Auditores curiosi - hoc in sermone, tria aenigmata tractant Catherina et Timotheus.  In primis, agitur de voce nova "placitum" quod audita erat apud Quin Philosophemur et nobis maxime placet; dein gratias agimus Irenae quae acroama nomine Satura Lanx colit; thema hodierna autem est de aenigmatibus et Catherina ipsa duo aenigmata scripsit quorum responsa Timotheus cernere conatur.  

Ecce aenigmata Catherinae:

I.  "Et lumen et libum producunt.  Inter dapes celantur.”

II. “Certe lac lacti simile est, sed hi similiores sunt. Rariores etiam lacte gallinaceo sunt. Eis erat primum lac compartiri.”

Denique, Timotheus aenigma Symphosii tribus versibus profert:

Porto domum mecum, semper migrare parata,

Mutatoque solo non sum miserabilis exul,

Sed mihi concilium de caelo nascitur ipso.