"Luxemburg sucht den Superstar", awer fir zeitgenëssesch Musek. Dat erwaart de Public am Theatre national du Luxembourg, kuerz TNL. D'Stéck gouf vum Komponist Claude Lenners a vum Regisseur Frank Hoffmann konzipéiert, mee wann een d'Beschreiwung vum Stéck liest, ass een sech net sécher: Ass et en Theaterstéck, eng Fernsehssendung oder villäicht e bësse vun deenen zwee? Ënner anerem dat, probéiert d'Marie Trussart am Gespréich mam Claude Lenners a mam Frank Hoffmann erauszefannen.