do Panteón de Galegos Ilustres e a súa xestión.

Como sempre contamos, este podcast publícase grazas ao espazo que brinda Sons, a edición é de Jordi, os clips de vídeo que se poden ver son seleccionados e editados por Emmanuel e a voz que escoitas ao final do podcast cos métodos de contacto son de Lorena.

<img width="1280" height="1280" data-tf-not-load src="https://sons.red/wp-content/uploads/2023/06/SondeAldea.jpg" class="attachment-full size-full wp-post-image" alt="“Manuel Vilar Álvarez” Episodio 1: Son de aldea." decoding="async" srcset="https://sons.red/wp-content/uploads/2023/06/SondeAldea.jpg 1280w, https://sons.red/wp-content/uploads/2023/06/SondeAldea-1024x1024-150x150.jpg 150w, https://sons.red/wp-content/uploads/2023/06/SondeAldea-1024x1024-300x300.jpg 300w, https://sons.red/wp-content/uploads/2023/06/SondeAldea-1024x1024.jpg 1024w, https://sons.red/wp-content/uploads/2023/06/SondeAldea-1024x1024-47x48.jpg 47w, https://sons.red/wp-content/uploads/2023/06/SondeAldea-1024x1024-700x700.jpg 700w, https://sons.red/wp-content/uploads/2023/06/SondeAldea-1024x1024-205x205.jpg 205w" sizes="(max-width: 1280px) 100vw, 1280px" />

Volta Retrato Sonoro cunha conversa moi especial.

Fidel ten a facilidade de atopar xente interesante coa que falar na súa contorna. O seu pai (Antonio) é dunha aldea, Vilarmide, nunha parroquia chamada Coucieiro (Muxía), e ten a sorte de que un veciño do lugar de Santa Mariña, Manuel, compañeiro de escola unitaria é hoxe o director do Museo do Pobo Galego.

O protagonista deste podcast, que se divide nun tríptico sonoro como escoitaredes decir a Emmanuel, é Manuel Vilar Álvarez.

Teredes que desculpar por facermos nosa unha frase que dí o propio Manuel cando aludimos ao Son de aldea. Pero é que xa levamos un tempo no que hai que facer valer esa procedencia que temos todos os galegos e galegas do propiamente rural, un rural ao que non fai moito tempo se facía de menos.

Manuel é un rapaz de aldea que xa conta con 67 anos e que neste primeiro episodio fala de xogos case que extintos, as diferencias ou posibilidades que tiña nacer nunha aldea, fillo de panadeiros, o que significa a “casa” neste contexto, de curacións de verrugas de xeitos un tanto peculiares, de alcumes, de onde lle surxiron as inquedanzas que, tras unha longa traxectoria o levaron ao Museo…

E xa non contamos máis que logo vos deixamos sen audio. Ide a él.

Este podcast faise grazas á edición de Jordi, escoitaredes as voces de Emmanuel e Fidel e ao final, nos métodos de contacto a Lorena; e que os anacos de vídeos que dan difusión a este podcast en redes sociais son traballo exclusivo de Emmanuel.

Grazas a Sons Podcasts por ceder un recuncho do seu espazo para estas ocorrencias en audio.

<img width="1080" height="1080" data-tf-not-load src="https://sons.red/wp-content/uploads/2023/04/photo1681667944.jpeg" class="attachment-full size-full wp-post-image" alt="Plano Sonoro" decoding="async" srcset="https://sons.red/wp-content/uploads/2023/04/photo1681667944.jpeg 1080w, https://sons.red/wp-content/uploads/2023/04/photo1681667944-1024x1024-150x150.jpeg 150w, https://sons.red/wp-content/uploads/2023/04/photo1681667944-1024x1024-300x300.jpeg 300w, https://sons.red/wp-content/uploads/2023/04/photo1681667944-1024x1024.jpeg 1024w, https://sons.red/wp-content/uploads/2023/04/photo1681667944-1024x1024-500x500.jpeg 500w, https://sons.red/wp-content/uploads/2023/04/photo1681667944-1024x1024-47x48.jpeg 47w, https://sons.red/wp-content/uploads/2023/04/photo1681667944-1024x1024-700x700.jpeg 700w, https://sons.red/wp-content/uploads/2023/04/photo1681667944-1024x1024-205x205.jpeg 205w" sizes="(max-width: 1080px) 100vw, 1080px" />

Volta Retrato Sonoro con este spinoff, esta especie de nota ao pé na que tentamos de aportar información e conversa de valor ao escoitado no podcast Retrato Sonoro.

