မောရဇော် - ရခိုင်ပြည်သူပြည်သား အားလုံး သာလီစွပါ။ သောတရှင်အပေါင်းကို မင်္ဂလာပါလို့ နှုတ်ဆက်လိုက်ပါတယ်။

ငွေနှင်းဖြူ - ဒီတစ်ပတ်မှာတော့ ရခိုင်ရိုးရာ သားမက်တက်ပွဲအကြောင်းကို မောရဇော်နဲ့ ကျမ ငွေနှင်းဖြူတို့က တင်ဆက်ပေးသွားမှာ ဖြစ်ပါတယ်။

မောရဇော် - ဟုတ်ပါတယ်။ လူမျိုးတိုင်းမှာ အရွယ်ရောက်တဲ့ ယောက်ျား၊ မိန်းမတွေဟာ ထိမ်းမြှားကြတဲ့ဓလေ့တွေ ရှိကြပါတယ်။ ရခိုင်လူမျိုးတွေမှာကတေ့လက်ထပ်၊ မင်္ဂလာဆောင်ခြင်းကို ရခိုင်မှာ သားမက်တက်တယ် လို့ ခေါ်ကြပါတယ်။

ရခိုင်လူငယ်တွေဟာ အရွယ်ရောက်လာတဲ့အခါ လူငယ်ချင်းချစ်ကြိုက်ပြီး တနည်းအားဖြင့် ခိုးရာလိုက် ပုဆိုး တန်း တင်ပေါင်းသင်းနေထိုင်ကြတာတွေရှိသလို တချို့ကလည်း မိဘ၊ လူကြီးတွေဆီက ရွှေ၊ ငွေ၊ ရတနာတွေနဲ့ တင်တောင်းပြီး သားမက်တက်ပွဲတွေကို စည်စည်းကားကား ကျင်းပကြလေ့ရှိပါတယ်။