Mode Moment met Simon Rademan - Wat is STYL?

Suid Afrika het deel geneem aan die Dance World Cup in Dublin waar hulle 44 medaljes verower het en algeheel sesde geindig het.

Die Nu Dance studio in Constantia Park was verantwoordelik vir omtrent 35 van dié medaljes.

Die kinders oefen ongeveer 20 ure n week en dit het gewys as mens na die resultate kyk! Die eienaars van die dansateljee, Evan van Soest en Nelmari Bornmann, het saam met twee dansers, Joshua Grové en Denay Welgemoed met Sarina kom gesels oor wat dit verg om jou land op dié vlak te verteenwoordig.

Doepie het gedink Padel gaan lekker maklik wees en het toe 'n jong Pro uitgedaag om meer uit te vind van die sport terwyl hulle speel. Kan jy raai wie het tweede gekom?

26 Julie 2026

19:00 - 20:00

Tydens die uur gesels Dr Zander van der Westhuizen en Prof Chris de Wet Openbaring 2 & 3 wat gerig is aan die sewe gemeentes in klein-Asië (vandag se Turkye). Hulle gee agtergrond oor die gemeentes - wat jy vandag steeds kan besoek. Die konteks van die stede help ons om die briewe beter te verstaan en te leer wat die rykdom van die Bybel inhou as ons dieper delf. Hulle gesels ook oor die nuwer navorsing rondom die briewe en die argeologie van die stede.

Suid-Afrika se ikoniese kraanvoëls het ons hulp nodig. Ná byna 20 jaar word die nasionale Kraanvoëlsensus weer van stapel gestuur, en dié keer kan enige Suid-Afrikaner maklik via WhatsApp deelneem. Die inisiatief sal help om beter te verstaan waar Bloukraanvoëls, Lelkraanvoel. en Mahem- of Kroonkraanvoëls voorkom, hoe hul getalle verander en waar bewaringspogings die nodigste is. Jacqui van der Westhuizen van die Endangered Wildlife Trust sluit by ons aan.

Bok van Blerk is terug met “Hart Van ’n Leeu” – ’n kragtige nuwe volkslied vir moed, samehorigheid en die wengees van Suid-Afrika.

Johnny van Future Radio is hierdie week se #HOOF-Fokus op #ALT-Fokus met Venita. Hy verduidelik die rede agter sy nuutste enkelsnit, "Creep" en hoekom hy besluit het om 'n nuwe baadjie vir 'n Radiohead 'classic' aan te trek.

Vir byna 30 jaar is Potter's Haven in Springs 'n veilige hawe vir babas en kinders wat mishandel, verwaarloos of verlaat is – baie van hulle met gestremdhede of spesiale behoeftes. Maar die organisasie is tans onder geweldige finansiële druk en doen 'n dringende beroep op die publiek en besighede om te help sodat hulle kan voortgaan om vir hierdie kwesbare kinders te sorg. Elrica gesels met Adri Potgieter, hoof van fondsinsameling by Potter's Haven.

Ons almal wil in 'n skoner, veiliger en beter Pretoria woon, maar waar begin 'n mens? Die Make Pretoria Great (MPG) Foundation bring inwoners, besighede en die regering bymekaar om praktiese verandering in ons stad te bewerkstellig. Van die herstel van infrastruktuur tot die opknapping van openbare ruimtes – hulle glo dat elke inwoner 'n rol het om te speel. Anel du Preez en Merle van Staden van MPG sluit by ons aan.

Die Tshwane-varsproduktemark is 'n belangrike skakel in Suid-Afrika se voedselvoorsieningsketting, maar jare van verval en gebrekkige instandhouding het groot kommer veroorsaak. Nou het 'n hofbevel die Tshwane-metro opdrag gegee om die mark op te knap en noodsaaklike verbeterings aan te bring. Gjalt Hoogiemstra van die Instituut vir Markagente van Suid-Afrika (IMASA) gesels met ons oor wat dié uitspraak beteken vir produsente, handelaars én verbruikers.