اشنا خبري خپرونه - Voice of America

د اشنا په خبري خپرونو کې د شنبې څخه تر پنجشنبې پورې د افغانستان، سیمې او نړۍ تازه خبرونه، او د ټولې نړۍ څخه په زړه پورې او معلوماتي رپوټونه، د مسولینو او کارپوهانو مرکې، ستاسې غږ او نور مطالب لیدلی شی.

د ناټو امنیتي سازمان د غونډې او اجنډا په اړه وروستي معلومات خپرو. د طالبانو د حکومتي اقداماتو په اړه د ناروې د کډوالو شورا د اندېښنو او سویډن د حکومتي موسسو د فعالیت ځڼډولو په اړه راپور لرو. او د واشنګټن ډي.سي او څیرمه ښارونو کې د ښځو په مدیریت او ظرفیت د موټرو تر ټولو لوی ترمیم ورکشاپ په اړه هم راپور ګورئ.

د امریکا غږ اشنا تلویزیون په نننۍ خپرونه کې به اول د خپرونې میلمه د طالبانو د سیمه ییزو چارواکو په خوښه د وسلو د قاچاق پرفعالوبازارونو رڼا واچوي. بیا به اروپا ته د ولسمشر جوبایدن د سفر په ترڅ کې، په لندن کې د هغه د تم کیدو پوره جزییات ستاسو سره شریک کاندو. او په پای کې به په پاکستان کې د افغانو محصلینوپر ستونزو هم مهم رپوټ‌ ولرو. چې هیله ده لیدل او اورېدل یې هېر نه کړئ.

د امریکاغږ اشنا د یکشنبې په خبري خپرونه کې دا مطالب ګورئ او اورئ: د افغانستان د اقتصادي کړکیچ په جریان کې د چین د پانګونو په اړه د کارپوهانو نظر اخلو. همدا اوونۍ د لیتوانیې په پلازمینه ویلنوس کې د ناټو غونډه کیږي او د اوکراین پوځي ملاتړ په اړه معلومات خپرو. او په جلاوطنۍ کې د یوې افغان تیکواندوکارې مبارزې ته کتنه کوو چې غواړي المپیک سیالیو کې د افغان ښځو استازیتوب وکړي.

د امریکاغږ اشنا د شنبې په خبري خپرونه کې دا مطالب ګورئ او اورئ:

په امریکا کې د یو افغان د وژل کېدو وروسته، د عدالت غوښتنې د هڅو وروستي جزیات؛ د ناټو امنیتي سازمان کې د سویډن پر غړیتوب د ترکیې مخالفت او د نورو غړو هیوادونو دریځونو د کتنې په اړه راپورونه لرو.

د امریکا غږ اشنا تلویزیړن په نننۍ خپرونه کې به په وسله والو نښتو کې د ماشومانو د ښکیلتیا پر نړیوال رپوټ رڼا واچوو. ملګري‌ملتونه وایي، د افغانو ماشومانو د حقونو په وړاندی شاو خوا اتلس سوه سرغړونې ثبت شوې دي. د اسرایلو له خوا په اشغال شوي جنین ښار کې د عملیاتو د پای اعلان شوی او اوس د جرمونو د نړیوالې محکمې ویلي چې د اسرایلي ځواکونو او د حماس وسله والې ډلې له خوا شوي احتمالي جنګي جنایتونه څیړي. په اخر کې به د کډوالۍ د کارتونو په تړاو په پاکستان کې د کډوالو پر جدي ستونزې هم مهم رپوټ‌ ولرو چې هیله ده لیدل او اوریدل یې هیر نه کړئ.

د امریکا غږ اشنا ټلوېزیون د چهارشنبې په خپرونه کې د سینګارتونونو د تړل کېدو په تړاو د غبرګونونو، د روسي او اوکرایني ځواکونو د نښتو او د امریکا د خپلواکۍ ورځې د نمانځلو په اړه مهم راپورونه لرو.

د امریکا غږ د سې شنبې په خپرونه کې د شانګهای سازمان د غونډې پر جزئیاتو، افغانستان کې د نشه یي توکو د تولید په اړه د ملګرو ملتونو پراندېښنو او په بهر کې د افغانو کډوالو پر تعلیمي ستونزو مهم خبرونه لرو.

د امریکا غږ اشنا تلویزیون په نننۍ خپرونه کې د افغانانو د ملاتړ لپاره د ملګرو ملتونو پر نوې تګلارې رڼا اچوو چې دافغانستان لپاره لومړیتوبونه په ګوته کوي. د شانګهای د همکارۍ سازمان د راتلونکې غونډې اجنداهم درسره شریکوو چې ټاکل شوې سبا سې شنبې د هند د لومړي وزیر نرېندرا مودي په مشرۍ جوړه شي.

د امریکاغږ اشنا د یکشنبې په خبري خپرونه کې: د بخښنې نړیوال سازمان دریځ اورئ چې وایي په افغانستان کې د ښځو او نجونو پر وړاندې د طالبانو اقدامات د بشریت په ضد د جنایت سره اندازه کیدلی شي. د روسیې او چین په تړاو د اروپایانو د یوې نظرپوښتنې پاېلې خپرو .