كثير مرات منسمع مصطلحات والقاب اللي خصها بادارة الشركات، بس قدي احنا منعرف شو معناها؟ بهاي الحلقة راح نمرق على هاي الالقاب ونشرح شو وظيفة كل واحد منها.

بالحلقة الي قبل حكينا عن شو يعني ستارتاب (بتأمل بعدك متذكر) وشفنا انو الشغلة فيها مخاطرة كبيرة.

طب ليش مع كل هاي الصعوبات والمخاطر في ناس الي بتكون مستعدة تترك شغلها الي بجيب معاش عالي وثابت شهريا وبتقرر تفتح ستارتاب!!؟ ليش مثلا ما يروحوش على مشروع مضمون شوي أكتر؟

هاد هو بالزبط موضوع حلقتنا لليوم.

بحلقتنا اليوم رح أطرح 3 أجوبة أساسية لهاد السؤال ولكل واحد منها بدي ياك توخد لحظة وتفكر هل هاد الجواب ملائم إلك وممكن تتبناه لما تيجي تعمل ستارتاب.

الشرك الكبيرة بتحوّطنا بكل مجال بحياتنا، يعني شو ميكون بدنا نعمل راح يكون دايمًا في طرف لهاي الشرك، بس قدي احنا عنجد منعرف كيف بتشتغل؟
بهاي السلسلة راح نتعرف على كثير مصطلحات من مجال ادارة الاعمال، وبالاخص مجال الشرك الكبيرة.

بهاي السلسلة رح نتناول المصطلحات الاساسية من عالم الستارتاب مثل شو هي الظروف الي بعيش فيها, منوين بجيب مصاري, شو الارباح المتوقعة, كيف نلاقي فكرة نبدأ فيها أصلا وكمان كتير من المواضيع
بحلقتنا الأولى رح نبدأ بتعريف مصطلحات أساسية من عالم الستارتاب الي فيها رح نتعمق بشو يعني ستارتاب وايش هي الظروف الي بتتواجد فيها الشركات هاي عشان تتسمى ستارتاب