Bosegong bjo, re le tlisetsa ditaba tsa lekgarebe leo elego moswa. O bolela gore o na le ngwaga ye supa a ratana le lesogana la gagwe mo ebilego ba segofaditswego ka ngwana wa dikgwedi tse supa. Bjale bothata bja gagwe ke gore batswadi ba gagwe ga ba nyake a ka tsoga a isitse ngwana ga bo lesogana le, mola lesogana lona le tshaba go tlo bona ngwana ka ga bo lekgarebe ka ge le bona le nyatsa ka go dira bjalo. Batswadi ba lekgarebe le ba rata ge lesogana le ka tla la ntsha bonnyane pele lekgarebe le ka phela le etetse lapa la gabo ngwana.