GROOTfm 90.5

YouVersion, die skepper van die wêreld se gewildste Bybeltoepassing, het vroeër vanjaar ’n plaaslike spilpunt in Suid-Afrika gevestig om Bybelbetrokkenheid in Afrika verder uit te brei. Met meer as 30 miljoen downloads van YouVersion se Bybeltoepassings in Suid-Afrika, tel ons land onder die top vyf lande ter wêreld wat daaglikse betrokkenheid betref. Die toepassing bied toegang tot God se Woord in meer as 2 400 tale. Mari Joubert, vennootskapsbestuurder vir YouVersion Suid-Afrika, sluit by ons aan om meer te vertel oor hierdie groei en hoe tegnologie mense help om die Bybel in hul eie taal te ontdek.

Inspirasie deur Reinhardt Smit Vanoggend

Venita en Hugh Lynn op #WeeksdaeVibes? 'BESTIES FOR THE RESTIES!' Van baie lag en lekker VIBES tot ’n gesprek uit die hart. Venita het met Hugh Lynn gesels oor sy nuwe enkelsnit “Hemel”– ’n besonderse persoonlike liedjie wat gebore is uit verlies, rou en uiteindelik ook liefde. Al kan Hugh nie vir Venita leer om die driehoek te speel nie, is hy steeds meer as welkom om saam met haar te VIBE!  Hugh Lynn, jy is nou amptelik deel van die #WeeksdaeVibes-familie!

Ds. Maartje van der Westhuizen is gekies as die eerste vroulike voorsitter van die NG kerk se oosterlike sinode en is ook die onder voorsitter van die algemene sinode, sy het met Annelie kom gesels oor diensbare leierskap

In die ABC van Ouerskap fokus ons vandag op die V vir Verlies – spesifiek kind- en swangerskapsverlies. Dit is ’n onderwerp waaroor daar dikwels min gepraat word, maar vir ’n ouer kan die verlies van ’n baba of kind ’n diep en langdurige impak hê. Kliniese sielkundige, Dr Mia Kritzinger is by ons om te gesels oor rou, ondersteuning en hoe ons as familie en gemeenskap ruimte kan maak vir ouers wat deur so ’n verlies gaan.

Ons gesels weer vanoggend met Jakob Ellis, Huislenings Konsultant van BetterBond oor wat die foute is wat nuwe kopers maak wat hulle duur te staan kan kom?

Charonike bring jou oggend inspirasie met Brandon Laike & Lainey Wilson - The Jesus I know now

Liezel van der Merwe van Intiem, kom gesels met Doepie en Nina oordie 5 W's wat die Huwelik laat woema gee... sy deel ook refleksie vrae wat jy en jou maat oor kan dink.

Inspirasie deur Nina Vanoggend

Venita gesels met Luna Paige oor haar musiek, albums en oomblikke wat vasgevang moet word om in stories te verander. Luna vertel meer oor haar album "Die Reisigers" en Venita sit fokus op haar nuwe liedjie "Die Tas".