Í þessum þætti spjalla ég við hann Gísla Sigurðarsson. 

Gísli leggur hér inn sögu sína á mjög einlægan og áhrifaríkan hátt. 

Nafn þáttarsins, innri þjáning, er komið úr sögu hans þegar hann lýsir því ástandi sem hann var í þegar hann tók ákvörðun um að hætta að drekka. 

Það sem er mjög merkilegt er að Gísli lýsir líklega meiri innri þjáningu fyrstu árin í edrúmennskunni. Hann hætti drykkju en gerði ekki neitt annað, hélt lífinu bara áfram á hnefanum. 

Gísli málar upp mjög góða mynd af sinni sögu, sögu sem lýsir leið alkóhólista svo vel. 

Ótrúlega gott spjall við frábæra manneskju 

Gísli er einn af oss 🙏

Guð gefi mér æðruleysi,
til að sætta mig við það sem ég fæ ekki breytt,
kjark til að breyta því sem ég get breytt,
og vit til að greina þar á milli 🙏

Í dag heyri ég í fastagesti þáttarins honum Pálma Fannari. 

Pálmi Fannar hefur undanfarin ár haldið utan um og séð um Edrúlífið á Djúpavogi. Edrúlífið er í dag stór viðburður á Hammond tónlistahátið á Djúpavogi. 

Pálmi fer með mér í gegnum það hvernig hann byrjaði Edrúlífið og hvernig þessi hugmynd, sem hann fékk einn góðan veðurdag  á sjónum, þróaðist yfir í þennan stóra viðburð sem helgaður er lífi án áfengis og vímuefna. 

Mjög þekktir einstaklingar hafa stigið á stokk í Edrúlífinu eins og Steinunn Ólína, Hr Hnetusmjör, Beggi í Sóldögg, Þorkell Máni og fleira gott fólk. Þar hafa þessir einstaklingar komið fram í kirkjunni á Djúpavogi og farið yfir sínar sögur og  líf þeirra án áfengis og vímuefna.  

Pámi tekur okkur í gegnum kynni sín við gestina í gegnum tíðina ásamt því að kynna til leiks gesti Edrúlífsins í ár sem eru Dóra Jóhannsdóttir leikari og leikstjóri áramótaskaupsins, og Addi í Sólstöfum. 

Að sjálfsögðu fer spjallið um víðan veg þar sem alkóhólisminn er aðalþema eins og alltaf um borð í Skrauti Bakkusar. 

Edrúlífið í ár er laugardaginn 22.apríl, í Djúpavogskirkju kl 13:00 og eru að sjálfsögðu allir velkomnir. 

Góðar stundir 🙏

Guð gefi mér æðruleysi,
til að sætta mig við það sem ég fæ ekki breytt,
kjark til að breyta því sem ég get breytt,
og vit til að greina þar á milli 🙏

Gestur minn í þessum þætti heitir Hrund Ottósdóttir. 

Sagan hennar hefst á hæfileikaríkri ungri stúlku  sem er að kynnast lífinu.
 þessi stúlka kynnist fljótlega kvíða, óöryggi og lendir í einelti áður en hún byrjar svo að drekka fjórtán ára gömul. 

Lífsins harka tekur svo við en röð áfalla skella á hana með stuttu millibili um átján ára aldur. Mesta  áfallið er  þegar hún  missir tvíburabróður sinn sem féll fyrir eigin hendi. 

Hrund fer á afar einlægan og heiðarlegan hátt í gegnum söguna og leggur fram mjög skýra en um leið átakalega mynd af þróun alkóhólismans, hvernig tilfinningaleg óreiða og óuppgerð fortíð fóru með hana að bjargbrún lífsins. 

Það er á svona stundum sem ég þakka fyrir að hafa byrjað þetta hlaðvarpsverkefni mitt. Ég lærði svo mikið af þessu spjalli mínu við hana Hrund því hugrekki hennar og æðruleysi sýnir svo skýrt hversu mikil forréttindi það er að vera í góðum bata.  Saga hennar snerti mig afar djúpt og ég er ekki í nokkrum vafa að hún á eftir hjálpa mörgum. 

Hrund Óttósdóttir er ein af oss 🙏

Guð gefi mér æðruleysi,
til að sætta mig við það sem ég fæ ekki breytt,
kjark til að breyta því sem ég get breytt,
og vit til að greina þar á milli 🙏

Ég fæ góðkunningja þáttarins, hann Pálma Fannar,  í heimsókn að þessu sinni.

Þegar ég fæ Pálma með mér horfi ég á það sem "alkaspjall." Tveir alkóhólistar í bata að ræða málin og reyna eftir bestu getu að tala sig í átt að einhverri lausn. 

