في الحلقة دي من بودكاست "شبهك مش زيك" عن المطبخ المصري والمطبخ الجنوب السوداني. هنعرف ازاي  أكلات معينة  ممكن يكونوا بيطبخوا بطرق مختلفة، بيتاكلوا في مناسبات مختلفة يكونوا مرتبطين بذكريات تختلف في عمقها وأثرها علينا. والحقيقة مش هدف الحلقة انكوا تتعرفواعلى  الوصفة ولكن تحسوا ازاي اننا مختلفين اه بس في الأخر ممكن نتجمع على السفرة بمشاعر شبه بعض! 

في الحلقة التالة من شبهك مش زيك حبينا نتكلم على اللى شبهنا بجد، اخواتنا! 
في الحلقة دي هنكون بنسمع آلاء واختها الكبيرة ريهام وهتكون بتدير الحوار سنا ياسر. 

كل حد فينا ليه مفتاح لقلبه. هنكون بنتكلم النهاردة في الحلقة التانية من بودكاست "شبهك مش زيك" عن الاختلافات في لغات الحب. هتكونوا بتسمعوا أندروبندقي  و كارين ماهر أخصائية الإرشاد النفسي والأسري. 

ما هو تعريف "البيت"؟ وكيف يختلف باختلاف البيوت والبلاد والتجارب والمسافات. 
موسى انتقل مع أسرته من السودان إلى جنوب السودان ثم مصر، وعلي وآية انتقلا بين بيوت وبلاد، غيرت نظرتهم لأنفسهم وللعالم.  
نستمع في الحلقة لثلاث تجارب... ثلاث رحلات، وبيوت كثيرة، وكيف تختلف قصة كلٌ منا، وكيف تتشابه. 

إحنا مجموعة شباب مصريين وجنوب سودانيين... أولاد، بنات، فيه مننا في المدرسة، في الكلية، وفيه مننا بيشتغل. واجتمعنا على حاجة واحدة: كلنا بنحب الحكايات وبنحب البودكاستس. 

في أكتوبر ٢٠٢٣ حضرنا ورشة مع مؤسسة آكت اتعلمنا فيها إزاي نعمل بودكاست. وانتو دلوقتي بتسمعوا بودكاست "شبهك مش زيك" اللي بنكتشف فيه مع بعض ومعاكوا قد إيه احنا مختلفين لكن شبه بعض في نفس الوقت. رحلة طويلة هتسمعوا حاجات غريبة وهتعيشوا قصص كأن انتوا اللى بتحكوها.