Í Örbylgjuofninum Skömm sameina Hjalti og Lovísa Rut, poppspekúlant RÚV Núll krafta sína og fjalla um skömm í poppkúltúr. Britney Spears, Whitney Houston, Nicki Minaj, Beyonce og Solange eru á meðal þeirra sem fjallað verður um.

Þær Áslaug Arna Sigurbjörnsdóttir, ritari og þingkona Sjálfstæðisflokksins og Eydís Blöndal, varaþingkona Vinstri- Grænna staðsetja sig ekki á sama stað í pólitík, en sem ungar konur sem hafa kveðið sér hljóðs í samfélaginu hafa þær upplifað ýmislegt sambærilegt. Fjöldi rannsókna sýna hvernig viðhorf gagnvart konum í pólitík eru frábrugðin viðhorfum gagnvart körlum. Fjölmiðlar og almenningur leifa sér frekar að tala um einkalíf þeirra og harðara er tekið á því ef þær gera mistök. Skömmum og niðurlægingu er jafnvel beitt til að þagga niður í þeim. Í þættinum er rætt við þær Áslaugu og Eydísi um veruleika ungra kvenna í samfélagsumræðu og pólitík.

Umfjöllunarefni þriðja þáttar er opinber skömmun. Í þættinum er rætt við Sunnu Söshu stjórnmálafræðing um Monicu Lewinsky, sem varð á örskot stundu umtalaðasta kona heims árið 1998 eftir að upp komst um ástarsamband hennar við Bill Clinton, þáverandi forseta Bandaríkjanna. Í þættinum heyrum við líka nokkur hljóðbrot úr TED fyrilestri Monicu Lewinsky sem er í dag orðinn helsti aðgerðasinni Bandaríkjanna gegn neteinelti og talað fyrir meiri samúð og samkennd á netinu.

Í öðrum þætti af Skömm er rætt við Álfheiði Mörtu Kjartansdóttur, framleiðanda og leikstjóra. Árið 2015 kom Álfheiður fram í viðtali í Fréttablaðinu og sagði frá drusluskömmun sem hún varð fyrir í menntaskóla. Í þættinum ræðum við hvaða áhrif það hafði á hana og líf hennar að segja frá og almennt um drusluskömmun gagnvart ungum konum.

Í fyrsta þættinum af SKÖMM er rætt við Tobbu Marínósdóttur. Fyrir nokkrum árum var varla hægt að opna vefsíður eða blöð án þess að Tobba kæmi þar við sögu. Hún var einn mest lesni bloggari landsins þegar að bloggið réð netheimum, átti bækur sem trónuðu á toppum vinsældalista bóksala svo vikum skipti og stjórnaði sjónvarpsþáttum á SjáEinum. En eins og vill verða með konur sem eru áberandi í fjölmiðlum þá virtust allir hafa skoðanir á Tobbu. Skvísuskömmun var áberandi í tali um Tobbu og í þættinum ræðir Tobba um skvísuskömmun, konur í atvinnulífinu og margt fleira.