Este Plano Sonoro trata de que Emmanuel e Fidel traian a convidados a conversar sobre o escoitado nalgún dos podcást que vos presentamos. Desta volta o convidado é Alberto Llano Fontela, bibliotecario en Teo e que escoitou con moita atención todo o serial que fixemos con Martín Gordo Mostaza en “Verás, verás, que te vou a cuntar”.

Faremos un repaso moi xeral do escoitado, cales foron as cousas que máis nos chamaron a atención e as sensacións que nos provocou a escoita dun home centenario como Martiño.

Igual, tes que escoitar o audio para saber se o Ti Martín fixo algún saúdo para todas e todos os que escoitaches os audios con él.

Entra, escoita a Alberto, a Emmanuel e a Fidel falar das cousas de Martiño.

<img width="1280" height="1280" data-tf-not-load src="https://sons.red/wp-content/uploads/2022/10/fotocapitulo.jpeg" class="attachment-full size-full wp-post-image" alt="“Verás, verás que te vou a cuntar” co Ti Martiño." decoding="async" srcset="https://sons.red/wp-content/uploads/2022/10/fotocapitulo.jpeg 1280w, https://sons.red/wp-content/uploads/2022/10/fotocapitulo-1024x1024-150x150.jpeg 150w, https://sons.red/wp-content/uploads/2022/10/fotocapitulo-1024x1024-300x300.jpeg 300w, https://sons.red/wp-content/uploads/2022/10/fotocapitulo-1024x1024.jpeg 1024w, https://sons.red/wp-content/uploads/2022/10/fotocapitulo-1024x1024-500x500.jpeg 500w, https://sons.red/wp-content/uploads/2022/10/fotocapitulo-1024x1024-47x48.jpeg 47w, https://sons.red/wp-content/uploads/2022/10/fotocapitulo-1024x1024-700x700.jpeg 700w, https://sons.red/wp-content/uploads/2022/10/fotocapitulo-1024x1024-205x205.jpeg 205w" sizes="(max-width: 1280px) 100vw, 1280px" />

Chegamos ao final de Retrato Sonoro con Martín Gordo Mostaza. Martiño como xa sabes é un home centenario do lugar da Teixeira (La Tejera), no concello de Hermisende, na provincia de Zamora.

Curiosamente chegamos ao final deste podcast no mesmo mes, este marzo de 2023, no que Martín cumple 102 anos, 103 primaveras. Parabéns, Martín!!

Este derradeiro episodio será breve pero con temas importantes: lobos, fiadeiros, mocear coas rapazas (e o que iso implicaba), por suposto festas; e falaremos Martín e máis eu, Fidel, dun pobo xa desaparecido, Parada e do que Martín, co maior que é non ten recordo de que estivese habitado. Escoita atentamente porque con Parada facemos un paralelismo que pensamos pode resultarche de interese.

Dos lobos que podemos falar… ese enemigo ancestral das persoas nestes lugares rurais tan vencellados a gandería, no que se che levaba un vitelo ou un cordeiro, era un drama… non é tan fero nos últimos tempos como o queren pintar algúns sectores.

Das festas… pois que non facía falta nada para que cun gaiteiro e unha persoa cun instrumento de percusión, xa tiveran o baile montado. Recordos alegres.

As peaxes que tiñan que pagar os mozos dos lugares veciños que se atrevían a ir aos lugares que non eran seus para poder ter unha relación coa moza de turno… Unha actividade con certos riscos… “Verás, verás…”

E algo tan propio destes lugares de montaña, das aldeas que tiñan que sufrir longos invernos e que cando caía o sol, non había moito que facer… salvo ir á casa dun veciño ou veciña a ver fiar as mulleres. Ver fíar, falar, contar contos, poñerse a ben con algún rapaz ou rapaza… Os fiadeiros.

Recorda que este podcast é editado por Jordi Mirindo. A voz que lle fai o contrapunto a Martín é a de Fidel Mouzo. As pezas audiovisuais que podes ver nas nosas redes sociais son de Emmanuel Vázquez e que a voz en off que presenta o podcast e che da os métodos de contacto é a de Lorena. Agradecer sempre a Ángel, fillo de Martín pola súa amabilidade e facilidades.

