Słuchatko - stawizny, reportaže, informacije ze Serbow (MDR Serbja)

Njedźelniše wusyłanje 06.08.2023: We Łužicy jeho rědka nadeńdźeš, dokelž je najwjetši čas w Italskej. Clemens Šmit je jeho na woběmaj městnomaj zetkał. W Romje a we Łužicy, hdźež je měšnik w lěćnych prózdninach přebywał.

Połdra lěta respektiwnje dlěje hač 500 dnjow wójna Ruskeje přećiwo Ukrainje mjeztym traje. Florian Jurenc měješe njedawno składnosć, sam w Ukrainje pobyć. Tak móžeše widźeć, što so tam stawa.

Něhdyši direktor Załožby za serbski lud, Marko Suchy, woswjeći jubilej - je 70 lět stary. Hišće dźensa je w serbskej politice aktiwny. Za nas běše to přićiny dosć, so z nim raz rozmołwjeć. Beno Šołta je z nim porěčał.

Njedźelniše wusyłanje 23.07.2023: Wona bydli cyle na kromje Myšec blisko Haslowa: dr. Katharina Braune-Kurrekowa. W Drježdźanach je nimale swoje cyłe žiwjenje jako žónska lěkarka skutkowała. Beno Bělk předstaji nam ju.

Beno Šołta bě live na městnje w Małym Wachowje, němsce Kleinwachau. To je blisko Radeberga. Tam maja centrum za epilepsiju z hnydom wjacorymi domami. A tež Serbja tam dźěłaja.

Njedźelniše wusyłanje 16.07.2023: Rahel Zelnakec bě po puću a je so pola šwalčow, nošerkow a chowarkow wědy wokoło drasty naprašowała.

Naš reporter Beno Šołta poby w zubnotechniskim laborje we Wojerecach.

Serbski rozhłós originalnje a live na městnje na festiwalnej njedźeli z Chrósćic. Tule móžeće sej podcastowe wusyłanje hišće raz naposkać.

Zawěsće sće wšitcy hižo słyšeli, zo je Nowa Doba nowy album wudała. W młodźinskim wudaću Satkule stej so Satkularce z čłonom Pětrom Dźisławkom rozmołwjałoj.

"100 lět sport w Delanach" bě hesło wulkeho swjedźenja w Ralbicach. Wot pjatka swjećacu tam z wulkim swjedźenjom, sportowanjom a wězo tež z bjesadu, wobstaće sportoweho žiwjenja we wsy.