اشنا خبري خپرونه - Voice of America

د بخښنې نړیوال سازمان په خپل تازه راپور کې طالبان په پنجشیرکې په جنګي جنایتونو تورنوي. پدې برسیره په بدخشان کې د خونړۍ چاودنې وروستي جزییات هم درسره شریکوو. د افغانستان لپاره د پاکستان د نوي ځانګړي استازي سره د امريکا غږ ځانګړې مرکه لرو چې د ګڼ شمیر مسایلو تر څنګ یې د کډوالو پر نیول کیدو هم خبرې کړې دي. په هند کې د افغانو پوځي‌محصلینو ستونزې هم راوسپړو چې وایي د طالبانو په واکمنۍ کې د امنیتي ستونزو له امله نه غواړي هیواد ته ستانه شي.

د امریکا غږ اشنا ټلوېزیون د چهارشنبې په خپرونه کې په پاکستان کې د افغان کډوالو د نیولو پر دوام، په اوکراین کې د اوبو د یوه بند د ماتېدو او له غېرقانوني لارو امریکا ته د افغانانو د مهاجرت په اړه مهم رپوټونه لرو.

د امریکا غږ د سې شنبې په خپرونه کې کار ته د ښځینه مرسته رسوونکو پر بېرته ستنېدو، کندهار ته د طالب مشرانو د دفترونو پر لېږد او د امریکا او روسیې سره د ترکیې پر اړیکو مهم رپوټونه لرو.

د امریکا غږ اشنا تلویزیون په نننۍ خپرونه کې اول د ډيورنډ فرضي کرښې له سیمو نه د افغانستان لېرې پرتو ولایتونو ته د وزیرستاني کډوالو د لېږد موخې څېړو چې طالبان وایي موخه یې د پاکستان په وړاندې بریدونو کې د دغو کډوالو د نه لاس لرلو په هکله دپاکستان د ډاډ ترلاسه کول دي. د سي آی اې د پخواني چارواکي، د فارن پالیسۍ د مقالې لیکوال سره، ځانګړې مرکه لرو . د ډنمارک او بریټانیې له لمړي وزیرانو سره د امریکا د متحده ایالتونو جمهور رئیس، پر لیدنې هم رڼا اچوو.

نن د امریکاغږ اشنا په خبري خپرونه کې د سیمې له هېوادونو سره د پاکستان په اقتصادي راکړه ورکړه راپور لرو. د طالبانو د واکمنۍ په اړه د ناټو د پخواني استازي څرګندونې، د سیمې او نړۍ خبرونه او د افغانستان د دودیزو ګاڼو د انلاین نندارې او سوداګرۍ په اړه معلومات هم لرو.

د اشنا د شنبې په خبري خپرونه کې؛ د افغانستان په وضعیت په قرغزستان کې د منځنۍ اسیا او اروپایي ټولنې ګډه غونډه او په افغانستان کې د ټولشموله حکومت پر جوړېدو ټینګار او د ښځو او نجونو حقونو ته د درناوي غوښتنه شوې. ددې موضوع سریبره د نړۍ او سیمې نور مهم خبرونه هم ځای کړای شوي دي.

د امریکا غږ اشنا تلویزیون په نننۍ خپرونه کې د طالبانو د مشر او د قطر د لومړي وزیر د ملاقات په اړه بیلابیل غبرګونونه راسپړو. د خپرونې د میلمه سره به لویدیځ ته د طالبانو د بهرنیو چارو د سرپرست وزیر پردې وینا بحث وکړو چې وایي د افغانستان علمي‌کادرونه مه باسئ. پدې برسیره به له اوکراین سره د ۳۰۰ میلیون ډالرو په ارزښت د متحده ایالتونو د نوې مرسته جزییات درسره شریک کړو اوپه آخر کې به مو د کاناډا د ټورنټو ښار ته د غاټولو ګلانو نندارې ته بوځو.

د امریکا غږ آشنا ټلوېزیون د چهارشنبې په خپرونه کې د قطر له لومړي وزیر سره د طالبانو د رهبر د لیدنې، له ترکیې سره د امریکا اړیکو، او د منځني ختیځ د ښځو د هنري نوښتونو په اړه مهم راپورونه او مرکې لرو.

د امریکا غږ آشنا ټلوېزیون د سې شنبې په خپرونه کې په افغانستان او ځینو نورو هېوادونو کې د لوږې، په امریکا کې د وژلو شویو سرتېرو د یادونې د ورځې او د امریکا مېشتو مسلمانانو د یوې سترې کلنۍ غونډې په اړه مهم راپورونه او مرکې لرو.

نن د امریکا غږ اشنا تلویزیون په پښتو خپرونه کې اول د طالبانو پر ژمنو د بشري حقونو د څار سازمان د بې باورۍ مهم دلیلونه راسپړو چې ددې سازمان د ښځو د چارو مشرې میرمن هیدر بار څرګند کړي. په نړیوالو مسایلو کې د ترکیې نوي‌ ټاکل شوي ولسمشر ته د مبارکۍ د پیغامونو ترڅنګ ورسره د ګډ کار هېلې راسپړو. او په پای کې به د یوې فرانسوۍ میرمنې پیغام هم درواروو چې وایي پښتانه باید د خپلې ژبې د تدریس او ودې لپاره نور کتابونه خپاره کړي.