Słuchatko - stawizny, reportaže, informacije ze Serbow (MDR Serbja)

Njedźelniše wusyłanje 13.11.2022: Cannabis – přeco zaso je so w Němskej wo tym přemyslowało hač njeměł so legalizować. Nětko so prěnje kroki k tomu přewjedu. Matej Wjeńka předstaji nam lěpšiny a njelěpšiny.

Monika Gerdesowa je knihu čitała, a tež dr.Lubina Malinkowa, kiž sama wo Ochranowskich misionarach slědźi. Zhromadnje so na zakładźe knižneje nowosće hišće raz na slědy njewšědneho žiwjenja serbskeho misionara podatej.

Njedźelniše wusyłanje 23.10.2022: Naša hudźbna redakcija je sej přez cyłe lěto ze serbskimi spěwarkami a spěwarjemi do nahrawanskich studijow dojěła a znate kompozicije Korle Awgusta Kocora do moderneho šata přenjesła.

Njedźelniše wusyłanje 10.10.2022: Na 70 lětne wobstaće Serbski ludowy ansambl lětsa zhladuje, cyły kónc tydźenja tam swjećachu. A Katka Pöpelec bě live pódla.

Njedźelniše wusyłanje 10.10.2022: Stare NDR-ske jězdźidła su złote pokłady w garažach Serbow. Mnozy wobsedźa hišće Simson-moped, Awo abo snano tež DUO abo Trabi. Ale kotre njewšědne wokomiki sće z nimi dožiwili?

Wusyłanje 03.10.2022: Mamy nazymu a to nic jenož po kalendrje. Syman Hejduška je za to pisany sep nazymskeje hudźby zestajił. A tuž chcemy so w přichodnej poł hodźinje hudźbnje na wony rjany a pisany počas nastajić.

Na polu serbskeje elektroniskeje hudźby so hižo někotre lěta młodźi Serbja a młode Serbowki hibaja. Jedna z młodych hudźbnicow a producentkow na tutym polu je Sofija Cyžec – tež znata pod Ida Bux a MC Anka.

Hotujemy so na komunalne wólby. Ale što naše gmejny w přichodźe wočakuje? Něhdźe dwě třećinje komunow w Budyskim wokrjesu ma lětsa problemy, swój hospodarski plan nastajić. Smy so w někotrych gmejnach rozhladowali.

Samo intendant MDR-a bě sej składostnje 25 lět Radijo Satkula do Budyšina dojěł. Moderatorce Hana Šmitec a Marija Rabec stej šefa tež do wusyłanja přeprosyłoj. A na někotružkuli stawizničku ze zašłych lět su pohladnyli.

Bajkojta słuchohra wo rubježniku Rumbje. Přińdźeće sobu do fiktiwneho městačka Krumpotecy. Rubježnik Rumbo znaje kóždy štom a kóžde žórło. A runje za nimi chce koncern “Naša woda” točić.