Chegamos ao final… Estamos a preparar un capítulo especial resumo sobre este serial con Martín. A ver qué resulta… Escoitámonos pronto.

<img width="1280" height="1280" data-tf-not-load src="https://sons.red/wp-content/uploads/2022/10/fotocapitulo.jpeg" class="attachment-full size-full wp-post-image" alt="“Verás, verás que te vou a cuntar” co Ti Martiño." decoding="async" srcset="https://sons.red/wp-content/uploads/2022/10/fotocapitulo.jpeg 1280w, https://sons.red/wp-content/uploads/2022/10/fotocapitulo-1024x1024-150x150.jpeg 150w, https://sons.red/wp-content/uploads/2022/10/fotocapitulo-1024x1024-300x300.jpeg 300w, https://sons.red/wp-content/uploads/2022/10/fotocapitulo-1024x1024.jpeg 1024w, https://sons.red/wp-content/uploads/2022/10/fotocapitulo-1024x1024-500x500.jpeg 500w, https://sons.red/wp-content/uploads/2022/10/fotocapitulo-1024x1024-47x48.jpeg 47w, https://sons.red/wp-content/uploads/2022/10/fotocapitulo-1024x1024-700x700.jpeg 700w, https://sons.red/wp-content/uploads/2022/10/fotocapitulo-1024x1024-205x205.jpeg 205w" sizes="(max-width: 1280px) 100vw, 1280px" />

Traemos a este podcast, o Ti Martiño e máis eu sobre as cousas do comer, dos animais vinculados á vida diaria nestes pueblos e algunha cousiña máis, por exemplo sobre as tarefas agrarias que fundamentalmente xiraban ao redor do pan. 

“Verás, verás que te vou a cuntar” co Ti Martiño, é un serial de Retrato Sonoro para Sons Podcasts e a voz protagonista é a de Martín Gordo Mostaza. Home centenario do lugar da Teixeira, en Hermisende, provincia de Zamora. 

Comezaremos hoxe a Martiño falando dalgo que xa escoitaches nalgún capítulo anterior. Subir ás vacas á serra para que pastasen no verán e vixialas para que non viñese o lobo. O sacrificio que comportaba ter a estes animais nas casas e ter unha vaca de a medias…

Os porcos, animal fundamental na dieta destas xentes, a importancia das matanzas para ter certo sustento alimenticio durante o ano. E falamos de arrobas. Tamén sobre as castañas que comían as persoas e os porcos. Na contorna da Alta Sanabria hai unhas castañas estupendas, e que se consumen e saen a moitos países do mundo. Todo un negocio nas primeiras datas do outono,pero que toda esta xentiña nota nas costas para apañar. Non hai traballo tan mal agradecido.

Os traballos no campo sobre todo a sembra, seitura (a sega) e mallas do pan, do centeo. Ao redor destes traballos do pan podería facerse un podcast exclusivo porque implicaba tanto traballo, tanto tempo, tanta vida…

Derivado disto Martín falarache de cocer o pan nos fornos comunitarios e cómo funcionaban por quendas, e da súa paixón por levar sempre unha codia de pan á que botar man cando había fame ou non a había, por lambereteiro.

Nas zonas altas existían os neveiros. Qué son? Para qué? Porqué son tan necesarios? Qué está a cambiar no CLIMA para que vaian desaparacendo?

O reinado unha festa que se realizaba máis ou menos logo do aninovo ata despois do día de reis. En qué consistía? Quen podía participar? Nunha época do ano onde polo frío e o estado das terras non se podía traballar, era unha forma de entretemento que nos seus tempos foi bastante machista pero que na Teixeira nos últimos que festexaron,  souperon adaptar aos tempos. 

Para saber máis do Reinado podedes escoitar estes dous podcasts realizados por Fidel con xentes do veciño lugar de San Ciprián de Hermisende, nos que atoparás moitas similitudes do contado polo Ti Martiño:

O Reinado con Esther y Jaime.

O Reinado de Fidel Alonso Rodríguez.

Este podcast non sería posible sen a edición de Jordi, a selección e edición dos vídeos de Emmanuel Vázquez, a voz en off de Lorena na entrada e saída do podcast e, como non, a Martín Gordo Mostaza pola súas intervencións contando. Saúdos de Fidel Mouzo que presenta este Retrato Sonoro.