RSG Sport

'n Samevatting van die week se sportgebeure deur afgetrede predikant, Dave Strydom, met 'n effense tong-in-die-kies-benadering.

Die Assore Joburg Ope Muurbalkampoenskap het plaasgevind vanaf 20 - 24 Oktober 2026 in die Parkview Muurbalsentrum. Willem Pelser gesels met Suid-Afrika se twee voorste spelers, Dewald van Niekerk en Helena Hudson.

Heinrich Schulze blaai deur Mike Larmont en Graham Spence se boek, GODFATHER OF THE WAVES: THE LIFE AND TIMES OF A SURFING TRAILBLAZER.

Christo Viljoen is die president van die Suid-Afrikaanse Figuurskaatsvereniging. Hy gesels oor hierdie grasieuse en aanskoulike sportsoort wat reeds 85 jaar lank in Suid-Afrika beoefen word. Suid-Afrikaanse sierskaatsers is oral besig om aandag op wêreldplatforms te trek.

Suid Afrika se Jean Visser het aangekondig dat hy in die 2027-seisoen aan Motorcross se premierklas, die MXGP, sal deelneem. Visser sal aan al die Europese Grand Prixs op die 2027-kalender vir Visser Racing Team in die MX2-klas op sy Husqavarna FC250 deelneem.

'n Samevatting van die week se sportgebeure deur afgetrede predikant, Dave Strydom, met 'n effense tong-in-die-kies-benadering.

Heinrich Schulze kyk na die sportpretasies van die Geyser-familie.

Formule 1 is weer in die nuus, en hierdie keer is dit nie oor ’n naweek se drama nie, maar oor ’n dramatiese kentering in die sport se tegniese toekoms. Die FIA-president, Mohammed Ben Sulayem, het onverwags aangekondig dat F1 reeds in 2030 terugkeer na V8 enjins – ‘n jaar vroeër as die vorige teiken. Die manier waarop hierdie nuus bekendgemaak is, laat meer vrae as antwoorde, en die aankondiging is boonop gemaak by die bekendstelling van die Rwanda-bod vir ’n Afrika-Grand Prix.

Die voorlopige toekenning van die Afrika-Formule 1 Grand Prix aan Rwanda, het merkbare teenreaksie ontketen – nie net uit die motorsportgemeenskap nie, maar uit ‘n reeks internasionale instansies, wat die besluit as riskant en potensieel onregverdig beskryf.

Gimnastiek is in een van sy besigste internasionale periodes. Die Artistieke Wêreldkampioenskappe in Rotterdam, waar die wêreld se topgimnaste vir ranglyste en kwalifisering meeding, is aan die gang. Intussen is die trampolien en tuimelgreekse reeds afgehandel, met die jongste FIG Wêreldbeker geleentheid wat vroeër vandeesmaand in Italië plaasgevind het. Dit plaas Suid Afrika se gimnastiekprogram in ’n belangrike internasionale periode. Ons praat hieroor met Adele Heine, president van Gimnastiek SA.