'n Suid-Afrikaanse hofuitspraak oor renosterhoringhandel maak opslae. Nadat regter Pule Tlaletsi gelas het dat uitvoerpermitte toegestaan word vir horing van witrenosters wat in aanhouding vir bewaring geteel word, is bewaringsbewustes hoopvol. Jaco Muller, stigter van die Rhino Momma-projek, sê die besluit is 'n deurbraak. Hy het aan Kosmos 94.1 Nuus gesê hy hoop dat dit Namibië se komende voorstel by Cites se COP20-beraad sal versterk om streng gereguleerde handel in renosterhoring en ivoor toe te laat.