Sara kezkatuta dago Paulen egoerarekin. Izar eta biak bakardadeari buruzko abesti bat konposatzen hasi dira. Mariok gimnasioan ezagutu duen gizon batekin batera entrenatzen du. Aurrerapen handia egiten ari dira bere muskuluak…

Medikuaren iritziz, Paulek hilabete osoa beharko omen du guztiz sendatzeko. Amarekin eta honen nobioarekin ez da ongi moldatzen. Aitarekin hitz egin du eta herrira itzuli beharra daukala azaldu dio. Ezin du gehiago!

Sara eta Izar bunker zaharrera joan dira. Ongi pasatzen dute elkarrekin. Paulek beste borroka bat izan du eskolan eta egurtu ostean erietxera eraman behar izan dute anbulantzian.

Paulek Zaragozako herri txiki batera joan behar izan du bizitzera, amak eta bere nobio berriak jatetxea zabaldu dutelako bertan. Egun osoa bakarrik pasatzen du. Eskolan arazoak ditu ikaskideekin eta bullyingaren ondorioz borroka pare bat izan du.Mario bere kasa dabil herriko institutuan hasi denetik eta orain Instagrama eta kulturismoa dira bere helduleku bakarra.“Transformerrak” bananduta dabiltza… Sara eta Izar dira elkarrekin dabiltzan bakarrak.

Uztailaren 2tik aurrera, Sara eta Paulen abentuen hirugarren denboraldiari ekingo diogu.Aurreko bi denboraldietan hazten ikusi ditugun Sara, Paul, Izar eta Mario, nerabezaroan murgilduta daude. Kasu honetan ordea ez daude elkarrekin eta taldearen indarra galdu dute zenbait arrazoi tarteko.