Wilderness Namibia en Children in the Wilderness het met Pupkewitz Toyota in Windhoek kragte saamgesnoer om hul Red 'n Renoster-veldtog met 'n fietswedren te loods. Dit is daarop gemik om bewustheid te verhoog en kollektiewe aksie te bewerkstellig om Namibië se ikoniese woestyn-aangepaste swartrenosterbevolking te help beskerm. Die 2km-baan, wat as een rondte tel, sal begin en eindig by die Pupkewitz Toyota-uitstalruimte op die hoek van Onafhanklikheidrylaan en Harold Pupkewitzstraat. Die oornag-geleentheid duur van agt-uur op Vrydagaand, 7 November tot agt-uur die Saterdagoggend, en deelnemers en spanne kan soveel rondtes as wat hulle wil voltooi. Kosmos 94.1 Nuus het gepraat met Shawapala Kandjabanga van Pupkewitz Indongo, wat meer inligting gee.