Gestur Gígju Hólmgeirsdóttur í dag er íþróttalýsandinn og skólameistarinn Sigurbjörn Árni Arngrímsson. Sigurbjörn segir frá uppvextinum við Mývatn, námsárunum í Bandaríkjunum og íþróttaferlinum. Hann segir líka frá eftirminnilegum augnablikum á Ólympíuleikum og fer yfir hvernig honum líður þessa dagana, en eins og margir vita þá glímir Sigurbjörn við krabbamein og hefur verið mjög opinskár með þá baráttu sína. Sigurbjörn segir líka frá búskapnum og lífinu sem skólameistari Framhaldsskólans á Laugum.