Die Universiteit van die Vrystaat het pas geskiedenis gemaak met die opening van die wêreld se eerste Kameelperd-navorsingsfasiliteit by Amanzi Privaat Wildreservaat naby Bloemfontein. Onder leiding van Prof. Francois Deacon, ’n ware kampvegter vir die bewaring van kameelperde, gaan hierdie sentrum help om die diere beter te verstaan en te beskerm. Met die steun van Save the Giraffes, Absolute Genetics en die Kroonstad Dierehospitaal is dit ’n groot stap vorentoe vir kameelperdbewaring — en vir Suid-Afrikaanse wetenskap.