Hann kemur með pælingar að borðinu sem við svo ræðum í gegnum eins og við sjáum hlutina, alltaf út frá okkar reynslu.  

Það er komið inná mikið í þessum þætti, alveg frá vangaveltum um Guð eða æðri mátt, yfir í uppgjöfina, meðferðina og lífið eftir meðferðina. Mjög gott að hlusta á pælingar Pálma um þessi málefni. 

Reyndu aftur er nafn þessa þáttar og er það bein tilvísun í lag þáttarins sem Pálmi kom með. Hann segir okkur frá sinni túlkun á laginu og lögum almennt sem hann tengir við alkóhólisma. 

Góðar stundir 🙏

Guð gefi mér æðruleysi,
til að sætta mig við það sem ég fæ ekki breytt,
kjark til að breyta því sem ég get breytt,
og vit til að greina þar á milli 🙏

Gestur minn að þessu sinni er Þorkell Máni Pétursson 

Þorkell Máni er m.a fjölmiðlamaður, umboðsmaður, rithöfundur, markþjálfi og  knattspyrnusérfræðingur, en fyrst og fremst er hann alkóhólisti í bata. 

Við settumst niður á dögunum með það fyrir augum að ræða alkóhólisma en Þorkell Máni hefur verið í bata í 27 ár. 

Hann fór með mér í gegnum sína sögu á skemmtilegan hátt eins og honum einum er lagið.

Það er komið inná margt í þessu spjalli okkar, alveg frá færibandsvinnu í keksverksmiðju, yfir í heim íþrótta og inn í æðri mátt eins og við skiljum hann. 

Það var afar auðvelt fyrir mig að tengja við hann þegar hann ræddi alkóhólisma í  heimi knattspyrnunnar. Þar eins og annar staðar þrífst sjúkdómurinn og teygir anga sína víða inn í hliðarfíknir og andlega heilsu. Dæmi um hliðarfíkn íþróttamanna er t.d spilafíkn eða veðmál. 

Frábært spjall við frábæran einstakling sem hikaði ekki eitt augnablik að verða við þeirri beðni að gefa klukkutíma í það að ræða sögu sína hér í Skrauti Bakkusar.

Guð gefi mér æðruleysi,
til að sætta mig við það sem ég fæ ekki breytt,
kjark til að breyta því sem ég get breytt,
og vit til að greina þar á milli 🙏

Gestur minn að þessu sinni heitir Hilmar Garðasson. 

Hilmar fer yfir sögu sína sem er svo sannarlega þyrnum stráð. 

Hann fer yfir það með mér hvernig alkóhólisminn greip hann strax frá fyrsta sopa og hvernig hans fíkn þróaðist hratt alveg frá þessum fyrsta sopa áfengis yfir í aðra vímugjafa. 

Bakslag er eitthvað sem mörg okkar kannast við. Það er því mjög áhugavert þegar hann talar um sín bakslög, hvað það var sem er sameiginlegt við undanfara þeirra og hvað einkennir batann á bakvið hverja edrúgöngu hans. 

Hilmar er tónlistarmaður þannig að það lá beint við að kafa aðeins ofan í list og sköpun. Eitt af hans lögum heitir MR. Codein sem hefur einmitt verið valið lag vikunnar hér í Skrauti Bakkusar. Hann fer yfir söguna á bak við það lag ásamt því að velja lag vikunnar sem hefur gert mikið fyrir hann í núvarandi bata. 

Nafn þáttarins, Augu kókaíns,  á einmitt rætur sínar að rekja í hans lag vikunnar og hvernig það tengist hans neyslusögu. 

Frábært spjall við einstakling sem talar af mikilli auðmýkt og heiðarleika 🙏

Hilmar er einn af oss 

Guð gefi mér æðruleysi,
til að sætta mig við það sem ég fæ ekki breytt,
kjark til að breyta því sem ég get breytt,
og vit til að greina þar á milli 🙏

Í dag fæ ég til mín hana Margréti Erlu sem fer yfir sína reynslusögu með mér. 

Við förum yfir sögu sem lýsir mjög vel hvernig alkóhólisminn þróast í brothættri ungri stelpu með brotna sjálfsmynd og þá leið sem hún var á þegar hún svo á endanum fann að hún þurfti hjálp. 

Framundan var erfiður tími að vinna úr lífinu í bata. Hún kemur vel inn á það hversu mikill munur er á batanum þegar hún sleppir vinnunni í kringum hann, eða þegar hún virkilega vinnur og  ræktar batann.

