Title - Sahil Ke Dohey

By  @AshokSawhnySahil. 

Rozi hai daya badi, isey na dena khoye

Chhin jaaye rozi agar, khada khada hi roye

Panchhi gaaye daal per, daali per hi soye

Apna ghar apna sajan, jaisa chaahe hoye

Jo hona hai so hoyega, soch soch kya hoye

Kal ke baare sochkar, aaj kyon nindiya khoye

Jeevan men tu chalta chal, chalna sukh ka naam

Sirf kaal ke gaal men panthi, sanson ko Vishram

Jeevan saphal banayega, prabhu ka hi saath

Bhule naam jo Ram ka, phir khayega tu maat

Bheekh maangan ke liye, dwaar jo tere aaye

Heen samajh mat bavre, ishwar se kam naaye.

Bheekh maangan ke liye, dwaar jo tere aaye

Heen samajh mat bavre, ishwar se kam naaye

Veg pawan ka dekh kar, bhay man mein kyon aaye,

Tez hawa har cheez ko, ooncha det udaaye.

Rone se kya laabh, ab jab doobi naav

Samay rahey tu seekhta, tairaaki swabhaav

.

Moh maya ke jaal mein, jo uljha pachhtaye

Is ke chakkar jo para, nikal kabhi na paaye.

Naavik bhi hairaan hai, kya isko samjhaaun

Baith nao mein puchh raha, kaun disha mein jaaun.

Sukh dukh donon ek hain, jaise judwan bhai

Ek chhute duja miley, donon ki ik maai.

Kabhi hanse, rovey kabhi, yehi jeewan ka saar

Har pal tu bharpur jee, Nechhawar sabhi per pyaar.

Panthi tat per baithkar, kaahe bhaya udaas

Manwa dekh tatol kar, bhagwan tere paas.

Paribhasha jeewan ki hai, pal pal bahta neer

Iske paon men kabhi, bandhi nahin zanjeer.

Saathi, jag mein prem se, bada nahin dhan koye

Man se baante prem dhan, man mein shanti hoye

Bigdi baat banaai le, juyon ki tuyon mat chhod

Sab reh jaata hai yahin, kaisi nis din hord.

Oonch neech karna nahin, sada barabar tol

Sab din kahan samaan hai, soch samajh kar bol.

Barkha ko kya dekhta, nadiya kahey pukaar

Mere tat per baith kar, tu bhar le kumbh apaar.

Kaliyan phulin phul baney, dhoop pade murjhaaye

Samay dhoop ka nirdayi bahut, is se bacha na jaaye.

Janam maran ek khel hai, hanskar khela chaahin

Sabhi barabar chhut te, haar jeet kuch naahin.

Koi raja aur rank koi, pandit koi peer

Kya jaane kab aa lage, kisey maut ka teer.

Janam liya tuney agar, to kaahe ko phir roye

Jitna tora bhaagya hai, wahi milega toye.

Website : www.ashoksawhny.com

Youtube https://www.youtube.com/c/ashoksawhnysahil

Instagram: https://www.instagram.com/ashoksawhnysahil/

Facebook : https://www.facebook.com/ashoksawhnypoet

Spotify: Ashok Sawhny Poetry of Life ( English)

https://open.spotify.com/show/1ZtQWYG5RUVHrLGQ5IyvZV

Ashok Sawhny, Dastan -e- Zindagi ( Urdu )

https://open.spotify.com/show/3BoBLzORJi4KqOI2F3IFhi