నా గమ్యానికి వ్యతిరేక దిశలో పయనిస్తున్న

విలువైన సమయాన్ని వృథా చేస్తున్న

ఏదో చేయాలనే తపన మనసులో ఉన్నా

ధైర్యంగా అడుగు ముందుకు వేయలేకపోతున్న

అనుకున్నది సాధించలేకపోతున్న

అని మనసులో మథన పడుతున్న

నన్ను నేనే సంకెళ్లతో బంధించుకున్నా

బాధని మోసే గుండెలో భావాలెన్ని ఉన్నా

బయటకి రాకపోతే ప్రయోజనం సున్నా

సినీ వినీలాకాశంలో ఎగరాలనే కోరిక మనసుని మెలిపెడుతున్నా

తెగిన గాలిపటంలా అటు ఇటు తిరుగుతున్న

ఏ తీరం చేరాలో తెలియక దిగాలుగా ఉన్నాయి రాసిన కథలన్నీ

పదాలు పరిగెడుతున్నాయి మీ చప్పట్లు వినాలని

అచ్చు వేయని పుస్తకాల రచయితని

ఒక్కరైనా చదవని నా కథలకి నేనే విమర్శకుడిని

తీయని సినిమాకి దర్శకుడిని

నా రచనలకి నేనే ప్రేక్షకుడిని

అని వెక్కిరిస్తున్నాయి ప్రతికూల ఆలోచనలు నా మెదడుని

                 "ఐనా"

అసమర్థుడిలా మిగిలిపోయే రకం నేను కాదు

కళను నమ్ముకున్న నా కలంలో సిరా ఎప్పటికి ఇంకిపోదు

నిశీధి తరువాత వచ్చేది ఉషోదయమే

నిరాశ నన్ను ఆవహించినప్పుడల్లా నాకు హుషారునిచ్చేది కవిత్వమే

Please check out my YouTube channel:

www.youtube.com/c/NS360