’n Nuwe studie deur Blood Lions en World Animal Protection wys duidelik: Daar is geen bewys dat aanhouding en teel van leeus in Suid-Afrika enige behoudsvoordele bied nie — inteendeel, dit kan die vraag na leeu-produkte en onwettige handel aanwakker. Met sowat 8 000 leeus in byna 350 aanhou- en teelinstansies, word ernstige vrae gevra oor bewaring, welsyn en internasionale handel. Dr Stephanie Klarmann van Blood Lions werk op grondvlak met hierdie kwessies.