simvoll

alsooo du bisch feminisch... NAI MAN(N)! bin i nid. zumindest nid im derziit praktiziarta stil. 

wennd wetsch wüssa warum mi feminismus ufregt, denn gönn diar gern dia folg. 

#freerealfeminismandmasculinism 

um dera folg ghoz um hamsterräder und warum du das vilicht gar nid loswerda muasch, sondern numa wüssa söllsch wia di döt dina bewegsch damit du eines tages flüga wirsch und ds gitter ganz vu selber zerspringt. i reda nomol a kli übers metaversum, allerdings kli anderscht als in da ältera folg. und vor allem traui mi z erst mol kli über geld z reda. und natürli visiona vu liabi ;)

wasi nid erwähnt han isch wia realistisch de neu film vom ryan reynolds "free guy" isch. obadruf no witzig und üsserst lehrrich. wo min fründ de vorgschlaga het hani denkt: nai bitte kai trash movie. tja es isch ganz anders koh. er het a geili message. do wär de trailer: https://www.youtube.com/watch?v=X2m-08cOAbc

Inspiration für dia folg isch er gsi: https://open.spotify.com/episode/3nfjCvuNnTIJ2CIficY7He?si=955b9ce9781d4f32

do de trailer vu minem all-time-favorite "SLC PUNK" : https://www.youtube.com/watch?v=fcFm96WxAZY

das isch d fortsetzig vur "schländera" folg vum januar. i verzella do über mini erkenntnis und was das bewussta laufa mit mir gmacht het. i lerna immer meh drüber, was in üsra schnell lebiga welt wertvoll isch. es sind dia langsama, klina sacha. i weiss, hesch sicher au scho 1000 mol ghört. aber dia alta segend das wo sie segend amel nid uma suscht ;) 

miar isch wichtig dass ma nid inra bubble lebt. i finda bubbles doof. sie hend nüd mit da reala welt ztua. i weiss dass so bloosana eim schütza könnt. aber ehrlichgseit isch es nüd anderes als en (droga-, arbeits-, konsum-)süchtiga. nu hald ohni d substanz oder materielli güeter. für mi ghoz drum zum das echta leba wohrzneh mit all sina hässlicha siita. miar alli hend scho moment kah wos üs schlecht kanga isch. isch so. es isch wohl a charakter sach plus vili witeri zuatata wia erfahriga etc. was ma den drus macht. sücht und eba so bubbles sind de schnelli usweg. in mina auga aber nid nochhaltig und de priis isch hoch. das gsehmer sobald mr ussem fenster vo üsna sichera hüüsli (v.a. do ir schwiiz) ussa luagen. eina vu da ersta schritt wo miar in a nochhaltigi richtig könnt macha isch en langsama. mit viel gnuss und achtsamkeit als Intention. may peace be with you

*ganz stolz präsentier i eu hüt, endli inra bessera tonqualität* 

et voilà: as paar minuta simvolls gschwätz warum miar alli zum opfer werden. immer und immer wieder. an asatz wia miar üs us dem dunkla und höchst unbewussta zuastand in as liachtvolls und v.a. bewussts Sein könnt shifta. und das anhand vu minra eigena "mobbing" gschicht als biispiel haha. kai angst, wenni würkli en schada davo treit hätti, würsch du dia folg nid losa ;) es isch nid schlimm gsi, und glich hets mi immer wieder beschäftigt. 

zum das ganza no besser sacka z loh kasch dr d serie "Momo" inazücha. es meisterwerk vo üsra ziit wo üs vorzeigt in was mr üs inagritta hend. und wia d kinder, aber au dia erwachsana wo sich ihres innera kind phalta (und nid abgspalta hend), dia welt zur vernunft bringa könnt.

*uf was i nid so ikanga bin, denka aber dass es logisch isch: jeda wo zum opfer wird, wird früener oder spöter au zum täter. isch bi miar nid anderst gsi.

in dera folg ghoz um entschleunigung und wia i das i minem schnell drehenda simiversum erleba. i decka uf, dass i scho als kind es proplem mit leistigsdruck kah han. ( im sport bini immer dia letscht gsi, sus eher so de streber typ. und das au numa welli kai schlechti schüalerin han wella si und mis umfeld nid han wella enttüscha und nid well mr d schual spass gmacht hetti ). ah io und hesch scho mol öppis vunra barfuass-jogging bewegig khört? 

do no de link vum freiläufer podcast: https://open.spotify.com/show/2uI0ty6qPMYfIq68qJTDSM?si=2irPskXrRouPmSvBj3J3Dw

dia episoda isch mis ganza herz, frisch vu da lebera - wianis eba gern han. 

i verzella was i i dem joor alles erkennt, gseh und gfühlt han. i verzella wieso mini familia und fründa recht und glichzitig unrecht hend und wia us amana schlechta erzüchigsbuach mini best fründin entstanda isch.

weniger im ussa und meh im inna z leba isch eis vu mina zwüschaziel. dia folg gilt als denkastoss für witeri, eigeni gedankaergüss. höv fön

do es klises gschichtli wia i zu minra offana beziehig, resp zur polygamie koh bin. uf dr zwüschamenschlicha ebeni hani defintiv einigi fehler gmacht. i han viel träna vergossa aber es het sich glohnt. i bin hüt glücklicher und meh bi minem herza als je zuvor. falls du froga hesch oder sus irgendwelchi aregiga, kasch mr jederziit uf insta schrieba uf @simvoll_

blieb gschmeidig ;)