SABC North West

COPE e laetse mmeyara yo a satswang go tlhopiwa wa DA kwa mmasepaleng wa Tshwane Metro Solly Msimanga gore a rebolele baagi botlhe kwa ntle ga go kgetholola ditirelo.

Mokgatlho wa bagaka ba Ukhonto We Sizwe wa re ga go kake ga kgonagala go tshwara khonferense ya bosetshaba ya ditlhopo ya ANC ga jaana.

Economic Freedom Fighters, EFF, e lopile Democratic Alliance DA gore e netefatse gore bosemorafe le bookamedi ba Basweu di a khutlha kwa Tshwane.

Mmeyara mogolo yo o satswang go tlhopiwa wa Tshwane Metro Solly Msimanga, o tlamile tsamaiso ya puso ya gagwe gore e tla nna le tsamaiso e e maleba le thebolo ya ditirelo, mme a tsibosa badiri ba mmasepala gore ba solofetswe go dira ka natla go tokafatsa motse moshate.

Lefapha la dipuso selegae mo North West lare le tla ikgolaganya le babbueledi mabapi le go batlisisa leloko la EFF le le ikanisitsweng jaaka molekgotlha.

F4SD e kwa Rustenburg e ikaelela go tlhopha Rocky Malebana Metsing jaaka Mmayara.

Baagi ba ba oleng mowa ba kwa masepaleng wa Siyathemba kwa Northern Cape ba ikanne gore ba tlile go tswelela go phiketa go thibela go ikanisiwa ga meyara wa ANC.

Forum For Service Delivery kwa masepaleng wa Rustenburg mono North West o o senang lekoko le le o laolang ka ntlha ya tlhokego ya palo e e lekaneng ya divoutu mo ditlhopong tsa dipuso selegae, e ikaelela go tlhopa Rocky Malebana Metsing go nna ntlhopeng wa bona wa meyara.

Corruption Watch le Right2Know Campaign ba ipaakanyetsa go gweetlha diphitlhelelo tsa komishine ya Seriti e e neng e le ka ga tumallano ya dibetsa kwa kgotlatshekelo kgolo kwa Pretoria kgwedi e e tlang.

Ntlhopeng wa bomeyara wa DA Solly Msimang o solofetswe go tlhopiwa go nna meyara wa Tshwane Metro gompieno ka nako eo toropo e tshwara kopano ya yone ya kgotla ya go ikanisiwa.