Tað eina kúfóðrið, sum Viggo Lützen legði inn síðst 1920-unum, vaks nærum á hvørjum ári og kom heilt upp í eini 19 kúfóður. Eftir Ingegerd og Viggo tóku Kára og sonurin Lútje við. Um hetta mundið kom vegasamband, sum lætti um arbeiðið.

Eftir tey tóku dótturin Gertrud og maðurin Palli Andreassen við og øktu munandi um garðin. Nú rekur sonur Gertrud og Palla, Ólavur, garðin. Hann hevur keypt Kongshagan, úr festinum Úti í Haga, og hevur nú eisini seyð, 300 í tali, og 40 mjólkneyt.