神經刀·自在道 (另類講基督教神學)

最近喺一個基督徒節目聽到呢句，講邪靈點樣入侵你嘅生命。如果一條窗縫都係威脅，噉你嘅人生有幾多扇窗要巡？你聽嘅歌？屋企嘅擺設？曾祖父做過嘅嘢？

點解呢種「所有苦難實搵到屬靈原因」嘅信仰咁受歡迎？因為佢賣緊嘅唔係盼望，係控制感：搵到名嘅問題，就係處理得到嘅問題。

但約伯記四十二章講，上帝發怒嘅對象，唔係嗰個喺灰堆同祂嗌交嘅約伯，係嗰三個坐喺隔籬、乜都解釋到嘅朋友。

今集神經刀自在道又講講

小小Bio:

有關Gofundme 神學 trading card：https://gofund.me/d03d2dd57

想直接買聖經Pokeman go card? Link here: https://kairos-en.co

#信仰探索 #靈性生活 #神經刀自在道 #lifeseeksunderstanding #香港教會

散會之後有人同我講：「今日好好 feel 呀。」我問佢今日段經文講乜，佢諗咗五秒，答我：「好似係……愛啩。」

三十五分鐘，經文喺開頭讀咗一次，之後就冇再出現過。

我哋而家好似冇咗一條線，唔知一篇講道點先叫及格。有人話聖經可以有唔同解讀，所以冇得評。呢句嘢啱一半：多元解讀係真，但「有唔同解讀」唔等於「冇準則」。

我用尼希米記八章八節嗰三個動作做及格線：念、講明、明白。順便開返自己一刀，講吓我以前點樣喺講台上面炫耀希臘文，然後發現冇人記得自己嗰個禮拜要做啲乜。

（我知好多傳道人星期六夜晚十一點先開始寫講章。呢集唔係嚟寸你哋嘅，係想問返成間教會：講道值唔值得我哋撥資源俾佢。）

你上一次聽到一篇講道，講咗啲你唔想聽、但你知道段經文真係咁講嘅嘢，係幾時？

小小Bio:

鄧智文，音樂神學家與拓荒型傳道者。他於 2025 年在英國伯明翰大學取得神學博士，研究世俗音樂中的「神聖共鳴」與 Z 世代靈性。他是網上神學教育平台 Life Seeks Understanding 的創辦人、廣東話神學 podcast《神經刀．自在道》的主持，亦著有《道成搖滾》(2019)。能操英語、廣東話、普通話。現正由倫敦遷往英格蘭北部，在一間本地教會展開拓荒事奉。

有關Gofundme 神學 trading card：https://gofund.me/d03d2dd57

想直接買聖經Pokeman go card? Link here: https://kairos-en.co (https://kairos-en.co/)

個人profile：https://lifeseeksunderstanding.com (https://lifeseeksunderstanding.com/)

#信仰探索 #靈性生活 #神經刀自在道 #lifeseeksunderstanding #香港教會

一千八百個華人教會領袖，今個禮拜坐喺古晉個會展中心入面。然後台上一位講員疾呼：真正嘅福音，唔係喺講台上宣講 ，而係喺餐桌上。

我完全同意佢。而呢個正正就係問題：內容啱晒，但係個載體同內容打緊交。

你信仰入面最深嗰一課，係喺會場學返嚟，定係喺飯枱？

今集神經刀·自在道由認識華福開始，今時今日仲搞呢做乜

小小Bio:

有關Gofundme 神學 trading card：https://gofund.me/d03d2dd57

想直接買聖經Pokeman go card? Link here: https://kairos-en.co

#信仰探索 #神經刀自在道 #lifeseeksunderstanding #香港教會 #華福

第一世紀，加利利海邊。一個漁夫，撒緊網。冇學位，冇履歷，考唔入拉比嘅學校，一早俾成個教育制度篩走咗。

有個拉比行過，望住佢，講咗一句：來跟從我。

佢放低個網。

嗰一刻，佢報讀嘅唔係一個宗教，係一個學師制：同你師傅一齊、變得似你師傅、做你師傅做嘅事。行到成身都係師傅嘅塵。

兩千年之後，我哋將呢句「來跟從我」，變咗做表格上面嘅一個選項。

（我唔係要取消「基督徒」呢三個字。我只係想問：如果新約入面「基督徒」得3次，「門徒」有269次，點解我哋揀咗出現得最少嗰個嚟自稱？）

因為做基督徒可以唔使改變生活。做學徒唔得。

福音書入面得兩種人：門徒，同群眾。冇第三個category。

你係群眾入面嘅一塊面，定係學徒？

EP.96 經已上線。

小小Bio:

鄧智文，音樂神學家與拓荒型傳道者。他於 2025 年在英國伯明翰大學取得神學博士，研究世俗音樂中的「神聖共鳴」與 Z 世代靈性。他是網上神學教育平台 Life Seeks Understanding 的創辦人、廣東話神學 podcast《神經刀．自在道》的主持，亦著有《道成搖滾》(2019)。能操英語、廣東話、普通話。現正由倫敦遷往英格蘭北部，在一間本地教會展開拓荒事奉。

＝＝＝

有關Gofundme 神學 trading card： https://gofund.me/d03d2dd57

想直接買聖經Pokeman go card? Link here: https://kairos-en.com 

個人profile： https://lifeseeksunderstanding.com 

佢落咗車。 就冇再上返。

1992 年，一個廿二歲嘅女人， 本來要去嫁畀一個佢從未見過嘅人。 火車中途停站，佢落車， 行入一個完全陌生嘅國家， 講咗一句：我要尋求庇護。

嗰一刻，佢乜都冇。

幾十年之後， 佢坐喺全世界數一數二嘅大學， 廿四小時有保鑣跟身， 然後做咗一件冇人估到嘅事： 佢信咗耶穌。

一個女人， 對抗一整套要佢收聲嘅制度。

（我唔係要封佢做聖人，佢好有爭議。 我只想喺佢身上，抽一條線。）

因為呢條線， 其實都係我哋離鄉別井嘅人嘅線：

你走出嚟。 你由零開始。 然後你面對一個引誘： 安頓咗，就收聲。

但以斯帖記有一句： 「焉知你得了王后的位分， 不是為現今的機會嗎？」

或者你今日移居， 唔淨止係損失。 或者，係一個位置。

而搵屋企搵到最後， 先發現： 我哋一直搵緊嘅，係神。

你唔係過客。 你係神家裡嘅人。

🎧 新一集已上線

小小Bio:

＝＝＝

有關Gofundme 神學 trading card： https://gofund.me/d03d2dd57

個人profile： https://lifeseeksunderstanding.com

#信仰探索 #靈性生活 #神經刀自在道 #lifeseeksunderstanding #post-Christian #移英港人 #AyaanHirsiAli

我刪咗呢集嘅第一個版本。

呢一集，我錄咗兩次。

第一個版本，我刪咗。因為我返聽嘅時候，太目中無人，指住人話「你哋醒啲啦」。我明明喺度講扎根、講愛一座城，但我把咪嘅姿態，本身就似一個企喺高地審判緊人嘅人。

於是我坐低，同上帝認返，再錄一次。

而呢件事本身，其實就係呢一集想講嗰樣嘢。

先講啲你可能唔知嘅數字。過去兩年，全英國增長最快嘅基督教群體，係我哋香港人嘅教會。英國聖經公會嘅研究擺到明：年均增長 28.8%，曼徹斯特有一間，兩年之間由 200 人爆到 2,000 人。但同一份研究，仲有一個好少人提嘅數字：呢班教會裏面，本土出世嘅信徒，得返八分之一。

而美國、加拿大、澳洲，其實早就行過呢條路。三個地方，同一個結局：第二代靜靜雞流走。呢啲，係 hard fact，我冇得改，你都冇得當睇唔到。

但我唔係想攞數字嚇你。數據只係病徵。我想問嘅，係病根。

而我越嚟越信，病根唔係「增長」，係「歸屬」。我哋追求緊嘅，到底係邊一種歸屬？

呢一集，我會借潘霍華、Brueggemann、創傷神學，同埋耶利米書廿九章，去問一條我自己都仲未答得到嘅問題：

我哋一落地就買得起樓，點解就係扎唔到根？

小小Bio:

＝＝＝

有關Gofundme 神學 trading card： https://gofund.me/d03d2dd57

個人profile： https://lifeseeksunderstanding.com

#信仰探索 #靈性生活 #神經刀

復活節前後，一位香港教會的牧者邀請我去她的青年組講道。幾個星期後我們再見面，她問了我一個很直接的問題：你的事奉，最終會不會歸屬於香港人的教會？

我說：不會。

這個「不會」，不是你以為的那個意思。

我也是香港人，也是循 BN(O) 那條路來到英國的其中一個。過去幾年，全英國增長得最快的基督教群體，不是英國國教，不是五旬宗，而是我們香港人撐起的華人教會。表面看，這是一個不折不扣的好消息。

但增長，從來不等於扎根。

在新一集《神經刀·自在道》，我想老老實實地問一個更難的問題：當我們在巴比倫裡愈起愈多粵語的「保溫箱」、隔着螢幕 Zoom 回香港讀神學、把下一代默默讓給本地英語教會的時候，我們到底是在這片土地上扎根，還是只是在等待回家？

我從耶利米書二十九章講起。被擄的人沒有被吩咐去等運到，而是被吩咐去蓋房子、栽種田園、為那座不屬於自己的城求平安；因為那城得平安，你也隨着得平安。扎根本地，從來不是背叛香港。

這些內容，我無大台支援，無教會幫助，全靠你們這班在 Patreon 上同行的人撐住。我做的，是一種離堂之信仰的學習：處處見到上帝、操練靈性肌肉、增加形容上帝詞彙。

＝＝＝

有關Gofundme 神學 trading card： https://gofund.me/d03d2dd57

個人profile： https://lifeseeksunderstanding.com

#信仰探索 #靈性生活 #神經刀

點解隔籬間巫術書店，靈性仲豐富過我哋成個教會?

我就嚟離開倫敦。走之前，攞啲 Kairos Cards 去倫敦啲獨立書店問吓擺唔擺得，問極都冇乜人理我，點知主動聯絡我嗰間，竟然係一間賣巫術同神秘學嘅書店。

今集我會自己開刀。但都會踩一踩腳掣。因為「想恢復操練」同「只係想要感覺」之間，有條好危險嘅彎。

🎧 神經刀·自在道

鄧智文是一位音樂神學家與拓荒型傳道人（pioneer minister）。他於 2025 年在英國伯明翰大學取得神學博士，研究世俗音樂中的「神聖共鳴」與 Z 世代靈性。他是網上神學教育平台 Life Seeks Understanding 的創辦人、廣東話神學 podcast《神經刀．自在道》的主持，亦著有《道成搖滾》(2019)。能操英語、廣東話、普通話。現正由倫敦遷往英格蘭北部，在一間本地教會展開拓荒事奉。

----

#信仰探索 #靈性生活 #神經刀

「清心」係耶穌一句最短嘅祝福。而我慢慢明白，係我認識最強嘅靈性武器。

呢個禮拜日，我喺倫敦教會講第一次，亦是最後一次講道，跟住北上去北約克郡（North Yorkshire）開始新嘅事奉。

我會講：馬太福音五章八節同六章十九至卅四節，係同一段教導。「清心的人有福了」唔係前菜，係診斷書——一顆心，只有一個財寶、一個主人、一個方向。

我會講：英國年輕人失業率 16.2%，係 2015 年以嚟最高；英格蘭教會嘅星期日出席率自 2019 年跌咗 18%。我由一間越嚟越細嘅房，行入另一間。

我會講：我曾經被四間教會踢走。我以為自己會做純粹嘅神學學者，喺圖書館裡面寫關於現實嘅論文。但係神冇俾我匿埋。道成了搖滾。神學家嘅工作，唔係喺象牙塔上面指指點點，係進入同一間房。

我帶走屬靈嘅武器，係一顆清心。

----

#信仰探索 #靈性生活 #神經刀