أعداء النجاح اللي يحبونك..

تأكد ان فيه ناس بيقفون في وجهك في مشوارك... واكيد ان نعرف ان بعض هالناس قد يكونوا غرباء عنك.. ولكنهم مطب في طريقك..

موظف مسئول في دائرة حكومية.. انسان تنتظر موافقة منه يمشي امورك.. احد الناس اللي ما يحبونك او بينك وبينه مشكلة..

ناس يدورون لك المشاكل او يبون يحققون مصالحهم على حسابك.. أو أحد من أهلك تفكيره محدود... أو عنده وجهة نظر ومتسلط وأقوى منك.. الدينا مليانة من هذولي..

الأعداء الصعبين... هم الأعداء اللي يحبونك.. وفي نفس الوقت ما تبي تخسرهم..

ابوك أمك أخوك.. زوجك زوجتك.. أقرب اصدقائك..

هذولي من حبهم لك وخوفهم عليك.. ورحمته لك.. يطلبون منك توقف... ويقولون لك بشكل مباشر أو غير مباشر... يابن الحلال.. غيرك سواها وضاعت حياته.. ما راح تقدر...

شف فلان.. وفلان..

كيف تتعامل معهم..؟؟

اتمنى لكم الاستمتاع في الاستماع..

وانتظر تعليقاتكم وتجاربكم

رابط الحلقات

https://soundcloud.com/malyahya

قبل ما تبدأ أي رحلة.. أي مشوار أي تحدي جديد.. لابد تكون عارف وين رايح؟؟

ماهو الشيء....؟

وش الشيء اللي فعلا انت تبغاه من حياتك.. ويحقق لك السعادة...

فالسعادة هي ان الواحد يحصل على الشيء اللي يبغاه.. حتى لو كان صغير.. أو في نظر الاخرين عادي..

فاذا حققت الشيء اللي تبغاه تنبسط وتكون سعيد.. واذا انحرمت منه تحزن..

واذا صار لك شيء ما تبغاه.. تحزن..

 المشكلة ان الناس قاعدة تحقق اللي يبونه الناس الثانين..

انت لازم تعرف وش تبغى...

 

بس فيه شيء مهم.. قبل هذا كله... وما يهتمون فيه اغلب الناس .. واذا اهتموا.. ما يعطون الجواب الصح فيه.. وهو اللي بيحقق لهم السعادة اصلا

 

السؤال هو لماذا؟؟؟؟

ليه تبغاه اصلا؟؟؟؟

 الهدف الاسمى هو اللي بيحدد القرارات اللي بتسويها في حياتك...

وهو اللي بيجاوب على سؤال.. ليه... ليه تبغى تكون ثري؟؟ ليه تبغى تشتري بيت.. ليه تبغى تتزوج.. ليه تبغين تتزوجين.. ليه تبغى تفتح المشروع.. ليه تبغى تكتتب في ارامكو.. ليه تبغى تشتري سيارة.. حتى ابسط الاشياء.. ليه تشجع الفريق الفلاني؟

 اذا الشيء اللي تبغاه.. يوصلك للهدف الاسمى.. راح تتخذ القرار بكل ثقة واذا ما يوصلك.. ما راح تتخذه ولو اتخذته.. ما راح تكون واثق وبتشكك في قرارك كثير...

شطحات من القمة..

قناة بودكاست صوتية تهتم في المواضيع الاقتصادية والمالية ومواضيع أسواق المال والأسهم..

لا نتحدث بشكل فني معقد.. بل بالأساسيات المهمة والتي بدونها لن يستطع المتداول في الأسواق أن ينجح في الأسواق مهما كانت كفاءته ومهارته في التعامل معها..

مواضيع تحقيق الثراء، وتغيير طريقة التفكير في النظر إلى المال وعلاقته بالسعادة، وترابط أسباب النجاح مع بعضها في الحياة ونوعية التضحيات التي ينبغي أن يضحي بها من يريد تحقيق هدف يعجز عنه الاخرين

أغلب الأحاديث التي نتناولها منطقية، والكل تقريبا يتفق عليها، ومع ذلك، تطبيقها صعب، والالتزام بتطبيقها أصعب