Ég sé það oftar og oftar hvert góður bati getur leitt okkur og hvaða möguleikar opnast í lífinu ef maður bara kýs að sjá það. Margrét Erla málar upp svo góða mynd af einmitt því hvernig hennar bati hefur þróast yfir í frábæran stað í lífinu. 

Margrét Erla lagði fram lag þáttarins sem heitir "Take me home"  með Jess Glynne. Nafn þessa þáttar er leiðin heim sem ég tengi við það sem hún tekur úr þessu lagi. Einning er auðvelt að segja það að þessi magnaða kona hafi fundið leiðina heim á þann stað sem hún er í dag. 

Guð gefi mér æðruleysi,
til að sætta mig við það sem ég fæ ekki breytt,
kjark til að breyta því sem ég get breytt,
og vit til að greina þar á milli 🙏

Jæja þá hefjum við leik að nýju. 

Með þessum þætti keyrum við Pálmi aðra seríu Skrauts Bakkusar í gang. 

Við förum hér saman yfir það sem þetta podcast snýst um. Eftir sem áður er aðal efni Skraut Bakkusar alkóhólismi í allri sinni mynd. 

Mér finnst það mikilvægt að það komi fram að ég er ekki sérfræðingur í þessum fræðum heldur er ég fyrst og síðast alkóhólisti í bata. Ég set þetta áfram upp þannig að ég sé að læra af öðrum en á sama tíma geti hugsanlega aðrir gert það líka. 

Í þessum þætti ræðum við Pálmi um það hvernig við sjáum þetta fyrir okkur og hversu mikilvæg þessi vinna er fyrir einstaklinga eins og okkur sem finna kraftinn í öðrum alkóhólistum. 

Min einlæga von er að einhverjir tengi og fái eitthvað út úr þessu. Nákvæmlega sú von er hreinlega drifkraftur Skrauts Bakkusar. 

Guð gefi mér æðruleysi,
til að sætta mig við það sem ég fæ ekki breytt,
kjark til að breyta því sem ég get breytt,
og vit til að greina þar á milli 🙏

Þessi þáttur er settur upp á annan hátt en aðrir þættir af einni ástæðu og ástæðan er sú að þetta verður síðasti þátturinn í season 1 hjá mér. 

Þessi þáttur fer því í það að gera upp þetta fyrsta season. 

Þetta er þrítugasti þáttur Skrauts Bakkusar og í gegnum þessa þrjátíu þætti hafa margir gestir komið og gefið mér sögu sína.  Af öllum gestum þáttarins hef ég lært eitthvað og ég fer aðeins yfir það í þessum uppgjörsþætti. 

Ég fer yfir það hvað hefur breyst hjá mér í gegnum þessar þrjátíu vikur, hvernig batinn hefur þróast og hvað er í dag mikilvægt fyrir mig til þess að verða stoltur þakklátur alkóhólisti í bata. 

Hvað er það að vera með fíknisjúkdóm, hvernig lýsir hann sér og er hægt að halda honum niðri?  Hvað ef ég segi ykkur að með því að vinna í honum þá er hægt að finna leið til þess að bæta sig sem manneskju, finna frelsi og þakklæti í því að vera venjulegur maður á hverjum degi. 

Vinnan hefur klárlega gert mig betri, gestirnir hafa gert mig betri. 

Guð gefi mér æðruleysi,
til að sætta mig við það sem ég fæ ekki breytt,
kjark til að breyta því sem ég get breytt,
og vit til að greina þar á milli 🙏

Í dag heyri ég í honum Halldóri Steini 

Halldór Steinn var í vandræðum með áfengi frá fyrsta sopa 

Hann fer yfir það með mér hvernig ákveðið stjórnleysi og vandræðagangur í æsku leiðir hann inn í drykkju sem litaðist strax af óreiðu. 

Halldór fer á heiðarlegan hátt hvernig hann drykkjan varð verri og verri þangað til hann gat ekki meir. 

Fyrir framan hann lá ákörðun sem getur reynst mörgum  svo erfið  "Ég þarf að hætta að drekka og ég þarf hjálp við það því ég get það ekki sjálfur "  

Það er svo hollt og gott að hlusta á leiðina frá uppgjöfinni, inná Vog og svo leiðina inn í batann. 

Frábært spjall við hugrakkan einstakling sem leggur sína sögu fram fyrir okkur hin. 

Halldór Steinn er einn af oss 🙏

Guð gefi mér æðruleysi,
til að sætta mig við það sem ég fæ ekki breytt,
kjark til að breyta því sem ég get breytt,
og vit til að greina þar á milli 🙏