Heiansdo leegent ee verschidde Saachen, och grad am Alter. Vläicht. Vläicht och net. Esou genee kann een dat och net soen. Heiansdo hëlleft schwaarzen Humor, awer och Schwammen ass gutt. Oder lafe goen. Iergendwou tëschent Tatsaachen an Emotiounen, Ausland a Lëtzebuerg, Doud a Liewen, Noriichten a Konscht, treffen de Rick Mertens an d’Kënschtlerin Diane Jodes op de Moderator Luc Spada an der Sendung vu Loser fir Loser. Oder anescht: Et ass erëm Zäit fir Fiasko Fest.